Lukas 21:19 - Jaji ma Su-sungi

¹⁹ Na'o ngini ninga ngo-ngaku kama elala ua, ngini ḏuanga i'a ni sanga 'ahu kasingado-ngadolo i'a.

Lukas 21:19 Iomraidhean Croise

Matias 10:22

Ngowa'a mo-moini ḏuanga i'a 'aḏi emono ngini, sababu ngini Ngoi 'ari me-mete'e. Mada'a ngowa'a ga'a 'aḏi cako'o namo-namoto tamanga ngo-ngaku ra Ngoi singadolo ma ḏo-ḏogumu, ḏuanga i'a 'aḏi sanga salamata.

Matias 24:13

Mada'a ngowa'a ga'a 'aḏi ngaku Ngoi tau-taunu singadolo ma ḏo-ḏogumu, ananga gena-ge 'aḏi sanga salamata.

Lukas 8:15

Gisisi 'i eta'a toma tana'a ma la-la'eme, gena-ge ma tero sa'olo ngowa'a 'aḏi 'isene habari gena-ge ya dawongo re ya gogono tamanga 'akala re sinyingara lai rousu re 'i banari. Ananga 'aḏi matahana singadolo sisupu ma sowo'o.

Roma 15:4

'Oru ga'a ri silefo toma Boku 'Ofi-'Ofi ma dara, mo-moini gena-ge di'a sidoto'o ngene. Sababu do-doto'o toma boku gena-ge, ngene nga'unu wo tahana susa re sangisara re sibabata ngene, dadi nanga ngo-nganono ra Ma Jou'ongu Madutu 'i dadi te'e.

Roma 2:7

'Age ngowa'a mamuni'a ga'a 'a'a 'ori i'a la-la tau-taunu sababu ananga gena-ge mau Ma Jou'ongu Madutu 'o silamo'o ananga, sanga mulia re ḏi'i 'aḏi 'ahu mamete'e ra Unanga toma soroga. Ananga gena-ge, ḏuanga i'a Unanga ya'u pula'a 'ahu kasingado-ngadolo i'a.

Roma 5:3

So'o gena-ge ḏi'i, ngene wo maroanga na'o wo sanga susa re sangisara, sababu ngene wa waro mangale susa re sangisara gena-ge 'i riono ngene di'a wo tahana renanga 'akala ḇanyo.

Roma 5:4

Re na'o ngene wo tahana ma tero gena-ge Ma Jou'ongu Madutu 'o 'akoru ngene nanga de'oso re ḏegoro. Sidogo ḏi'i, ngene nanga ngo-nganono ganapu te'e ra Unanga, sababu ngene wo waro Unanga na 'akoru.

Roma 8:25

Mada'a 'oru ga'a ngene wo masinganono moju, ngene wa totoma renanga 'akala ḇanyo.

2 Tesalonika 3:5

Ngoi to golo'o ra Ma Jou di'a 'O sinyanyasele ninga 'akala re sinyingara di'a lebe ni sahe mangale Ma Jou'ongu Madutu 'o dadalara ngini, la wakutu ni sanga sikisa, ngini nga'unu ni matahana ma tero sa'olo Kristus 'o matahana.

'Ibrani 10:36

Dadi, ngini balasu ni pake 'akala ma ḇanyo re ni ngaku tau-taunu, la ngini nga'unu ni 'a'a 'oru ḇato mete'e Ma Jou'ongu Madutu 'ai 'akala ma mau. Na'o so'o gena ngini ḏuanga i'a ni dawongo 'oru ga'a Unanga 'o sijaji.

'Ibrani 6:11

Ngomi golo'o mode-mode'e ngini matengo re matengo ni cufala munara tau-taunu di'a ma'u dadalara singadolo ma ḏo-ḏogumu, la ni dawongo 'oru ga'a ngini na singano-nganono.

'Ibrani 6:15

Abraham 'a totoma rai 'akala ḇanyo di'a jaji gena-ge, singadolo unanga 'a sanga.”

Yakobus 1:3

Sababu ngini ni waro ḏua na'o ninga ngo-ngaku kama elala ua ra Ma Jou'ongu Madutu wakutu ni sanga dola'aku re bo-baja gena-ge si'a'a ninga ngo-ngaku ganapu te'e singadolo ninga ngo-ngaku kama elala ua toma dola'aku re bo-baja 'oru ḇato.

Yakobus 1:4

Na'o so'o gena, ngini ḏuanga i'a ni dadi ngowa'a ngaku Yesus ga'a manga ngo-ngaku enanga 'i la'ere re manga de'oso re ḏegoro 'i ma'u rapu ua: kama kuranga ua.

2 Petrus 1:6

Re taninga 'akala soro'unu ni sidogo matahana diri, la ngini nyengara ni maki-kiḏanga toma dungia ma nyafusu re ni macako'o namo-namoto taninga ngo-ngaku. Re ni sidogo taninga de'oso re ḏegoro gena-ge, ni 'ahu ga'a 'i loasa re banari.

Tingoýi 1:9

Ngoi, Yohanes, ninga ioronongoḏu ngo-ngaku rimoi, ngene wa basono ma susa re sangisara ma tero, sababu wo mete'e Kristus. Re ngene wo tahana susa re sangisara reo 'akala ḇanyo sababu ngene rewo osama nyo-nyoimi ra Ma Jou'ongu Madutu 'ai Pareta. Ngowa-ngowa'a ri siupa'a ngoi toma pulo Patmos sababu to singadolo habari ra Ma Jou'ongu Madutu tala re to siajele mangale ba-banari ga'a Yesus 'a sijumu Tai 'ahu ma dara.

Tingoýi 13:10

Ngowa'a ga'a balasu sanga dawana, tantu ḏua ananga ḏuanga i'a 'aḏi sanga dawana. Ngowa'a ga'a balasu 'aḏi sisengene reo samaranga, tantu ḏua ananga ḏuanga i'a 'aḏi sisengene reo samaranga. Sababu gena-ge Ma Jou'ongu Madutu 'ai ngowa-ngowa'a balasu 'aḏi tahana susa re sangisara reo 'akala ḇanyo re 'aḏi macako'o namo-namoto ra Yesus.

Tingoýi 14:12

Sababu gena-ge, Ma Jou'ongu Madutu 'ai ngowa-ngowa'a ga'a 'aḏi cufala mete'e Unanga 'ai parenta re 'aḏi macako'o namo-namoto ra Yesus, balasu 'aḏi tahana susa re sangisara reo 'akala ḇanyo.

Tingoýi 3:10

Ngoi ta waro ḏi'i ga'a ngini ni mete'e mode-mode'e 'Ari parenta: Ni tahana re ni pake 'akala ḇanyo wakutu na sanga sikisa. Sababu gena-ge, toma dungia sitabi donga wakutu ngowa'a 'aḏi sanga ma susa re sangisara, Ngoi masiretene tini saolo ngini. Gena-ge 'i dadi wakutu Ngoi tunu tai'i ngowa'a mo-moini toma dungia sitabi donga.