Lukas 24:23 - Jaji ma Su-sungi

²³ Mada'a i'a da'a, ananga ya sanga ua Yesus 'ai mayeti. Ḏua 'aḏi maḏibo ino ra ngomi re 'aḏi siajele ananga 'aḏi oḏi'i mala'ekata-mala'ekata. Re mala'ekata-mala'ekata gena-ge 'i siajele mangale Yesus dadunu 'o 'ahu moju.

Lukas 24:23 Iomraidhean Croise

Matias 28:6

Unanga 'o cua 'ane. Unanga dadunu ro 'ahu moju sa'olo 'au nga'ene Ro kanau ḏua ra ngini. Ino ni oḏi'i ga'a ngowa'a ya sigare 'Ai mayeti,

Markus 16:11

Ḏua wakutu, ngo Maria mo siajele remi roanga, “Yesus dadunu 'o 'ahu moju re ngoi to oḏi'i masiretene!” Mada'a ananga 'aḏi ngaku ua.

Lukas 24:22

Sidogo ḏi'i, we-were'a nga muḏuo i'a tananga sigolona ananga 'aḏi sikage ngomi: Da-daini i'a moju, ananga raḏi tagi toma kubu.

Lukas 24:24

Ḏua nga muḏuo i'a taminga sigolona, ananga ya 'isene so'o gena jau-jau 'aḏi tagi ḏi'i toma kubu gena-ge re ya sanga i'a ma tero sa'olo we-were'a ya siajele, mada'a ananga 'aḏi oḏi'i Yesus ua.”

Lukas 24:3

Ḏua ananga 'aḏi osama toma kubu ma dara, mada'a ya sanga ua Ma Jou Yesus 'ai mayeti.

Yohanes 20:18

Dadi ngo Maria mo tagi re gasa habari gena-ge ra Yesus 'ai me-mete'e, re mo kanau, “Ngoi reto oḏi'i Ma Jou!” Re mo siajele mo-moini ga'a Yesus ro siajele ra munanga.