Lukas 22:16 - Jaji ma Su-sungi

¹⁶ Sababu, Ngoi to siajele ra ngini nena-ne: Ngoi ḏuanga i'a to oromo mamete'e ra ngini so'o nena-ne riwara singadolo ngo-ngoromo Paskah ma ngale 'i sitotomo, wakutu Ma Jou'ongu Madutu 'ai dungia su-sungi 'i ngadolo.”

Lukas 22:16 Iomraidhean Croise

Lukas 12:37

Bara'utungu masala, budaka-budaka gena-ge na'o manga tuanga 'o sapolo sanga i'a ananga 'aḏi ḏu-ḏuanga ḏua di'a de-de'oso unanga. Ni ngaku mode-mode'e 'Ari demo-demo nena-ne: Tuanga gena-ge 'o ḏu-ḏuanga ḏua re 'o soma'a budaka-budaka gena-ge 'aḏi tegoro, kara unanga masiretene 'o de-de'oso ananga.

Lukas 14:15

Wakutu ngowa'a matengo tamanga sigolona ga'a 'o oromo mamete'e rea Yesus 'o 'isene 'a Yesus 'ai demo-demo gena-ge, unanga 'o kanau, “Bara'utungu madutu, ngowa'a ga'a ḏuanga i'a 'o oromo mamete'e ra Ma Jou'ongu Madutu Tai pareta ma dara!”

Lukas 22:15

Ḏua Yesus 'o kanau ra ananga, “Ngoi to nyafusu masala to oromo mamete'e ra ngini ngo-ngoromo Paskah nena-ne. Pasala i'a Ngoi to sanga sangisara!

Lukas 22:18

Sababu, Ngoi to siajele ra ngini nena-ne: Ngoi ta ka'e riwara 'anggur nena-ne singadolo Ma Jou'ongu Madutu 'ai dungia su-sungi 'i ngadolo.”

Lukas 22:30

Dadi ngini ḏuanga i'a na basono roanga re monere re ni ka'e re ni oromo mamete'e ra Ngoi tari pareta ma dara. Ngini matengo re matengo ḏuanga i'a ni tegoro toma ḏe-ḏegoro nyagi moi re romoḏiḏi di'a ni parenta ngowa'a Israel suku nyagi moi re romoḏiḏi.”

Yohanes 6:27

Awa ngini ni munara pa'i disa ḇato di'a ngo-ngoromo ga'a 'i capati cira. Jobilaha ngini ni munara disa di'a ngo-ngoromo ga'a kama cira ua, re ga'a sigasa toma 'ahu kasingado-ngadolo i'a. Ngo-ngoromo gena-ge Ngoi, Manusia ma Ngowa'a Nau'u, nyengara to pula'a di'a ngini, sababu Ma Jou'ongu Madutu ro sijumu mangale Unanga ro cumutu Ngoi di'a siḏagi munara gena-ge re Ngoi tu sisanangi Unanga.”

Yesus 'ai so-soma'a 10:41

Mada'a Ma Jou'ongu Madutu 'o sioḏi'i Unanga toma ngowa'a mo-moini ua, ḏuga-ḏuga ra ngomi ga'a Ma Jou'ongu Madutu 'o cumutu pasala ḏua, la mi dadi Yesus 'ai sakisi-sakisi. Ngomi mi dadi sakisi gena-ge sababu mi ka'e re mi oromo ma'u mete'e Unanga, wakutu Unanga dadunu 'o 'ahu moju toma ngowa'a senge-sengene manga sigolona.

Tingoýi 19:9

Ḏua mala'ekata gena-ge 'o kanau ra ngoi, “Na lefo so'o ne: ‘Bara'utungu ngowa-ngowa'a sanga saele toma molo'ara ma laya di'a Doba ma Ngowa.’ ” Gena ḏua, mala'ekata gena-ge dogo kanau ḏi'i, “Gena-ge habari banari ra Ma Jou'ongu Madutu tala.”