Lukas 22:36 - Jaji ma Su-sungi

³⁶ Yesus 'o kanau, “Mada'a nange-ne 'a guna ḇato rai tohe, pipisi bolo tarupa, unanga balasu 'a gasa-gasa. 'A guna ḇato kai samaranga ua unanga balasu 'a wu'unu 'ai juba la ma pipisi 'a sitibo 'ai samaranga.

Lukas 22:36 Iomraidhean Croise

Matias 10:10

Awa ni gasa ḏi'i tohe, bolo capato, bolo didiki re baju ga'i ḏiḏi toma ḏo-ḏagi ma dara. Sababu ngowa'a ga'a 'aḏi munara di'a Ma Jou'ongu Madutu, ananga gena-ge sanga manga 'ahu ma paralu toma ngowa'a ga'a ya'u de-de'oso.

Lukas 22:35

Togumu i'a, Yesus 'o kanau ra ananga, “ 'Au nga'ene, Ngoi to 'utusu ngini re to simaha ua ngini ni gasa tohe, pipisi bolo tarupa; 'oru ḇato ngini ni mabasono tala 'i kuranga ra ngini?” Ananga ya sangoro, “Ua.”

Lukas 22:37

Sababu Ngoi to siajele ra ngini nena-ne: 'Oru ga'a 'i silefo ḏua toma Boku 'Ofi-'Ofi enanga balasu 'i dadi ra Ngoi. Bu-bula'a toma Boku 'Ofi-'Ofi enanga ma betongo so'o ne: ‘Ngowa'a 'aḏi 'a'a Unanga ma tero sa'olo ngowa'a ma jira.’ Nena-ne sa'i dadi toma 'orasa nange-ne.”

Lukas 22:38

Yesus 'ai me-mete'e 'aḏi kanau, “Ma Jou, na oḏi'i 'ane-ne, 'age rema samaranga ḇotu ḏiḏi.” Yesus 'o kanau, “Gena ḏua.”

Yohanes 15:20

'Elingi 'oru ga'a Ngoi reto kanau ḏua ra ngini: Budaka 'o lebe la-lamo'o i'a ua reo tuanga. Ngowa'a raḏi sisikisa Ngoi ḏua, ananga ḏuanga i'a 'aḏi sisikisa ngini ḏi'i. Na'o ananga ya mete'e 'Ari do-doto'o, tantu ḏua ananga ḏuanga i'a ya mete'e ḏi'i ngini ninga do-doto'o.

Yohanes 16:33

Mo-moini gena-ge Ngoi to siajele ra ngini, la ngini ni basono tala dame taninga 'akala re sinyingara ma dara, sababu ni marimoi ra Ngoi. Toma dungia nena-ne ngini sanga sangisara. Mada'a ni site'e ninga 'akala re sinyingara: Ngoi reta singiranga dungia nena-ne ma kuasa!”

1 Tesalonika 3:4

sababu wakutu ngomi 'age taninga sigolona moju, ngomi mi siajele tau-taunu mangale ngene ḏuanga i'a wa basono ma sangisara. Nange-ne 'i dadi ma tero sa'olo ngomi mi siajele pasala ḏua ra ngini.

1 Petrus 4:1

Dadi sababu Kristus 'ai lese basono sangisara, ngini ḏi'i balasu ni ḏu-ḏuanga ḏua di'a basono sangisara. Ḏua ngini ni jaga ninga ngo-ngaku. Sababu 'a guna ḇato ga'a tamanga lese basono sangisara gena-ge, ananga 'aḏi 'a'a ḏosa riwara.