Lukas 23:50 - Jaji ma Su-sungi

^50-51 'Age rema ngowa'a matengo 'ai lomanga 'a Yusuf, unanga 'ai 'asala toma limau Arimatea toma daeraha Yudea. Unanga ngowa'a la-la re ngowa'a loasa re banari, re 'o totoma Ma Jou'ongu Madutu 'ai Pareta. Unanga ḏi'i 'o osama nyo-nyoimi toma Mahkamah 'Agama mada'a 'o mete'e ua Mahkamah 'Agama manga putusanga di'a sisengene Yesus.

Lukas 23:50 Iomraidhean Croise

Lukas 2:25

'Orasa gena-ge toma limau Yerusalem 'age rema ngowa'a matengo 'ai lomanga Simeon, ngowa'a loasa re banari ga'a 'o 'ahu di'a sisanangi Ma Jou'ongu Madutu 'ai 'akala re sinyingara re Ma Ngagara 'Ofi-'Ofi 'i nyanyasele unanga. Unanga gena-ge 'o totoma Ma Jou'ongu Madutu 'o sisalamata 'Ai ngowa-ngowa'a Israel enanga ma 'orasa.

Yesus 'ai so-soma'a 10:2

Unanga re ngowa'a mo-moini ga'a tegoro tai wala ma dara, ananga 'aḏi 'ahu di'a sisanangi Ma Jou'ongu Madutu re 'aḏi silamo'o re mojongo Ma Jou'ongu Madutu. Unanga 'o pula'a pipisi lai repe toma ngowa'a Yahudi ma dinga'unu ua manga repe. Unanga 'o manyiata ra Ma Jou'ongu Madutu tau-taunu ḏi'i.

Yesus 'ai so-soma'a 10:22

Ananga ya sangoro, “Kapiteng Kornelius 'o soma'a ngomi sapolo 'ane. Unanga ngowa'a loasa re banari re 'o silamo'o re mojongo Ma Jou'ongu Madutu. Ngowa'a Yahudi mo-moini 'aḏi silamo'o masala unanga ḏi'i. Ma Jou'ongu Madutu 'ai mala'ekata matengo 'o soma'a unanga 'o golo'o 'a Tuanga no sapolo tai wala, la 'o 'isene 'oru Tuanga no siajele ra unanga.”

Yesus 'ai so-soma'a 11:24

Barnabas 'ai 'akala re sinyingara lai la-la re Ma Ngagara 'Ofi-'Ofi 'u ḏegoro re 'ai ngo-ngaku 'i te'e masala singadolo ngowa'a manga repe raḏi ngaku Ma Jou Yesus.

Yesus 'ai so-soma'a 13:29

Wakutu ananga 'aḏi si'a'a mo-moini mangale nabi-nabi 'aḏi silefo pasala ḏua, ananga 'U siguci 'Ai mayeti toma salib re 'U sigare toma kubu ma aḏu'u ma dara.