Lukas 23:33 - Jaji ma Su-sungi

³³ Wakutu 'aḏi ngadolo toma ngi'i ma lomanga “Ḏoḏowi”, sordado-sordado Roma 'aḏi sisalib 'a Yesus re ngowa'a ma jira nga muḏiḏi gena-ge ya'u sisalib ḏi'i: matengo Tai kuwiḏa re matengo Tai kuḇali.

Lukas 23:33 Iomraidhean Croise

Matias 20:19

Gena ḏua, Ngoi sipula'a ḏi'i toma ngowa-ngowa'a Yahudi ua. Ngoi, ananga Ri sije-jengere re Ri sipo, kara Ri sisalib. Mada'a toma wangere ma soi ro'ange, Ngoi dadunu to 'ahu moju.”

Matias 26:2

“Ngini ni waro, wangere ḏiḏi moju Paskah ma Wangere 'i ngadolo. Re Ngoi, Manusia ma Ngowa'a Nau'u sipula'a Tari lawana di'a sisalib.”

Lukas 24:7

mangale Manusia ma Ngowa'a Nau'u ḏuanga i'a sipula'a toma ngowa'a baraḏosa re 'U sisalib, kara toma wangere ma soi ro'ange, Unanga dadunu 'o 'ahu moju.”

Yohanes 18:32

(Enanga 'i dadi so'o gena-ge, la sitotomo 'oru ga'a Yesus ro kanau ḏua, mangale Unanga 'ai se-sengene ma ngo'omo.)

Yohanes 3:14

'Ua re 'au wali toma daeraha baulaco, 'a Musa 'o sibere cuku'u tamḇaga toma ate jule moi, la ngowa-ngowa'a ga'a cuku'u-cuku'u ya'u tubu'u nyengara 'aḏi dadi la, sababu 'aḏi oḏi'i cuku'u tamḇaga gena-ge. So'o gena ḏi'i, Manusia ma Ngowa'a Nau'u balasu 'o sibere toma salib,

Yesus 'ai so-soma'a 13:29

Wakutu ananga 'aḏi si'a'a mo-moini mangale nabi-nabi 'aḏi silefo pasala ḏua, ananga 'U siguci 'Ai mayeti toma salib re 'U sigare toma kubu ma aḏu'u ma dara.

Yesus 'ai so-soma'a 2:23

Kalaha Ma Jou'ongu Madutu 'a waro ḏua 'oru ḏuanga i'a 'i dadi, Unanga 'o sipula'a Yesus ra ngini: Enanga gena-ge 'i mete'e Ma Jou'ongu Madutu 'ai 'akala ma mau. Wakutu gena-ge, ngini nu sisengene Unanga sababu ngini nu sipula'a Unanga toma ngowa-ngowa'a ga'a 'aḏi mete'e ua Ma Jou'ongu Madutu 'ai hukumu, kara ananga 'U salib Unanga.

Yesus 'ai so-soma'a 5:30

Unanga ga'a ngini nu sisalib mada'a Ma Jou'ongu Madutu dadunu 'o si'ahu moju toma ngowa'a senge-sengene manga sigolona. Ma Jou'ongu Madutu gena-ge ga'a ngene nanga ete re dotumu 'aḏi silamo'o re siḏubuso.

Galatia 3:13

Mada'a Kristus ro tuusu ngene, la ngene wo mete'e riwara Musa 'ai hukumu ga'a 'i sigasa hukumu ra Ma Jou'ongu Madutu ra ngene. Gena-ge ri dadi sababu Unanga 'ai se-sengene toma salib. Dadi Unanga gena-ge ro sanga hukumu ra Ma Jou'ongu Madutu di'a ngene. Sababu toma Boku 'Ofi-'Ofi 'i silefo so'o ne: “Ngowa'a ga'a 'aḏi sengene toma gantongan ma ngasu'u, ananga gena-ge sanga hukumu ra Ma Jou'ongu Madutu.”

1 Petrus 2:24

'A Kristus masiretene 'a doiti nanga ḏosa wakutu ngowa'a 'U sisalib Unanga, la Ma Jou'ongu Madutu 'o sibebasa ngene tananga ḏosa. Re ḏi'i, la ngene nyengara wo 'ahu mete'e Ma Jou'ongu Madutu 'ai 'akala ma mau. Re Ma Jou'ongu Madutu 'o si-la ngini sababu 'a Kristus 'ai nyaboto toma salib.