Lukas 22:19 - Jaji ma Su-sungi

¹⁹ Gena ḏua, Yesus 'a 'oro roti re 'o kanau, “Murasa ma la” ra Ma Jou'ongu Madutu, kara Unanga 'a poti-poti ma roti gena-ge re 'A pula'a ra ananga re 'O kanau, “Nena-ne Ngoi 'ari lese ga'a sidoa'a di'a ngini. Na si'a'a tau-taunu di'a ni si'elingi Ngoi.”

Lukas 22:19 Iomraidhean Croise

Matias 14:19

Gena ḏua, Yesus 'o soma'a ngowa'a repe gena-ge 'aḏi tegoro toma rurubu ma re'u. Re Unanga 'o 'oro roti ngai romotoa re ma nyao'o ngai ḏiḏi 'O talaḏi ie da'u diwanga re 'O sibere ie murasa ma la ra Ma Jou'ongu Madutu. Togumu gena, Unanga 'A poti-poti roti re 'A sipula'a Tai me-mete'e, kara ananga ya sibalangu toma ngowa'a repe gena-ge.

Matias 15:36

Gena ḏua, Yesus 'a 'oro roti ngai tumudingi re ma nyao'o gena-ge re 'O sibere ie murasa ma la ra Ma Jou'ongu Madutu. Ḏua Unanga 'a poti-poti roti re nyao'o gena-ge re 'O sipula'a Tai me-mete'e di'a ya sibalangu toma ngowa'a kawasa.

Lukas 22:17

Gena ḏua, Yesus 'a tede sawo'o gena-ge ma dara rema 'anggur re 'o sibere ie murasa ma la ra Ma Jou'ongu Madutu, kara 'O kanau ra ananga, “Ngini, matengo re matengo, na 'oro re na ka'e.

Lukas 22:20

So'o gena ḏi'i ya oromo gena-ge togumu i'a, Yesus 'a tede sawo'o 'anggur gena-ge re 'O kanau, “Sawo'o ma dara rema 'anggur nena-ne, gena-ge Ma Jou'ongu Madutu 'ai jaji ma su-sungi ga'a sitotomo Rari ngaunu. Ḏuanga i'a, ngaunu gena-ge 'i pa'ala di'a ngini.

Lukas 24:30

Wakutu ananga 'aḏi tegoro oromo, Yesus 'a 'oro ma roti re 'O sibere ie murasa ma la ra Ma Jou'ongu Madutu, kara 'A poti-poti ma roti re 'O pula'a ra ananga.

Yohanes 6:23

Ḏua ngowa-ngowa'a toma limau Tiberias da'a kaci moi 'aḏi sapolo remanga oti 'ane, co-cori ngi'i ga'a Ma Jou ro sibere ie murasa ma la ra Ma Jou'ongu Madutu, kara 'o sibalangu roti re nyao'o toma ngowa'a repe di'a 'aḏi oromo.

Yohanes 6:51

Ngoi nena-ne roti 'ahu ga'a 'i 'uci da'u soroga tala. Na'o 'a guna ḇato oromo roti gena-ge, ḏuanga i'a 'o 'ahu kasingado-ngadolo i'a. Roti gena-ge 'Ari lese ga'a ḏuanga i'a ta sidoa'a, la manusia nyengara sanga 'ahu.”

1 Korintus 10:16

Ngini ni waro bolo ua, wakutu ngene wo 'oro sawo'o rimoi ma dara rema 'anggur kara wo sibere ie nanga murasa ma la ra Ma Jou'ongu Madutu, ngene wo sijumu mode-mode'e ngene rewo marimoi ra Kristus ga'a 'ai ngaunu 'i pa'ala di'a ngene?! Ngini ḏi'i ni waro bolo ua, wakutu ngene wo masibalangu roti re wo oromo, ngene wo sijumu mode-mode'e ngene rewo marimoi ra Kristus 'ai lese?!

1 Korintus 10:4

re mo-moini 'aḏi ka'e ḇanyo da'u soroga tala. Ḇanyo gena-ge Ma Jou'ongu Madutu 'a sisupu toma maḏi ino, re maḏi gena-ge 'a Kristus ga'a ma'u mete'e ra ananga.

Galatia 1:4

Yesus Kristus 'o sengene di'a 'a tuusu ngene tananga ḏosa-ḏosa, la ngene bebasa toma bo-baja ma jira toma dungia nena-ne. Unanga 'o 'a'a so'o gena-ge, sababu 'O mete'e mode-mode'e Ma Jou'ongu Madutu 'ai 'akala ma mau, Unanga gena-ge nanga Ḇaḇa.

Galatia 4:25

Dadi ngo Hagar munanga ma tero sa'olo Kie Sinai toma Arab re munanga ḏi'i ma tero sa'olo limau Yerusalem toma 'orasa nange-ne. Sababu nange-ne, ngowa'a toma limau gena-ge raḏi dadi budaka ra Musa 'ai hukumu.

Efesus 5:2

Taninga 'ahu ma dara balasu romanga reo dadalara, ma tero sa'olo Kristus ḏi'i 'O dadalara ngene. Unanga 'ai lese 'a sidoa'a sa'olo jou-jou di'a ngene sa'olo jou-jou rimoi ga'a ma bounu lai sa'i re sisanangi Ma Jou'ongu Madutu 'ai 'akala re sinyingara.

Titus 2:14

Yesus Kristus 'a sipula'a 'ai 'ahu 'i dadi jou-jou di'a ngene, la 'O siwoi'i ngene toma kuasa ma jira re 'O si'ofi tananga ḏosa-ḏosa, la sidadi ngene wo dadi Unanga 'ai 'umata ga'a wo cufala madaga'a 'ori i'a ma la-la.

1 Petrus 2:24

'A Kristus masiretene 'a doiti nanga ḏosa wakutu ngowa'a 'U sisalib Unanga, la Ma Jou'ongu Madutu 'o sibebasa ngene tananga ḏosa. Re ḏi'i, la ngene nyengara wo 'ahu mete'e Ma Jou'ongu Madutu 'ai 'akala ma mau. Re Ma Jou'ongu Madutu 'o si-la ngini sababu 'a Kristus 'ai nyaboto toma salib.