Lukas 24:21 - Jaji ma Su-sungi

²¹ Momongolo ua ngomi masinganono Unanga nga'unu 'o sibebasa Israel tamanga lawana! Unanga ro sengene, singadolo nange-ne toma wangere ma soi ro'ange ḏua.

Lukas 24:21 Iomraidhean Croise

Lukas 1:68

“Ino ngene wo puji re silamo'o Ma Jou'ongu Madutu, ngowa'a Israel manga Jou. Sababu Unanga ro sapolo 'o riono 'ai ngowa-ngowa'a re 'o sibebasa ananga toma 'Iblisi ma pareta.

Lukas 2:38

Toma 'orasa gena-ge, munanga ḏi'i mo sapolo, mo pula'a murasa ma la ra Ma Jou'ongu Madutu re mo siajele mangale ngowa kiau gena-ge toma ngowa'a mo-moini ga'a totoma enanga ma 'orasa Ma Jou'ongu Madutu 'o sibebasa ngowa'a Israel tamanga lawana.

Yesus 'ai so-soma'a 1:6

Wakutu 'a Yesus re 'Ai so-soma'a 'aḏi malomu, ananga 'aḏi sano ra Yesus, “Ma Jou, 'orasa nange-ne mau dadunu no side'oso Israel manga pamarenta moju bolo ua?”

Yesus 'ai so-soma'a 7:28

Bolo ngana mau no sisengene ngoi, ma tero sa'olo 'au nyigo no sisengene ngowa'a Mesir matengo?’

Tingoýi 5:9

Re ananga gena-ge 'aḏi manyanyi nyanyi su-sungi rimoi. “Doba ma Ngowa 'I patasa ḇato di'a 'oro kartasi lo-lolo gena-ge re 'I woi'i ma segele. Sababu Enanga ri sengene re Ma ngaunu 'i pa'ala, la 'I tuusu ngowa-ngowa'a toma suku mo-moini, demo-demo mo-moini, nagara mo-moini re bangsa mo-moini di'a Ma Jou'ongu Madutu.