Lukas 22:20 - Jaji ma Su-sungi

²⁰ So'o gena ḏi'i ya oromo gena-ge togumu i'a, Yesus 'a tede sawo'o 'anggur gena-ge re 'O kanau, “Sawo'o ma dara rema 'anggur nena-ne, gena-ge Ma Jou'ongu Madutu 'ai jaji ma su-sungi ga'a sitotomo Rari ngaunu. Ḏuanga i'a, ngaunu gena-ge 'i pa'ala di'a ngini.

Lukas 22:20 Iomraidhean Croise

Matias 26:28

Sababu nena-ne Ngoi 'ari ngaunu ga'a sitotomo Ma Jou'ongu Madutu 'ai jaji. 'Ari ngaunu nena-ne 'i pa'ala di'a singi-ngiranga ngowa'a repe manga ḏosa.

Markus 14:24

Yesus 'o kanau, “Nena-ne, Ngoi 'ari ngaunu ga'a sitotomo Ma Jou'ongu Madutu 'ai jaji. 'Ari ngaunu nena-ne 'i pa'ala di'a singi-ngiranga ngowa'a repe manga ḏosa.

1 Korintus 11:25

So'o gena-ge ḏi'i, ananga 'aḏi oromo togumu i'a, Unanga 'a 'oro sawo'o ma dara rema 'anggur re 'O kanau, “Sawo'o ma dara rema 'anggur nena-ne, gena-ge Ma Jou'ongu Madutu 'ai jaji ma su-sungi ga'a sitotomo Rari ngaunu. Soi rai o'o i'a ngini ka'e 'anggur nena-ne, ngini si'a'a di'a si'elingi Ngoi.”

2 Korintus 3:6

Unanga gena-ge 'o si'a'a ngomi nga'unu mi dadi 'Ai falalomu-falalomu toma jaji ma su-sungi. Jaji gena-ge toma Ngagara 'Ofi-'Ofi ino, toma hukumu ua ga'a manusia ya lefo toma boku. Sababu 'oru ga'a silefo toma boku 'i sigasa ngowa'a toma sengene, mada'a jaji toma Ngagara 'Ofi-'Ofi ino, 'i sigasa ngowa'a toma 'ahu.

'Ibrani 12:24

Ngini ni sapolo talaḏi ra Yesus ga'a 'o dadi lese to golona di'a jaji ma su-sungi. Unanga gena-ge 'ai ngaunu lebe rousu rea Habel 'ai ngaunu. Sababu wakutu Yesus 'ai ngaunu 'i pa'ala, Ma Jou'ongu Madutu 'o singi-ngiranga ninga ḏosa. Mada'a wakutu Habel 'ai ngaunu 'i pa'ala, Ma Jou'ongu Madutu 'o sihukumu 'a Kain.

'Ibrani 13:20

Ngoi to manyiata ra Ma Jou'ongu Madutu, Unanga 'o dame ma cimi ga'a dadunu 'o si'ahu moju Ma Jou Yesus. Unanga gena-ge ro dadi ngene nanga Sowohi La-lamo'o re ngene wo dadi 'Ai doba-doba sababu Tai se-sengene. Re ḏi'i Tai se-sengene gena-ge si'aku sah Ma Jou'ongu Madutu 'ai jaji ga'a kasingado-ngadolo i'a di'a ngene.

'Ibrani 9:15

Ma sababu gena-ge Kristus 'o dadi lese to golona di'a Ma Jou'ongu Madutu 'ai jaji ma su-sungi, la ngowa'a ga'a Ma Jou'ongu Madutu ro 'aro'o, ananga gena-ge nyengara 'aḏi dawongo barakati-barakati kasingado-ngadolo i'a ga'a Unanga 'o sijaji pasala ḏua di'a 'Ai 'umata. Mo-moini gena-ge ri dadi sababu Kristus 'ai se-sengene ri dadi du-duusu di'a sibebasa ngowa'a tamanga ḏosa sababu ananga 'aḏi mete'e 'atoranga ti-tiai ua ra Ma Jou'ongu Madutu 'ai jaji ma siḏa.

'Ibrani 9:17

Sababu na'o ngowa'a ga'a 'a'a surata gena-ge 'o 'ahu-'ahu moju, surata gena-ge sipake yoḏu'u moju, pa'i nyengara 'a sipake ḇato na'o ngowa'a gena-ge ro sengene.