Lukas 23:27 - Jaji ma Su-sungi

²⁷ Ngowa'a kawasa 'aḏi tagi tu-tuu'u ra Yesus 'ai ḏuḏunu. Ra ananga manga sigolona 'age rema we-were'a—we-were'a ananga 'aḏi rerese ma gaḏi.

Lukas 23:27 Iomraidhean Croise

Matias 11:17

‘Ngomi ḇisa serulingi ḏua mada'a ngini ni roje ua, ngomi mi nyanyi-nyanyi duka re balisa mada'a ngini ni rerese ma gaḏi ua.’

Matias 27:55

Toma ngi'i gena-ge, 'age ḏi'i rema we-were'a manga repe 'aḏi oḏi'i toma giḏanga. Ananga gena-ge ma di'ara ḏua 'aḏi mete'e Yesus re 'aḏi riono Unanga, mulaingi da'a Galilea ino.

Markus 15:40

'Age ḏi'i rema we-were'a nga muḏuo i'a ananga ya oḏi'i i'a toma giḏanga. Tamanga sigolona gena-ge, 'age ngo Salome, Maria Magdalena re ngo Maria (tubaie matengo Yakobus re Yoses manga ngina).

Lukas 23:28

Mada'a Yesus 'o magelelo tatamo toma ḏuḏunu re 'o kanau ra ananga, “Hei, we-were'a Yerusalem, ni gaḏi Ngoi awa, ni magaḏi tala ngini masiretene re ninga ngowa-ngowa'a!

Lukas 23:55

We-were'a ga'a 'aḏi sapolo mamete'e ra Yesus da'a Galilea ino, ananga 'aḏi mete'e 'a Yusuf re 'aḏi oḏi'i kubu gena-ge, re 'aḏi oḏi'i ḏi'i sigare 'a Yesus 'ai mayeti ma duhu sa'olo.

Lukas 8:2

We-were'a nga muḏuo i'a 'aḏi mete'e ḏi'i 'a Yesus. Unanga 'o dusu'u roh-roh ma jira ra ananga bolo si-la ḏua manga si-siḏi. Ra ananga manga sigolona 'age rema ngowa'a matengo 'ami lomanga ngo Maria, ga'a si'aro'o ḏi'i ngo Magdalena (munanga nena-ne Yesus 'a dusu'u 'ami roh ma jira tumudingi).

Lukas 8:52

Ngowa'a mo-moini ya rerese ma gaḏi, sababu ngowa 'olo were'a gena-ge remo sengene. Mada'a Yesus 'o kanau, “Ni 'aḏi awa, munanga mo sengene ua, mada'a munanga pa'i mo otu ḇato!” (Yesus 'o waro ḏua ngowa 'olo were'a gena-ge remo sengene.)

Yohanes 16:20

Ni ngaku mode-mode'e 'Ari demo-demo nena-ne: Ngini ḏuanga i'a ni rerese ma gaḏi, mada'a ngowa'a toma dungia nena-ne 'aḏi maroanga. Toma 'orasa gena-ge, ngini ni garura mada'a ḏuanga i'a garura gena-ge singali reo roanga.