Lukas 24:27 - Jaji ma Su-sungi

²⁷ Gena ḏua, Yesus 'a sitarangi ra ananga 'oru ga'a silefo ḏua toma Boku 'Ofi-'Ofi ma dara mangale Unanga masiretene; mulaingi ra Musa 'ai boku-boku re nabi-nabi mo-moini manga boku.

Lukas 24:27 Iomraidhean Croise

Markus 4:34

Soi moi mai i'a ua, Unanga 'o pake ua 'ade-'ade na'o 'O doto'o ngowa-ngowa'a. Mada'a na'o Unanga masiretene re 'Ai me-mete'e, Unanga 'a sitarangi mo-moini ra ananga.

Lukas 24:25

Ḏua Yesus 'o kanau i'a ra ananga, “Ngini mode-mode'e ni haga! Ni ngaku nyangu moju mangale 'oru ga'a nabi-nabi ya lefo ḏua 'ua re 'au wali!

Lukas 24:44

Togumu i'a, Unanga 'o kanau ra ananga, “Wakutu Ngoi to marimoi ra ngini moju, Ngoi ta siajele ḏua ra ngini: Mo-moini mangale Ngoi ga'a 'i silefo ḏua ra Musa re toma nabi-nabi manga boku re toma Mazmur ma dara; gena-ge balasu 'i dadi.”

Yohanes 1:45

Filipus 'o tagi 'o ma'u sanga ra Natanael re 'o kanau, “Ngomi remi ma'u sanga 'O Kristus ga'a silefo ḏua ra Musa 'ai hukumu, re nabi-nabi manga boku: Unanga gena-ge 'a Yesus toma limau Nazaret, 'a Yusuf 'ai ngowa'a nau'u!”

Yohanes 12:41

Yesaya 'o kanau so'o gena-ge sababu unanga ro oḏi'i Yesus 'ai kuasa, dadi 'o kanau mangale Unanga.

Yohanes 5:37

Re ḏi'i, 'Ari Ḇaḇa masiretene ga'a Ro 'utusu Ngoi 'O pula'a sakisi mangale Ngoi. Ngini ni 'isene ua Unanga 'ai iḏingi bolo ni oḏi'i ua Unanga 'ai rupa.

Yohanes 5:39

Ngini ni madoto'o la-la Boku 'Ofi-'Ofi sababu ni ta'ajiri na'o ngini ni 'a'a so'o gena-ge ni sanga 'ahu kasingado-ngadolo i'a. Ma nyonyata, Boku 'Ofi-'Ofi gena-ge 'i pula'a sakisi mangale Ngoi!

Yesus 'ai so-soma'a 10:43

Nabi mo-moini 'aḏi siajele pasala ḏua mangale Yesus. Ananga gena-ge 'aḏi siajele mangale 'a guna ḇato ngaku Yesus, Ma Jou'ongu Madutu 'a singi-ngiranga manga ḏosa ḏua, sababu Yesus 'ai kuasa.”

Yesus 'ai so-soma'a 3:18

Mada'a, enanga gena-ge 'i dadi ma tero sa'olo Ma Jou'ongu Madutu 'a siajele pasala ḏua ra Unanga 'ai nabi-nabi mo-moini mangale 'O Kristus ga'a Unanga balasu 'o sanga sangisara.

Yesus 'ai so-soma'a 3:22

Musa 'o kanau mangale Yesus gena-ge, ‘Ma Jou'ongu Madutu ḏuanga i'a 'o sitede Matengo 'o dadi nabi ra ngini ninga bangsa manga sigolona masiretene, unanga gena-ge sa'olo ngoi, Musa. Ngini balasu na mete'e 'Ai demo wakutu Unanga nu kanau.

Yesus 'ai so-soma'a 3:24

Nabi-nabi manga repe, mulaingi Nabi Samuel re 'age ḏi'i nabi ma lelegu ya siajele pasala ḏua mangale 'ori i'a 'i dadi toma 'orasa gena-ge.

Yesus 'ai so-soma'a 7:37

Musa, unanga nena-ne ga'a 'o kanau toma ngowa'a Israel, ‘Ma Jou'ongu Madutu ḏuanga i'a 'o 'utusu nabi matengo. Unanga gena-ge 'o cumutu taninga sigolona ma tero sa'olo Unanga ro cumutu Ngoi.’

Yesus 'ai so-soma'a 8:35

Ḏua 'a Filipus 'o mulaingi kanau, pake bu-bula'a—bu-bula'a gena-ge ra Yesaya 'ai boku, la 'o singadolo Habari Roanga mangale Yesus toma ngowa'a Etiopia gena-ge.

Tingoýi 19:10

Ngoi to mapagara 'ari biono tala toma mala'ekata gena-ge 'ai biono di'a to silamo'o re siḏubuso unanga. Mada'a unanga 'o kanau, “Ra ngoi awa! Awa no silamo'o re siḏubuso ngoi. Pa'i no silamo'o re siḏubuso Ma Jou'ongu Madutu ḇato! Sababu ngoi ḏi'i ta Unanga ma tero sa'olo 'Ai budaka ma tero ngana re ma tero 'ani ioronongoḏu ngo-ngaku rimoi ga'a 'aḏi macako'o namo-namoto do-doto'o ba-banari ga'a Yesus 'o pula'a pasala ḏua. Do-doto'o ba-banari gena-ge 'i sigaraki ngowa-ngowa'a di'a 'aḏi pula'a habari da'u ra Ma Jou'ongu Madutu tala.”