Lukas 22:26 - Jaji ma Su-sungi

²⁶ Mada'a ngini so'o gena awa. Siḏibo ḏi'i, na'o ngini mau dadi ngowa'a la-lamo'o taninga sigolona, balasu ni dadi siḏa sa'olo ngowa'a mapake ua, re na'o ngini ni mau dadi tuanga, balasu ni dadi siḏa sa'olo falalomu.

Lukas 22:26 Iomraidhean Croise

Matias 20:26

Mada'a ngini ni 'a'a so'o gena awa. Siḏibo ḏi'i, 'a guna ḇato mau 'o dadi ngowa'a la-lamo'o taninga sigolona, unanga balasu 'o dadi falalomu siḏa.

Markus 10:43

Mada'a ngini ni 'a'a so'o gena awa. Siḏibo ḏi'i 'a guna ḇato mau 'o dadi ngowa'a la-lamo'o taninga sigolona, unanga balasu 'o dadi falalomu.

Markus 9:35

Yesus 'o maḏegoro tala kara 'O 'aro'o 'Ai me-mete'e nga nyagi moi re nga muḏiḏi re 'O kanau i'a ra ananga, “ 'A guna ḇato mau lebe la-lamo'o i'a, unanga gena-ge balasu dadi lebe ceka'a ma tero sa'olo falalomu matengo ga'a de-de'oso ngowa'a mo-moini.”

Lukas 9:48

Ḏua 'o kanau i'a Tai me-mete'e, “ 'A guna 'o dawongo ngowa 'olo matengo ma tero sa'olo ngowa 'olo nena-ne sababu unanga 'o mete'e Ngoi, unanga gena-ge ro dawongo Ngoi ḏi'i. Re 'a guna 'o dawongo Ngoi, 'o dawongo Ma Jou'ongu Madutu ga'a 'o 'utusu Ngoi. Sababu 'a guna ga'a 'o maholo taninga sigolona, unanga gena-ge 'o dadi ngowa'a lebe la-lamo'o.”

Roma 12:2

Ni mete'e ngowa'a manga tabeata rawara ga'a nana'o ua Ma Jou'ongu Madutu. Siḏibo ḏi'i, sieanga i'a Ma Jou'ongu Madutu 'o si'a'a ngini ninga fikirana su-sungi singadolo ninga tabeata 'i dadi su-sungi. Ḏua ngini nga'unu ni waro Ma Jou'ongu Madutu 'ai 'akala ma mau: 'oru 'i la-la, 'i ti-tiai re ḏi'i 'i sisanangi 'Ai 'akala re sinyingara.

1 Petrus 5:3

So'o gena ḏi'i, awa ngini ni parenta ma tero sa'olo 'olana 'o parenta toma ngowa-ngowa'a, ga'a Ma Jou'ongu Madutu 'o siwatasa ra ngini. Siḏibo ḏi'i ngini balasu ninga 'ahu ma duhu la-la sa'olo nana'o rimoi di'a ananga ya cuḏuḏu'u.

1 Petrus 5:5

So'o gena ḏi'i, ngini ngowa'a tubaie-tubaie ngini balasu ni ta'aloko ngowa'a ga'a raḏi 'umuru i'a. Ioronongoḏu ngo-ngaku rimoi mo-moini, ngini balasu ma'u riono i'a re ino, reninga 'akala re sinyingara maholo tala. Sababu toma Boku 'Ofi-'Ofi 'i silefo so'o ne: “Ma Jou'ongu Madutu 'o lawana ngowa'a ga'a 'o matoro, mada'a unanga ga'a 'o siholo 'ai 'akala re sinyingara, Ma Jou'ongu Madutu 'u pula'a 'Ai mura re dadalara.”