Lukas 21:12 - Jaji ma Su-sungi

¹² Mada'a mo-moini gena-ge 'i dadi nyangu, siḏa-siḏa ngini ngowa'a nu'u cako'o re nu'u sisikisa. Ngini ḏuanga i'a ngowa'a nu'u sijuruhakimi toma wala-wala puji, kara singosama toma bui. Re ngini ngowa'a nu'u sitalaḏi toma 'olana-'olana re ngowa'a la-lamo'o sababu ngini Ngoi 'ari me-mete'e.

Lukas 21:12 Iomraidhean Croise

Matias 22:6

Re ngowa'a ma lelegu 'aḏi cako'o ma 'olana 'ai budaka, ya'u ca'olo singadolo ya'u sisengene.

Matias 24:8

Mo-moini gena-ge aro ma mulaingi ma tero sa'olo were'a mi 'orasa ma ḏe-ḏegoro i'a sa'i ri ngadolo, dadi mo mabasono go-goḏi.

Lukas 21:11

Toma ngi'i le'a ḇato 'o wusu enanga 'i dadi lai siḏi, 'orasa sawini re 'orasa si-siḏi, toma diwanga 'i dadi didina'o heranga ga'a ya'u mojongo lai siḏi.

Yohanes 15:20

'Elingi 'oru ga'a Ngoi reto kanau ḏua ra ngini: Budaka 'o lebe la-lamo'o i'a ua reo tuanga. Ngowa'a raḏi sisikisa Ngoi ḏua, ananga ḏuanga i'a 'aḏi sisikisa ngini ḏi'i. Na'o ananga ya mete'e 'Ari do-doto'o, tantu ḏua ananga ḏuanga i'a ya mete'e ḏi'i ngini ninga do-doto'o.

Yohanes 15:21

Mo-moini gena-ge ananga ḏuanga i'a ya si'a'a ra ngini, sababu ngini Ngoi 'ari me-mete'e. Re ḏi'i sababu ananga 'aḏi nana'o ua Unanga ga'a Ro 'utusu Ngoi.

Yesus 'ai so-soma'a 22:30

Sordado la-lamo'o gena-ge unanga mau disa waro mode-mode'e ma sababu 'oru ngowa'a Yahudi 'u sisala 'a Paulus. Sababu gena-ge, ma ḇiḇini ino unanga 'o 'aro'o 'imam-'imam ma sae'e re Mahkamah 'Agama 'aḏi malomu. Ḏua ya woi'i 'a Paulus 'ai rate, kara 'aḏi gasa sitalaḏi ra ananga mo-moini.

Yesus 'ai so-soma'a 5:40

Ḏua Yesus 'ai so-soma'a 'aḏi sanga 'aro'o ya'u ca'olo re ya'u simaha ua 'aḏi doto'o mangale Yesus. Togumu i'a kara ya'u eanga.

Yesus 'ai so-soma'a 8:3

Mada'a Saulus mau 'o sisikisa ngowa-ngowa'a ngaku Yesus. Sababu gena-ge, unanga 'o supu-osama toma wala-wala, 'o cako'o re 'o iḏala ngowa-ngowa'a gena-ge re ya'u singosama bui.

Yesus 'ai so-soma'a 9:4

Unanga 'o ruba re 'o 'isene iḏingi rimoi ma betongo ra unanga, “Saulus, Saulus, i'a sa'olo ngana no sisikisa Ngoi?”

1 Petrus 2:13

Ngini balasu ni ta'aloko toma ngowa'a la-lamo'o mo-moini ga'a manusia ya'u cumutu, sababu ni mete'e Ma Jou 'ai mau. Ngini balasu ni 'isene 'olana, ga'a 'ai ḏe-ḏegoro lai kau'u.

Tingoýi 2:10

Ni mojongo awa, na'o ti'ara riwara ni sanga susa re sangisara. Ngoi to siajele ra ngini, mamuni'a ḏuanga i'a 'Iblisi singosama ngini toma bui di'a ni sanga tai'i. Re ngini gena-ge ḏuanga i'a sanga sikisa ma di'ara wangere nyagi moi. Mada'a ngini balasu ni macako'o namo-namoto ra Ngoi singadolo ni sengene, kara Ngoi to pula'a 'ahu kasingado-ngadolo i'a ra ngini sa'olo ngogele rimoi.