Lukas 22:52 - Jaji ma Su-sungi

⁵² Gena ḏua, Yesus 'o kanau toma 'imam-'imam ma sae'e re ra Ma Jou'ongu Madutu 'ai Wala ma ja-jaga ma sae'e re toma Yahudi manga sae'e ga'a 'aḏi sapolo toma ngi'i gena-ge di'a 'aḏi cako'o 'a Unanga, “I'a sa'olo ngini ni sapolo re ninga samaranga re bu-butulu di'a ni cako'o ngoi ma tero sa'olo ngowa'a ma jira?!

Lukas 22:52 Iomraidhean Croise

Matias 26:47

Wakutu Yesus 'o ka-kanau moju, 'a Yudas 'o sapolo, unanga gena-ge 'o osama nyo-nyoimi ra Yesus 'ai me-mete'e nga nyagi moi re nga muḏiḏi. Re ngowa'a manga repe 'aḏi sapolo mamete'e ra Yudas, 'aḏi gasa manga samaranga re bu-butulu. Ananga gena-ge 'imam-'imam ma sae'e re Yahudi manga bi-biri'i ya'u soma'a.

Matias 26:55

Toma 'orasa gena-ge, Yesus 'o kanau toma ngowa'a kawasa gena-ge, “I'a sa'olo ngini ni sapolo re ninga samaranga re bu-butulu di'a ni cako'o ngoi ma tero sa'olo ngowa'a ma jira?! Ma wangere ma jelele i'a, Ngoi to tegoro di'a to doto'o ra Ma Jou'ongu Madutu 'ai Wala, mada'a ngini rini cako'o Ngoi ua!

Lukas 22:37

Sababu Ngoi to siajele ra ngini nena-ne: 'Oru ga'a 'i silefo ḏua toma Boku 'Ofi-'Ofi enanga balasu 'i dadi ra Ngoi. Bu-bula'a toma Boku 'Ofi-'Ofi enanga ma betongo so'o ne: ‘Ngowa'a 'aḏi 'a'a Unanga ma tero sa'olo ngowa'a ma jira.’ Nena-ne sa'i dadi toma 'orasa nange-ne.”

Lukas 22:4

Sababu gena, Yudas 'o tagi re 'o masigaro'o toma 'imam-'imam ma sae'e re Ma Jou'ongu Madutu 'ai Wala ma ja-jaga mangale ma duhu sa'olo unanga 'o sipula'a Yesus ra ananga.

Lukas 22:51

Mada'a Yesus 'o kanau, “Gena ḏua!” Togumu i'a, Yesus 'a cigi budaka gena-ge 'ai ngau'u ri la.

Lukas 22:53

Ma wangere ma jelele gena, Ngoi 'age taninga sigolona ra Ma Jou'ongu Madutu 'ai Wala, mada'a ngini ni cako'o Ngoi ua. Mada'a nena-ne enanga ma 'orasa 'i ngadolo ngini na si'a'a sababu 'Iblisi ma kuasa 'i ḏegoro manusia.”

Yohanes 17:12

Wakutu Ngoi 'age ra ananga Ngoi nena-ne Ta'u kadiarata re Ta'u saolo Rani kuasa. Re matengo ua 'o iranga, ḏuga-ḏuga pa'i matengo ḇato, unanga gena-ge ga'a Baba reno sitantukanga ḏua di'a 'o sanga hukumu kasingado-ngadolo i'a. Gena-ge balasu 'i dadi ra unanga gena-ge, la sitotomo 'oru ga'a 'i silefo toma Boku 'Ofi-'Ofi ma dara.

Yesus 'ai so-soma'a 5:26

Dadi Ma Jou'ongu Madutu 'ai Wala ma sae'e re 'ai ngowa-ngowa'a jaga 'aḏi tagi 'oro Yesus 'ai so-soma'a. Mada'a ya'u 'oro la-la, sababu 'aḏi mojongo awa-awa ngowa'a repe 'aḏi poini ananga reo maḏi.