Lukas 21:22 - Jaji ma Su-sungi

²² Sababu toma 'orasa gena-ge Ma Jou'ongu Madutu 'a singe-ngeta'a 'ai hukumu, la gena-ge 'i dadi ma tero sa'olo silefo pasala ḏua toma Boku 'Ofi-'Ofi ma dara.

Lukas 21:22 Iomraidhean Croise

Matias 1:22

Mo-moini gena-ge 'i dadi so'o gena di'a sitotomo 'oru ga'a Ma Jou'ongu Madutu 'ai nabi-nabi raḏi kanau pasala ḏua so'o ne:

Roma 2:5

Mada'a sababu ngini ninga 'akala re sinyingara lai te'e re ni maḏibo ua toma ngo'omo boloto, Ma Jou'ongu Madutu ḏuanga i'a 'o sihukumu ngini lebe tubuso i'a toma Kiamata ma Wangere. Toma wangere gena-ge, Unanga 'o sijumu 'Ai borata sababu ngowa'a manga ḏosa re 'O singe-ngeta'a hukumu rai 'adili:

2 Petrus 2:9

Dadi sababu Ma Jou'ongu Madutu 'o 'a'a mo-moini so'o gena-ge, Unanga 'a sijumu mangale Unanga nyengara 'o sisalamata ngowa'a loasa re banari wakutu ananga 'aḏi sanga sikisa. Re ḏi'i Unanga nyengara 'o sihukumu tau-taunu ngowa'a ma jira singadolo ma wangere 'i ngadolo wakutu Unanga 'o sijuruhakimi ngowa'a mo-moini.

2 Petrus 3:7

Mada'a toma 'orasa nange-ne, Ma Jou'ongu Madutu 'o kadiarata diwanga re dungia Rai 'Idini gena-ge singadolo Unanga 'a singi-ngiranga gena-ge reo u'u. 'Orasa nange-ne, diwanga re dungia 'A kadiarata singadolo ma 'orasa ngowa-ngowa'a ga'a 'aḏi lawana Unanga, ananga gena-ge 'aḏi sanga hukumu.