Lukas 22:43 - Jaji ma Su-sungi

⁴³ Toma 'orasa gena-ge, mala'ekata matengo 'i sapolo da'u toma soroga tala ya site'e Yesus 'ai 'akala re sinyingara.]

Lukas 22:43 Iomraidhean Croise

Matias 26:53

'Oru ngana no waro ua mangale na'o Ngoi to golo'o ri-riono tari Ḇaḇa, Unanga jau-jau 'o siḏingoto pai'i pasukana mala'ekata nga nyagi moi re nga muḏiḏi di'a riono Ngoi?!

Matias 4:11

Togumu i'a, 'Iblisi 'i sisoi'i tala 'a Yesus, re mala'ekata-mala'ekata 'aḏi sapolo di'a de-de'oso Unanga.

Matias 4:6

Gena ḏua, 'Iblisi gena-ge 'i kanau ra Unanga, “Ngana nena-ne Ma Jou'ongu Madutu 'ai Ngowa'a Nau'u. Dadi No masipoini tala. Sababu toma Boku 'Ofi-'Ofi 'i silefo so'o ne: ‘Ma Jou'ongu Madutu ḏuanga i'a 'o soma'a 'Ai mala'ekata-mala'ekata 'aḏi jaga Ngana la-la. Re ḏi'i ananga 'aḏi 'alo Ngana, la 'Ani rou 'i nga'unu toma maḏi awa.’ ”

Lukas 22:32

Mada'a Ngoi to manyiata di'a ngana Simon, la 'ani ngo-ngaku enanga 'i elala awa re wakutu ngana reno maḏibo ra Ngoi, ngana balasu na'u site'e 'ani ioronongoḏu manga ngo-ngaku ḏi'i.”

Yesus 'ai so-soma'a 14:22

Toma limau-limau gena-ge, ananga 'aḏi site'e ngowa'a ngaku Yesus manga ngo-ngaku re 'aḏi babata ananga gena-ge di'a 'aḏi ngaku Yesus tau-taunu re 'aḏi mete'e Unanga 'ai do-doto'o ḇato re 'aḏi siajele “Ngene balasu wo basono kangela siḏa, kara ḏuanga i'a wa sanga ma sanangi toma soroga ra Ma Jou'ongu Madutu.” Paulus re 'a Barnabas 'aḏi doto'o ngowa'a ngaku Yesus so'o gena toma limau-limau gena-ge.

Yesus 'ai so-soma'a 18:23

Unanga 'o tegoro toma limau Antiokhia ma di'ara i'a, kara 'o tutumu daeraha Galilea re Frigia. Toma daeraha-daeraha gena-ge 'o site'e ngowa-ngowa'a ngaku Yesus manga ngo-ngaku.

1 Timotius 3:16

Matengo i'a mai ua 'aḏi soloto mangale nanga 'agama ma do-doto'o 'i banari re 'i ti-tiai. 'Au wali, ma do-doto'o gena-ge mangale Kristus Yesus 'i sirahasia, sababu Ma Jou'ongu Madutu 'o masijumu nyangu. Mada'a nange-ne Unanga 'o masijumu ḏua ra ngene, dadi ngene wo ngaku nena-ne: Ma Jou'ongu Madutu 'ai Ngowa'a Nau'u matengo 'O matuhu sa'olo manusia, Ma Ngagara 'Ofi-'Ofi 'i siajele Unanga gena-ge Ma Jou'ongu Madutu 'ai Ngowa'a Nau'u, Unanga 'o masijumu toma mala'ekata, 'Ai lomanga sihabari toma bangsa mo-moini, Ngowa'a toma bangsa mo-moini toma dungia 'aḏi ngaku Unanga sibere re sijingi'i toma soroga.

'Ibrani 1:14

Na'o so'o gena-ge, mala'ekata-mala'ekata gena-ge 'o 'oru?! Ananga gena-ge roh-roh ga'a 'i de-de'oso Ma Jou'ongu Madutu re 'i riono ngowa-ngowa'a ga'a ḏuanga i'a 'aḏi dawongo salamata.

'Ibrani 1:6

Re wakutu Ma Jou'ongu Madutu 'o 'utusu 'Ai Ngowa'a Nau'u ma jomolo toma dungia nena-ne, Ma Jou'ongu Madutu 'o kanau so'o ne: “Mala'ekata mo-moini balasu 'o silamo'o re siḏubuso 'Ari Ngowa'a Nau'u.”

'Ibrani 2:17

Sababu gena-ge, Yesus balasu 'o dadi manusia matengo ma tero sa'olo ngene, 'Ai ioronongoḏu, kama ma'u rapu ua. Ma duhu gena-ge, Unanga nyengara 'o dadi 'Imam 'Agung ga'a 'o sijumu 'Ai 'akala re sinyingara ma la-la re 'O cufala munara di'a siḏagi Ma Jou'ongu Madutu 'ai munara, la 'O singi-ngiranga ngene tananga ḏosa.