Lukas 23:41 - Jaji ma Su-sungi

⁴¹ Pa'i ngene nga muḏiḏi ḇato patasa wo sanga hukumu sengene mete'e ngene nanga ga'a. Mada'a Unanga 'ai sala ceka'a i'a mai ua!”

Lukas 23:41 Iomraidhean Croise

Matias 27:19

Wakutu Pilatus 'o tegoro toma kursi juruhakimi moju, 'ai were'a mo siḏingoto bererongo ra unanga: “Awa ngana no macapuru toma parkara gena-ge mangale ngowa'a matengo gena-ge ga'a kai sala ua. Sababu mangale Unanga, ngoi to sanga nanele cira singadolo 'ari 'akala re sinyingara 'i kangela.”

Matias 27:24

Ma ḏo-ḏogumu tala, Pilatus 'a basono tala 'ai demo-demo ma faeda ri cua toma ngowa'a kawasa, re ananga ganapu 'aḏi manyiwere singadolo sa'i 'aḏi 'a'a kaco. Dadi unanga 'o 'oro ḇanyo re 'a soso'o 'ai giama toma mandan. Re unanga 'o kanau, “Unanga 'ai se-sengene pa'i ngini masiretene ninga 'urusana ḇato! Ngoi kari sala ua!”

Matias 27:4

Unanga 'o kanau, “Ngoi to baraḏosa sababu to sipula'a ngowa'a kama sala ua, singadolo Unanga sanga hukumu sengene!” Mada'a ananga ya sangoro, “Ngomi mi faduli ua, gena-ge ngana 'ani 'urusana!”

Matias 27:54

Sordado ma sae'e remanga sordado-sordado ga'a dadanu Yesus, ananga 'aḏi matai mojongo sababu 'aḏi basono wusu re raḏi oḏi'i 'ori i'a i'a 'i dadi. Ḏua ananga 'aḏi kanau, “Unanga nena-ne mode-mode'e Ma Jou'ongu Madutu 'ai Ngowa'a Nau'u!”

Lukas 23:40

Mada'a matengo ḏi'i 'u ḇangata unanga ga'a 'o je-jengere Yesus, “Ngana no mojongo Ma Jou'ongu Madutu ua! Ngana sanga hukumu sengene mamete'e ra Unanga.

Lukas 23:42

Ḏua unanga gena-ge 'o kanau, “Yesus no 'elingi ngoi wakutu no sapolo sa'olo 'olana.”

1 Tesalonika 2:10

Ngini masiretene re Ma Jou'ongu Madutu ḏi'i dadi sakisi mangale ngomi nena-ne, ngowa'a loasa re banari, minga de'oso re ḏegoro 'i 'ofi-'ofi re mi madaga'a 'ori i'a ma rapu ua wakutu ngomi mi tegoro taninga sigolona, ngini ga'a reni ngaku Yesus.

Yakobus 4:7

Sababu gena-ge, ngini balasu ni siholo ninga 'akala re sinyingara ra Ma Jou'ongu Madutu, re ni lawana 'Iblisi ma bo-baja, la enanga 'i maki-kiḏanga ra ngini.

1 Petrus 1:19

Mada'a Kristus 'a fangu rai ngaunu masiretene. Enanga gena-ge lai hali ma pari cua. Unanga gena-ge 'o dadi ma tero sa'olo 'o doba ma ngowa, kama faja ceka'a i'a mai ua, sa'olo jou-jou di'a ngini.

1 Petrus 2:23

Wakutu ngowa'a 'U je-jengere Unanga, Unanga 'A balasa ua. Wakutu ngowa'a 'U sisikisa Unanga, Unanga 'o sinati-nati ua di'a sisikisa ananga. Unanga pa'i 'a sidoa'a 'Ai 'ahu ra Ma Jou'ongu Madutu ga'a 'O dadi Juruhakimi 'adili.