Lukas 22:29 - Jaji ma Su-sungi

²⁹ Re ma tero sa'olo 'ari Ḇaḇa 'o pula'a kuasa ḏua ra Ngoi di'a to parenta, so'o gena ḏi'i Ngoi ḏuanga i'a to pula'a kuasa gena-ge ra ngini.

Lukas 22:29 Iomraidhean Croise

Matias 24:47

Ni ngaku mode-mode'e 'Ari demo-demo nena-ne: Tuanga gena-ge ḏuanga i'a 'o siparatada 'ai 'ori i'a rana mo-moini tai budaka gena-ge.

Matias 25:21

'Ai tuanga 'o kanau, ‘Rousu, ngana budaka ma la-la re no setia! Ngana reno dadi ngowa'a cufala rema 'ori i'a i'a pa'i ceka'a ua. Dadi Ngoi ḏuanga i'a tini siparatada 'ori i'a i'a lebe lamo'o ma repe moju. Ino osama re no tegoro marimoi ra ngoi, re no basono 'ari sa-sanangi!’

Matias 25:34

Togumu i'a, Ngoi 'Olana gena-ge, to kanau toma ngowa-ngowa'a Tari giama ma kuwiḏa, ‘Ino, ngini mo-moini ga'a 'Ari Ḇaḇa renu sibarakati. Ni osama toma Soroga ma Pareta ga'a Ngoi ta sidodahe ḏua di'a ngini wakutu dungia 'i dadi nyangu.

Matias 28:18

Yesus 'o macori i'a ra ananga re 'o kanau, “Kuasa mo-moini bae toma soroga, bae toma dungia gena-ge Ri sipula'a ra Ngoi.

Matias 5:10

Bara'utungu ngowa'a 'aḏi sanga sikisa sababu 'aḏi siḏagi Ma Jou'ongu Madutu 'ai 'akala ma mau, sababu ananga gena-ge 'aḏi osama nyo-nyoimi toma Soroga ma Pareta.

Matias 5:3

“Bara'utungu ngowa'a ga'a 'aḏi basono tala ananga ngowa'a ya'u sipake-pake ua ra Ma Jou'ongu Madutu 'ai momina, mada'a ananga manga ngo-nganono pa'i ra Ma Jou'ongu Madutu ḇato; sababu ananga gena-ge 'aḏi osama nyo-nyoimi toma Soroga ma Pareta.

Lukas 12:32

Ngini mojongo awa kalaha ni repe ua re ni te'e ua! Sababu Ma Jou'ongu Madutu 'o sanangi sidadi ngini Unanga 'ai ngowa-ngowa'a.

Lukas 19:17

'Ai tuanga 'o kanau, ‘Rousu masala, ngana budaka ma la-la. Sababu ngana reno dadi ngowa'a cufala rema 'ori i'a i'a pa'i ceka'a ua, ngoi to pula'a watasa ra ngana no parenta limau nyagi moi.’

1 Korintus 9:25

'A guna ḇato na'o 'o mau mete'e tandingi, ngowa'a gena-ge balasu 'o manahana 'ai diri toma 'ori i'a mo-moini. Unanga 'o 'a'a so'o gena-ge sababu, kalaha lastari saya-saya ti'ara ua 'i wa'alo, unanga 'o nyafusu sanga lastari saya-saya siteru tai sae'e. Mada'a ngene wo manahana diri toma 'ori i'a mo-moini, sababu ngene wo nyafusu nanga sae'e 'i siteru lastari saya-saya gena-ge kama wa'alo ua nena-ne re si'a.

2 Korintus 1:7

Sababu gena-ge, ngomi minga ngo-nganono 'i sitaka-taka ua mangale ngini nga'unu ni tahana sangisara tau-taunu. Sababu ngomi waro ngini reni basono sangisara ma tero sa'olo ngomi ḏi'i So'o gena ḏi'i, Ma Jou'ongu Madutu ḏuanga i'a 'o site'e ninga 'akala re sinyingara ma tero sa'olo Unanga 'o site'e minga 'akala re sinyingara.

2 Timotius 2:12

Na'o ngene wo doiti sangisara, ngene ḏuanga i'a wo parenta mamete'e ra Unanga. Mada'a na'o ngene wo masoloto Unanga, Unanga ḏuanga i'a 'o soloto ngene ḏi'i.

Yakobus 2:5

'Ari ioronongoḏu ngo-ngaku rimoi ga'a ngoi tini dadalara. 'Elingi, ngowa'a ma dinga'unu ua toma dungia, Ma Jou'ongu Madutu ya'u cumutu dadi ngowa'a rema-enanga toma ngo-ngaku ma dara. Ngowa'a gena-ge, ḏuanga i'a 'aḏi sanga bara'utungu ra Ma Jou'ongu Madutu 'ai Pareta ma tero sa'olo 'O sijaji pasala ḏua ra guna ḇato 'aḏi dadalara Unanga.

1 Petrus 5:4

Wakutu ḏuanga i'a Sowohi ma Sae'e Unanga 'o sapolo, Unanga 'o pula'a lastari ra ngini. Lastari gena-ge 'i jama-jamanga kama iranga ua, nange-ne re si'a.

Tingoýi 21:14

Limau gena-ge ma hisa dounu simomi'i toma maḏi bangini nyagi moi re romoḏiḏi ma re'u. Toma maḏi bangini nyagi moi re romoḏiḏi gena-ge 'i silefo Doba ma Ngowa 'ai so-soma'a nga nyagi moi re nga muḏiḏi manga lomanga: Maḏi bangini rimoi, lomanga rimoi.