Lukas 21:37 - Jaji ma Su-sungi

³⁷ Wange moi-wange moi, Yesus 'o doto'o ra Ma Jou'ongu Madutu 'ai Wala, re lobi'i Unanga 'o tagi re 'o otu toma Polono Zaitun.

Lukas 21:37 Iomraidhean Croise

Matias 21:1

Wakutu ananga 'aḏi co-cori limau Yerusalem, ananga 'aḏi ngadolo toma gamu Betfage toma Polono Zaitun. Toma ngi'i gena-ge Yesus 'o soma'a 'ai me-mete'e nga muḏiḏi, ananga tagi siḏa.

Matias 21:17

Gena ḏua, Yesus 'o supu sisoi'i tala ananga toma limau Yerusalem re 'O tagi toma gamu Betania re 'O otu toma gamu gena-ge.

Matias 26:30

Gena ḏua, ananga 'aḏi manyanyi rimoi di'a puji re silamo'o Ma Jou'ongu Madutu togumu i'a, ananga 'aḏi tagi toma Polono Zaitun.

Matias 26:55

Toma 'orasa gena-ge, Yesus 'o kanau toma ngowa'a kawasa gena-ge, “I'a sa'olo ngini ni sapolo re ninga samaranga re bu-butulu di'a ni cako'o ngoi ma tero sa'olo ngowa'a ma jira?! Ma wangere ma jelele i'a, Ngoi to tegoro di'a to doto'o ra Ma Jou'ongu Madutu 'ai Wala, mada'a ngini rini cako'o Ngoi ua!

Markus 11:12

Ma ḇiḇini ino da-daini i'a moju, wakutu ananga 'aḏi tagi re 'aḏi supu toma limau Betania, Yesus basono 'o sawini.

Markus 11:19

Sa'i ri lobi'i, Yesus re 'Ai me-mete'e, ananga ya sisoi'i tala limau gena-ge.

Markus 14:49

Ma wangere ma jelele i'a, ngoi to osama ra Ma Jou'ongu Madutu 'ai Wala re to pula'a do-doto'o taninga biono, mada'a ngini rini cako'o Ngoi ua. Mada'a balasu so'o nena-ne ḏua, la 'i mete'e 'oru 'i silefo pasala ḏua toma Boku 'Ofi-'Ofi.”

Lukas 19:29

Wakutu co-cori toma limau Betfage re limau Betania, toma Polono Zaitun, Unanga 'o soma'a 'Ai me-mete'e nga muḏiḏi 'aḏi tagi siḏa.

Lukas 19:37

Wakutu Yesus sa'i 'uci-'uci ngo'omo toma Polono Zaitun, co-cori toma limau Yerusalem, 'Ai me-mete'e mo-moini 'aḏi poa'a remanga roanga re 'aḏi puji re silamo'o Ma Jou'ongu Madutu re 'aḏi pula'a manga murasa ma la ra Ma Jou'ongu Madutu, sababu ga'a hera-heranga mo-moini ga'a ananga masiretene ya oḏi'i ḏua.

Lukas 19:47

Wange moi-wange moi Yesus 'o doto'o ngowa'a ra Ma Jou'ongu Madutu 'ai Wala. Mada'a 'imam-'imam ma sae'e, guru-guru 'agama, re Yahudi manga bi-biri'i, ananga 'aḏi mau sisengene Unanga.

Lukas 22:39

Yesus 'a sisoi'i tala limau Yerusalem re 'o tagi ma tero sa'olo biasa toma Polono Zaitun, 'Ai me-mete'e mai 'aḏi tagi ḏi'i 'aḏi mete'e Unanga.

Yohanes 12:1

Wangere rarama moju, kara Paskah ma Wangere 'i ngadolo, Yesus 'o tagi toma gamu Betania, Lazarus 'ai gamu. Lazarus ga'a Yesus dadunu 'u si'ahu moju.

Yohanes 18:2

Yudas ga'a ḏuanga i'a 'o sipula'a Yesus rai lawana, unanga ḏi'i 'a waro ngi'i gena-ge. Sababu soi rai o'o i'a Yesus re 'Ai me-mete'e, ananga ga'a 'aḏi malomu toma ngi'i gena-ge.

Yesus 'ai so-soma'a 1:12

Gena ḏua, Yesus 'ai so-soma'a 'aḏi 'uci da'u Polono Zaitun tala, 'aḏi maḏibo toma limau Yerusalem. Sau gena-ge ma giḏanga ḏa kilo moi si'a limau Yerusalem.