Lukas 21:36 - Jaji ma Su-sungi

³⁶ Ni ma'istiari ino re ni manyiata tau-taunu, la ngini nga'unu ni tahana susa re sangisara ga'a ḏuanga i'a enanga 'i dadi singadolo ngini nyengara talaḏi ra Ngoi, Manusia ma Ngowa'a Nau'u, kama mojongo ua.”

Lukas 21:36 Iomraidhean Croise

Matias 24:42

Sababu gena-ge, ma'istiari sababu ngini ni waro ua ngau Ma Jou ḏuanga i'a dadunu 'o sapolo moju.

Matias 24:43

'Eli-'elingi nena-ne: Na'o wala ma dutu 'o waro ca'olo muḏuo, lobi'i gena-ge ngowa'a to-tori'i 'o sapolo, wala ma dutu 'o otu ua, la ngowa'a to-tori'i osama yoḏu'u tai wala.

Matias 24:44

Sababu gena-ge, ngini nena-ne ḏi'i balasu ni maḏu-ḏuanga ḏua sababu Ngoi, Manusia ma Ngowa'a Nau'u, 'Ari ta-sapolo moju ma 'orasa ni masiwaro ua.”

Matias 25:13

Ḏua Yesus 'a siḏo-ḏogumu 'ai 'ade-'ade so'o ne: “Sababu gena-ge ni ma'istiari, sababu ngini ni waro ua ma wangere bolo ma 'orasa, Ngoi to sapolo.”

Matias 26:41

Ni ma'istiari re ni manyiata, la awa ngini sanga bo-baja. Mode'e ninga roh mau 'a'a 'ori i'a ma banari mada'a ngini ni nga'unu ua, sababu ngini pai'i manusia ḇato dadi ni lamahana.”

Matias 8:20

Yesus 'a sangoro ra unanga, “Serigala rema aḏu'u, re namo diwanga rema ngi'i, mada'a Ngoi, Manusia ma Ngowa'a Nau'u kari ngi'i ua di'a to masibatongo.”

Markus 13:33

Dadi ngini balasu ni majaga-jaga re ni ma'istiari, sababu ngini ni waro ua ngau kiamata ma 'orasa gena-ge 'i ngadolo.

Markus 13:37

Ngoi to kanau pa'i ra ngini ḇato ua, mada'a toma ngowa'a mo-moini: balasu majaga-jaga!”

Lukas 1:19

Mala'ekata gena-ge ya sangoro, “Ngoi ne Gabriel re to de-de'oso Ma Jou'ongu Madutu. Unanga gena-ge 'o soma'a ngoi di'a ta singadolo habari la-la gena-ge ra ngana.

Lukas 18:1

Gena ḏua, Yesus 'o jarita 'ade-'ade rimoi di'a 'o doto'o 'Ai me-mete'e, la ananga manga 'akala re sinyingara 'i rapo'o awa mada'a 'aḏi manyiata tau-taunu.

Lukas 20:35

Mada'a toma dungia su-sungi so'o gena-ge ua. Ma Jou'ongu Madutu ḏuanga i'a 'o dadunu si'ahu moju ngowa'a ga'a patasa ra Unanga 'ai momina. Ananga gena-ge kama ma'u molo'ara ua.

Lukas 21:35

Sababu 'orasa gena-ge enanga 'i sapolo di'a manusia mo-moini toma dungia nena-ne ma dara ma tero sa'olo soto 'i sado toma jojoḏi.

Yesus 'ai so-soma'a 10:2

Unanga re ngowa'a mo-moini ga'a tegoro tai wala ma dara, ananga 'aḏi 'ahu di'a sisanangi Ma Jou'ongu Madutu re 'aḏi silamo'o re mojongo Ma Jou'ongu Madutu. Unanga 'o pula'a pipisi lai repe toma ngowa'a Yahudi ma dinga'unu ua manga repe. Unanga 'o manyiata ra Ma Jou'ongu Madutu tau-taunu ḏi'i.

1 Korintus 16:13

Ngini balasu ni ma'istiari re ni macako'o namo-namoto taninga ngo-ngaku. Ninga 'akala re sinyingara balasu lai nau'u re ni mate'e.

2 Korintus 4:14

Sababu ngomi mi ngaku mode-mode'e Ma Jou'ongu Madutu, ga'a dadunu Ro si'ahu Yesus toma ngowa'a senge-sengene manga sigolona, Unanga gena-ge ḏuanga i'a 'O si'ahu ngomi ḏi'i mamete'e rea Yesus. Re kara Yesus 'o gasa ngomi re ngini sitalaḏi ra Ma Jou'ongu Madutu 'ai biono.

Kolose 4:2

Ngini balasu ni manyiata tau-taunu. Sidogo ḏi'i, ngini balasu ni ma'istiari re ni sibere ie murasa ma la ra Ma Jou'ongu Madutu.

2 Timotius 4:5

Kalaha so'o gena, ngana balasu nga'unu na manahana 'ani nyafusu ma jira toma 'orasa 'oru ḇato re no manahana toma sangisara. Ngana balasu no munara tau-taunu di'a singadolo Habari Roanga re sa'olo Ma Jou'ongu Madutu 'ai falalomu, ngana na siḏagi 'ani munara mo-moini ga'a Unanga 'a siwatasa ḏua ra ngana.

1 Petrus 4:7

'Orasa dungia ma ḏo-ḏogumu sa'i ri ngadolo. Sababu gena-ge, ni siogoro tala ninga 'akala re sinyingara re ni ma'istiari, la ngini nga'unu manyiata ra Unanga reninga 'akala bo-boloto.

1 Petrus 5:8

Ni ma'istiari re ni ḏu-ḏuanga ḏua tau-taunu di'a ni talaḏi 'oru ḇato ga'a ḏuanga i'a 'i dadi. Sababu 'Iblisi ga'a ninga lawana 'i koloḏi i'a re ino, di'a 'i sijira ninga ngo-ngaku 'i ma tero sa'olo singa 'i maboa-boa'a disa ma ngo-ngoromo.

1 Yohanes 2:28

Sababu gena-ge, 'ari ngowa-ngowa'a ni 'ahu marimoi tau-taunu ra Kristus. Dadi ḏuanga i'a ma 'orasa 'i ngadolo wakutu Unanga dadunu 'o sapolo moju, ngene nyengara wo talaḏi Unanga kananga mojongo ua re wo magogono ua, sababu wo mara'a ua.

Yudas 1:24

Ni puji re silamo'o Ma Jou'ongu Madutu ga'a nga'unu 'o kadiarata ngini, la ni eta'a toma ḏosa awa re nga'unu 'o sigasa re sitalaḏi ngini ra Unanga ga'a mulia. Toma 'orasa gena-ge ngini ninga sala cua re ninga 'akala re sinyingara 'i romanga reo roanga.

Tingoýi 11:4

Sakisi nga muḏiḏi gena-ge ma tero sa'olo 'o ate zaitun ma lese ḏu ḏiḏi re poci ma ngi'i ngai romoḏiḏi ga'a 'i te'o-te'oso ra Ma Jou'ongu Madutu 'ai biono, Unanga ga'a 'o parenta dungia.

Tingoýi 6:17

Sababu bahaya ma 'orasa gena-ge ri sapolo. Nange-ne Ma Jou'ongu Madutu re Doba ma Ngowa ya sijumu manga borata, re matengo i'a mai ua nga'unu 'o matahana ra Ananga manga biono!”

Tingoýi 7:9

Pasala i'a, ngoi to oḏi'i ḏi'i, manusia manga repe ma tero sa'olo dongi toma ngoloto ma 'uḏu ga'a matengo i'a mai ua nga'unu 'a roimi. Ananga gena-ge manga 'asala toma bangsa mo-moini, nagara mo-moini, suku mo-moini, re demo mo-moini. Ananga gena-ge 'aḏi mapake juba buḏo-buḏo re tamanga giama 'aḏi gu-gu'u ate palem ma umanga re 'aḏi made-de'oso talaḏi ra Ma 'Olana 'ai ḏe-ḏegoro re Doba ma Ngowa ma biono.

Tingoýi 8:2

Ḏua ngoi to oḏi'i mala'ekata nga tumudingi ga'a 'aḏi made-de'oso ra Ma Jou'ongu Madutu 'ai biono re 'aḏi sanga terompet ngai tumudingi.