Lukas 23:34 - Jaji ma Su-sungi

³⁴ Ḏua Yesus 'o manyiata, “Baba, singi-ngiranga manga ḏosa, sababu 'oru ga'a ananga ya 'a'a 'i mete'e tamanga waro ua ma dara.” Gena ḏua, sordado-sordado 'aḏi 'a'a loterei, la 'a guna 'o sanga Unanga 'ai pakeanga.

Lukas 23:34 Iomraidhean Croise

Matias 11:25

Toma 'orasa gena-ge Yesus 'o kanau, “Baba, Ma Jou'ongu Madutu 'o kuasa toma diwanga re dungia, Ngoi to puji re silamo'o 'Ani lomanga sababu mo-moini gena-ge Baba na gogono toma ngowa'a pahe re ngowa'a 'akala soro'unu, mada'a Baba na sijumu toma ngowa-ngowa'a ga'a manga de'oso re ḏegoro ma tero sa'olo ngowa 'olo.

Matias 11:26

Ya, Baba sababu enanga gena-ge 'i sisanangi 'Ani 'akala re sinyingara.”

Matias 5:44

Mada'a Ngoi to siajele ra ngini nena-ne: Ngini balasu ni dadalara ninga lawana-lawana, re ni nyiata ḏi'i ngowa-ngowa'a ga'a 'aḏi sisikisa ngini sababu ni mete'e Ngoi.

Markus 15:24

Gena ḏua, ananga 'aḏi sisalib Unanga, re sordado-sordado 'aḏi sibalangu 'Ai pakeanga nyangu, ananga 'a'a loterei, la siwaro 'a guna 'a sanga 'Ai pakeanga gena-ge.

Lukas 22:42

ma betongo so'o ne: “Baba, na'o no nyengara, sawo'o 'i romanga reo sangisara ga'a Ngoi balasu ta basono, na sikiḏanga ra Ngoi. Mada'a awa mete'e Ngoi 'ari mau, ḏuga-ḏuga mete'e Baba 'ani mau ḇato.” [

Yohanes 17:9

Ngoi to manyiata di'a ananga gena-ge. Ngoi to manyiata ua di'a ngowa'a mo-moini toma dungia nena-ne, mada'a di'a ngowa-ngowa'a ga'a Baba reno pula'a ra Ngoi, sababu ananga gena-ge Baba reno cumutu.

Yohanes 19:11

Yesus 'o sangoro, “Na'o Ma Jou'ongu Madutu 'o pula'a kuasa ua ra ngana, ngana no kuasa Ngoi yoḏu'u. Sababu gena-ge, matengo ga'a sipula'a Ngoi ra ngana, unanga 'ai ḏosa lebe lamo'o i'a.”

Yesus 'ai so-soma'a 16:28

Mada'a Paulus 'o poa'a 'a siduga-duga, “No masise-sengene awa! Ngomi mo-moini 'ane-ne moju!”

Yesus 'ai so-soma'a 3:17

Ioronongoḏu ngowa'a Yahudi, ngoi ta waro ngini mo-moini: bae ngini, bae ninga bi-biri'i, ngini ni maḏiga'a ra Yesus so'o gena-ge sababu ni waro ua Yesus gena-ge 'O Kristus.

Yesus 'ai so-soma'a 7:60

Ḏua 'a Stefanus 'o maḏipolono tala re 'o poa'a 'a siduga-duga 'o kanau, “Ma Jou, singa'unu awa ḏosa nena-ne ra ananga!” Unanga 'o kanau gena-ge togumu i'a, ḏua ro sengene.

Roma 12:14

Ni golo'o ra Ma Jou'ongu Madutu di'a 'O sibarakati ngowa'a ga'a sikisa ngini. Ya, ni sibarakati ananga gena-ge, sikutuki awa.

1 Korintus 2:8

Matengo i'a mai ua, toma ngowa'a ga'a remanga kuasa manga sigolona, ananga ya waro mangale 'akala soro'unu gena-ge. Sababu, na'o ananga ya waro, tantu ananga 'U salib ua nanga Jou, Unanga ga'a 'O mulia.

1 Korintus 4:12

Ngomi mi disa minga 'ahu reminga galasau'u ma duduala masiretene. Ngomi mi sibarakati ngowa'a na'o ngowa'a 'aḏi sisasi ngomi. Wakutu ngowa'a 'aḏi sisikisa ngomi, Ngomi mi tahana sikisa gena-ge reminga 'akala ḇanyo.

1 Timotius 1:13

'Au wali, wakutu ngoi to ngaku Yesus nyangu, ngoi to je-jengere Unanga re to sisikisa kama sijumu ua 'akala re sinyingara ma la-la toma ngowa'a ngaku Yesus. Kalaha so'o gena, Ma Jou'ongu Madutu 'o sijumu 'Ai 'akala re sinyingara ma la-la, sababu ngoi ta waro ua 'oru ga'a ngoi ta 'a'a sababu ngoi to ngaku Yesus nyangu.

1 Petrus 3:9

Na'o ngowa'a 'aḏi 'a'a cira ngini, awa ngini balasa 'a'a cira ananga, re na'o ngowa'a 'aḏi do-doana ngini, awa ngini balasa do-doana ananga. Siḏibo ḏi'i, ngini balasu ni golo'o Ma Jou'ongu Madutu 'o sibarakati ananga. Sababu Ma Jou'ongu Madutu 'aro'o ngini, la ngini ni sibarakati ngowa'a lelegu, la ngini ḏi'i ni sanga barakati ra Unanga gena-ge.