Lukas 23:38 - Jaji ma Su-sungi

³⁸ Tai sae'e ma re'u toma salib co-cori ma tubu, sordado 'aḏi sipaku i'a papanga 'i silefo Mahkamah 'Agama manga da'awa ra Unanga ma betongo so'o ne: “Unanga nena-ne, ngowa'a Yahudi manga 'Olana.”

Lukas 23:38 Iomraidhean Croise

Matias 2:2

Ananga 'aḏi masano-sano, “Ngowa'a matengo Unanga le'a Yahudi manga 'olana ga'a ro sibuoro? Ngomi mi oḏi'i mumuḏungu toma wangere ma la'o. Enanga gena-ge 'i dadi nana'o rimoi mangale sibuoro 'Olana matengo. Sababu gena-ge, ngomi mi sapolo di'a mi silamo'o re siḏubuso Unanga.”

Matias 27:11

Wakutu Yesus 'U sitalaḏi ra Pilatus, gubernur daeraha gena-ge, Pilatus 'o sano ra Yesus, “Ngana nena-ne, mode-mode'e ngowa'a Yahudi manga 'olana bolo ua?” Yesus 'a sangoro, “Tero mode'e sa'olo ngana no kanau.”

Matias 27:37

Tai sae'e ma re'u toma salib co-cori ma tubu, sordado ya sipaku i'a Mahkamah 'Agama manga da'awa ra Unanga ma betongo so'o ne: “Unanga nena-ne Yesus, ngowa'a Yahudi manga 'Olana.”

Markus 15:18

Gena ḏua, ananga 'aḏi je-jengere pula'a tabea ra Unanga re 'aḏi kanau, “Suba, Yahudi manga 'Olana.”

Markus 15:26

Tai sae'e ma re'u toma salib co-cori ma tubu, sordado 'aḏi sipaku i'a papanga 'i silefo Mahkamah 'Agama manga da'awa ra Unanga ma betongo so'o ne: “Unanga nena-ne, ngowa'a Yahudi manga 'Olana.”

Markus 15:32

Na'o Ngana 'O Kristus, Israel manga 'Olana, No 'uci toma salib gena-ge, la ngomi mi oḏi'i re mi ngaku Ngana.” Ngowa'a nga muḏiḏi gena-ge, sisalib simete'e ra Yesus, ananga 'aḏi je-jengere 'a Yesus ḏi'i.

Lukas 23:3

Ḏua 'a Pilatus 'o sano ra Yesus, “Ngana nena-ne, mode-mode'e Yahudi manga 'olana bolo ua?” Yesus 'a sangoro, “Tero mode'e sa'olo ngana no kanau.”

Yohanes 19:3

Ḏua, ananga 'aḏi sapolo tau-taunu ra Unanga re 'aḏi kanau, “Suba, Ngana ngowa'a Yahudi manga 'olana, na'o nyengara gari'a Ngana no 'ahu kasingado-ngadolo i'a!” Gena ḏua, ananga 'aḏi sata Unanga.