Lukas 23:31 - Jaji ma Su-sungi

³¹ “Sababu na'o ananga ya 'a'a so'o nena-ne ra Ngoi ga'a ma tero sa'olo ate 'ahu-'ahu moju, lebe cira i'a ḏi'i ananga ya 'a'a toma ngowa'a baraḏosa ga'a ma tero sa'olo ate ma sengene!”

Lukas 23:31 Iomraidhean Croise

Matias 3:12

Gena-ge ma tero sa'olo Tai giama 'age rema garpu lamo'o, re Unanga ḏuanga i'a 'o sitaro'o gandum mo-moini singadolo 'i 'ofi. Gandum rema la'eme ḏuanga i'a sigare toma titila ma dara, mada'a ma 'omanga 'i siupa'a toma u'u kama sengene ua.”

Lukas 23:30

Toma 'orasa gena-ge, Ngowa'a ḏuanga i'a 'aḏi kanau toma kie-kie, ‘Pe-pe'ara ngomi!’ Re toma sau-sau, ‘Jujumu ngomi!’ ”

Lukas 23:32

Sordado-sordado 'aḏi gasa ḏi'i ngowa'a lelegu nga muḏiḏi, ananga gena-ge ngowa'a ma jira, di'a hukumu sisengene mamete'e rea Yesus.

Yohanes 15:6

Na'o 'a guna ḇato ga'a marimoi ua ra Ngoi, unanga gena-ge ma tero sa'olo 'anggur ma umanga ga'a ri tola'a, kara 'i dadi ngonono. 'Anggur ma umanga gena-ge, ngowa'a ya lomu kara ya upa'a toma u'u re enanga 'i ro'u.

'Ibrani 6:8

Mada'a ngowa'a ga'a 'aḏi ngaku ra Yesus riwara ma tero sa'olo tana'a besa'a ya nga'unu mada'a rurubu dodowo'o ya dokonyo. Dadi ma faeda cua, re 'i sanga katula ra Ma Jou'ongu Madutu, re ma ḏo-ḏogumu sanga tau'u.

Yudas 1:12

Wakutu ngini ni lomu di'a 'omo, 'age guru-guru sa-salaka gena-ge ga'a manga de'oso re ḏegoro 'i pula'a mara'a ngini: Ananga gena-ge 'aḏi oromo ḇato ma tero sa'olo ngowa'a danata sababu ananga manga mara'a 'i sengene re pa'i masinga'unu manga diri. Ananga ma tero sa'olo kakamo karawiana ya wusu, mada'a ma besa'a cua. Ananga ḏi'i site-tero sa'olo ate 'i sowo'o ua, kalaha 'orasa sowo'o 'i ngadolo; ate-ate ga'a ma utu'u ri wuru'u singadolo ri sengene.