Lukas 21:23 - Jaji ma Su-sungi

²³ Toma 'orasa gena-ge, we-were'a—we-were'a remanga lese re ngina-ngina ga'a 'aḏi sisusu moju manga ngowa kiau, ananga gena-ge manga 'ahu kangela masala! Daeraha Israel ma ngowa'a ḏuanga i'a sanga sangisara lai siḏi, re Ma Jou'ongu Madutu ḏuanga i'a 'a singe-ngeta'a 'Ai hukumu ra ananga gena-ge.

Lukas 21:23 Iomraidhean Croise

Matias 21:16

Dadi ananga 'aḏi sano ra Yesus, “Ngana no 'isene ananga 'aḏi poa'a 'oru?” Yesus 'a sangoro, “Ya, Ngoi ta 'isene. Tantu ḏua ngini rena baca 'oru ga'a 'i silefo toma Boku 'Ofi-'Ofi so'o ne: ‘Ma Jou'ongu Madutu reno doto'o ngowa 'olo re ngowa kiau di'a 'aḏi puji re silamo'o ti-tiai Unanga.’ ”

Matias 21:41

Ananga ya sangoro, “Tantu ḏua unanga ya'u sisengene ngowa-ngowa'a ma jira gena-ge, kara guḏa ma dutu 'o sisewa 'ai guḏa 'anggur toma ngowa'a munara toma guḏa ma lelegu ga'a mau ya pula'a guḏa ma dutu 'ai balangu wakutu 'utu'u ma 'orasa 'i ngadolo.”

Matias 21:44

Re ngowa'a 'aḏi eta'a toma maḏi gena-ge 'aḏi wejere rotu-rotu, re ngowa'a ga'a maḏi gena-ge ya'u pe-pe'ara, ananga 'aḏi wejere singadolo 'aḏi dadi korou'u.]”

Matias 24:19

Toma 'orasa gena-ge, we-were'a—we-were'a remanga lese re ngina-ngina ga'a 'aḏi sisusu moju manga ngowa kiau, ananga gena-ge manga 'ahu kangela masala!

Markus 13:17

Toma 'orasa gena-ge, we-were'a—we-were'a remanga lese re ngina-ngina ga'a 'aḏi sisusu moju manga ngowa kiau, ananga gena-ge manga 'ahu kangela masala!

Lukas 19:27

Gasa ino so'o nena-ne ḏua ngoi 'ari lawana ga'a 'aḏi oḏu'u Ngoi to dadi ananga manga 'olana. Sisengene ananga mo-moini ra Ngoi 'ari biono.’ ”

Lukas 19:43

Ḏuanga i'a ma 'orasa 'i ngadolo na'o ninga lawana 'aḏi sapolo sigoloḏi ngini re 'aḏi 'a'a da-daku toma limau nena-ne. Ananga ḏuanga i'a 'aḏi parangi ngini re 'aḏi sida-dara ngini toma limau ma ḇuḇuku rata.

Lukas 23:29

Sababu ḏuanga i'a ma 'orasa 'i ngadolo na'o ngowa'a 'aḏi kanau, ‘Bara'utungu madutu, we-were'a kami lese ua, kama sanga ngowa'a ua re kama susu ngowa kiau ua!’

1 Korintus 7:26

Ngene wa waro nanga 'ahu toma 'orasa nange-ne wo basono kangela. Sababu gena-ge, ngoi to fikiri jobilaha wo molo'ara awa.

1 Tesalonika 2:16

Ananga gena-ge 'aḏi dola'aku ngomi, la mi singadolo awa Habari Roanga mangale salamata toma ngowa-ngowa'a Yahudi ua la ananga 'aḏi sanga salamata awa. Ma duhu so'o gena-ge, ananga manga ḏosa 'i madogo-dogo taunu singadolo ma ju-juguri 'i romanga. Sababu gena-ge, Ma Jou'ongu Madutu 'o ruta re ḏuanga i'a 'O sihukumu ananga.

'Ibrani 13:16

Re ḏi'i awa ni sidaioranga 'a'a 'ori i'a ma la-la, re ni riono ngowa'a lelegu. Sababu de'oso re ḏegoro so'o gena-ge 'i dadi jou-jou rimoi ḏi'i ga'a sisanangi Ma Jou'ongu Madutu 'ai 'akala re sinyingara.

Yakobus 5:1

Hai ngini ga'a ngowa'a rema-enanga, ni 'isene 'ari bererongo so'o ne: ngini balasu ni rerese ma gaḏi, sababu ḏuanga i'a ni basono kangela re sangisara.

1 Petrus 4:17

Ḏuanga i'a enanga ma 'orasa 'i ngadolo di'a Ma Jou'ongu Madutu 'o sijuruhakimi ngowa'a mo-moini, siḏa-siḏa sijuruhakimi Ma Jou'ongu Madutu 'ai ngowa-ngowa'a. Mada'a na'o Ma Jou'ongu Madutu 'o sijuruhakimi ngini siḏa, tantu ḏua ngowa'a ga'a 'aḏi ngaku ua Habari Roanga da'u ra Ma Jou'ongu Madutu tala, ananga gena-ge ḏuanga i'a sanga sangisara lebe tubuso.