Lukas 22:41 - Jaji ma Su-sungi

⁴¹ Gena ḏua, Yesus 'o masai'i i'a ra ananga ma giḏanga ḏa poini reo maḏi soi moi, kara Unanga 'o maḏipolono re 'o manyiata

Lukas 22:41 Iomraidhean Croise

Matias 26:39

Gena ḏua, Yesus 'o tagi i'a da'a masai'i i'a ra ananga kiḏanga siḏi ua kara 'O ruba paga-pagara 'Ai biono tala toma tana'a, sababu 'Ai 'akala re sinyingara 'i kangela masala, re 'O manyiata ma betongo so'o ne: “ 'Ari Baba, na'o No nyengara sangisara nena-ne Na silalo'o ra Ngoi. Mada'a awa mete'e Ngoi 'ari mau, ḏuga-ḏuga mete'e Baba 'ani mau ḇato.”

Markus 14:35

Yesus 'o tagi i'a da'a masai'i ra ananga kiḏanga siḏi ua, kara 'O ruba paga-pagara 'Ai biono tala toma tana'a, sababu 'Ai 'akala re sinyingara 'i kangela masala, re 'O manyiata. Tai nyiata ma dara Unanga 'o golo'o na'o nyengara sangisara so'o nena-ne 'a silalo'o ra Unanga,

Lukas 18:11

Ngowa'a Farisi gena-ge 'o te'oso kara 'o manyiata mangale 'ai diri masiretene, ‘Ya Ma Jou'ongu Madutu ngoi to pula'a murasa ma la, sababu ngoi to ma tero ua ngowa'a lelegu: ngowa'a ga'a tori'i, 'akala re sinyingara 'i boloto ua, tinikai bolo ma tero sa'olo ngowa'a golo-golo'o balastengi nena-ne.

Lukas 18:13

Mada'a ngowa'a golo-golo'o balastengi gena-ge 'o te'oso toma giḏanga re 'ai biono talaḏi ie diwanga ua, 'a sata-sata katere re 'o kanau, ‘Ya Ma Jou'ongu Madutu no sijumu 'Ani 'akala re sinyingara ma la-la ra ngoi, ngowa'a baraḏosa!’ ”

Yesus 'ai so-soma'a 20:36

Paulus 'o kanau gena-ge togumu i'a, unanga re ananga mo-moini 'aḏi maḏipolono, kara 'aḏi manyiata.

Yesus 'ai so-soma'a 21:5

Mada'a wakutu kapala gena-ge sa'i sidete moju, ngomi mi sisoi'i tala ananga re ma dowanga minga ḏo-ḏagi. Ananga remanga were'a remanga ngowa 'olo mo-moini 'aḏi singata'a ngomi singadolo toma limau ma ḏuḏunu. I'a da'a toma ngoloto ma 'uḏu, ngomi mo-moini mi maḏipolono re mi manyiata.

Yesus 'ai so-soma'a 7:60

Ḏua 'a Stefanus 'o maḏipolono tala re 'o poa'a 'a siduga-duga 'o kanau, “Ma Jou, singa'unu awa ḏosa nena-ne ra ananga!” Unanga 'o kanau gena-ge togumu i'a, ḏua ro sengene.

Yesus 'ai so-soma'a 9:40

'A Petrus 'o soma'a ananga mo-moini 'aḏi masupu. Unanga 'o maḏipolono re 'o manyiata. Ḏua 'o talaḏi i'a ma maiyeti re 'o kanau, “Tabita, no momi'i!” Toma 'orasa gena-ge ḏua, 'ami la'o 'i welanga re mo oḏi'i 'a Petrus, kara munanga mo momi'i.

'Ibrani 5:7

Wakutu Yesus 'o 'ahu-'ahu moju toma dungia nena-ne, Unanga 'o manyiata re 'o golo'o reo poa'a rai 'ongoro ra Ma Jou'ongu Madutu ga'a nga'unu sisalamata Unanga toma sengene. Sababu Unanga 'o ta'aloko rai 'akala re sinyingara sa-sanangi ra Ma Jou'ongu Madutu, Unanga 'ai go-golo'o Ma Jou'ongu Madutu 'a dawongo.