Lukas 23:21 - Jaji ma Su-sungi

²¹ Mada'a ananga 'aḏi poa'a, “Sisalib Unanga! Sisalib Unanga!”

Lukas 23:21 Iomraidhean Croise

Markus 15:13

Ananga 'aḏi kanau ya siduga-duga, “Sisalib Unanga.”

Lukas 23:20

Pilatus mau 'o sibebasa 'a Yesus. Sababu gena-ge, unanga 'o kanau toma ngowa'a kawasa soi moi moju.

Lukas 23:22

Ma soi ro'ange 'a Pilatus 'o kanau ra ananga, “Unanga 'ai sala 'oru? Ngoi ta sanga Unanga 'ai sala rimoi i'a mai ua! Dadi Unanga nena-ne patasa ua di'a Ngoi to singe-ngeta'a hukumu sengene. Sababu gena-ge, ngasamoi ngoi to soma'a sordado 'aḏi ca'olo Unanga kara to sieanga.”

Lukas 23:23

Mada'a ananga ganapu 'aḏi poa'a siduga-duga Yesus balasu sanga salib. Ma ḏo-ḏogumu tala ananga manga maksudu 'i parasaja ua.

Yohanes 19:15

Mada'a ananga 'aḏi poa'a, “Sisengene Unanga! Sisengene Unanga! Sisalib Unanga!” Pilatus 'o sano i'a ra ananga, “Ngini ni mau ngoi to sisalib ninga 'olana?” 'Imam-'imam ma sae'e ananga ya sangoro, “Pa'i Kaisar matengo ḇato ngomi minga 'olana!”

Yesus 'ai so-soma'a 13:28

Ananga 'aḏi disa ngo'omo, la 'aḏi singe-ngeta'a hukumu sengene ra Unanga. Mada'a kalaha ya sanga ua, ananga 'aḏi gasa Unanga ra Pilatus, la 'aḏi golo'o ngowa'a 'U sisengene Unanga.