Lukas 22:8 - Jaji ma Su-sungi

⁸ Ḏua Yesus 'o soma'a Petrus re 'a Yohanes, “Tagi na sidodahe ngo-ngoromo Paskah di'a ngene.”

Lukas 22:8 Iomraidhean Croise

Matias 3:15

Mada'a Yesus 'a sangoro, “Nange-ne sieanga ḇato so'o gena sababu wa si'a'a so'o nena-ne ngene wo 'a'a mete'e Ma Jou'ongu Madutu 'ai 'akala ma mau.” Dadi 'a Yohanes 'o baptis Yesus.

Lukas 1:6

Ananga were'a nau'u manga 'ahu, re manga de'oso re ḏegoro 'i sisanangi Ma Jou'ongu Madutu 'ai 'akala re sinyingara sababu ananga nga muḏiḏi ngowa'a loasa re banari ga'a mode-mode'e 'aḏi mete'e Ma Jou'ongu Madutu 'Ai 'atoranga re 'Ai Hukumu.

Lukas 22:9

Ḏua ananga 'aḏi sano ra Yesus, “Jou no mau ngomi mi sidodahe ngo-ngoromo Paskah toma ngi'i le'a?”

Yesus 'ai so-soma'a 3:1

Toma wangere rimoi ca'olo ro'ange wangere so'o ne'o, 'a Petrus re Yohanes 'aḏi tagi ra Ma Jou'ongu Madutu 'ai Wala ma soana di'a 'aḏi manyiata. Toma 'orasa so'o gena-ge biasa ḏua ngowa'a Yahudi mo-moini 'aḏi manyiata.

Yesus 'ai so-soma'a 3:11

Unanga nena-ne 'a gu'u 'a Petrus re 'a Yohanes manga giama sababu 'o maroanga masala singadolo ananga nga ḏu'ange 'aḏi osama Serambi Salomo ra Ma Jou'ongu Madutu 'ai Wala ma soana. Ḏua ngowa'a mo-moini 'aḏi matai lalara sapolo re 'aḏi gowolo ananga sababu 'aḏi heranga masala.

Yesus 'ai so-soma'a 3:3

Wakutu unanga gena-ge 'o oḏi'i 'a Petrus re Yohanes 'aḏi co-cori osama ra Ma Jou'ongu Madutu 'ai Wala ma soana, unanga 'o golo'o sedekah ra ananga.

Yesus 'ai so-soma'a 4:13

Mahkamah 'Agama gena-ge 'aḏi dadi heranga masala. Sababu, kalaha ananga gena-ge ngowa'a kama sokola ua, ananga ya oḏi'i 'a Petrus re 'a Yohanes 'aḏi kanau kamanga mojongo ua. Ananga ḏi'i ya waro 'a Petrus re 'a Yohanes 'aḏi mete'e Yesus ḏua.

Yesus 'ai so-soma'a 4:19

Mada'a Petrus re 'a Yohanes ya sangoro, “Ni madibanga masiretene, 'oru 'i banari ra Ma Jou'ongu Madutu 'ai momina: Mete'e Tuanga-Tuanga ninga mau bolo mete'e Ma Jou'ongu Madutu 'ai 'akala ma mau?!

Yesus 'ai so-soma'a 8:14

Yesus 'ai so-soma'a toma limau Yerusalem ya 'isene ḏua mangale ngowa-ngowa'a toma limau Samaria 'aḏi ngaku ḏua Ma Jou'ongu Madutu 'ai demo mangale Yesus gena-ge 'O Kristus. Ḏua ananga 'aḏi cumutu 'a Petrus re 'a Yohanes, kara 'aḏi soma'a 'aḏi si'a da'a toma limau Samaria.

Galatia 2:9

Yakobus, Petrus re Yohanes, ananga gena-ge ga'a 'aḏi dadi jama'ata manga bi-biri'i 'aḏi ngaku mangale Ma Jou'ongu Madutu ro pula'a ra ngoi munara gena-ge. Dadi ananga 'aḏi ma'u cako'o giama ra Barnabas re ngoi, sa'olo nana'o rimoi mangale gia ḏagilomu munara. Ngomi mo-moini mi mafakati ma tero: Ngomi mi munara toma ngowa'a Yahudi ua, ananga 'aḏi munara toma ngowa'a Yahudi.