Lukas 20:47 - Jaji ma Su-sungi

⁴⁷ Ananga 'aḏi sihaga balo-balo, re ya'u ra-rabasa ananga manga 'ori i'a rana tamanga wala ma dara. Re ananga 'aḏi manyiata lai kiḏa-kiḏanga di'a ya damunu manga kajahatana. Sababu gena-ge, Ma Jou'ongu Madutu ḏuanga i'a 'o sihukumu lai tubuso madutu ra ananga!”

Lukas 20:47 Iomraidhean Croise

Matias 23:13

“Bahala ra ngini guru-guru 'agama re ngowa-ngowa'a Farisi! Ngini, ngowa'a munafiki! Ngini ni simaha ua ngowa'a 'aḏi osama nyo-nyoimi toma Soroga ma Pareta. Ngini masiretene ni oḏu'u osama nyo-nyoimi toma Soroga ma Pareta, re ni dola'aku ngowa'a lelegu ga'a mau osama nyo-nyoimi toma Soroga ma Pareta. [

Matias 23:14

Bahala ra ngini guru-guru 'agama re ngowa-ngowa'a Farisi. Ngini ngowa'a munafiki! Ngini ni sihaga balo-balo, re ni ra-rabasa ananga manga 'ori i'a rana tamanga wala ma dara. Re ngini ni manyiata lai kiḏa-kiḏanga di'a na damunu ninga kajahatana. Sababu gena-ge, Ma Jou'ongu Madutu ḏuanga i'a 'o sihukumu lai tubuso madutu ra ngini!]

Markus 12:40

Ananga 'aḏi sihaga balo-balo, re ya'u ra-rabasa ananga manga 'ori i'a rana tamanga wala ma dara. Re ananga 'aḏi manyiata lai kiḏa-kiḏanga di'a ya damunu manga kajahatana. Sababu gena-ge, Ma Jou'ongu Madutu ḏuanga i'a 'o sihukumu lai tubuso madutu ra ananga!”

Lukas 12:1

Ngowa'a rema cala-cala 'aḏi malomu dadi 'aḏi ma'u tutuḏu singadolo matengo re matengo 'aḏi ma'u jo'u. Wakutu ananga gena-ge 'aḏi malomu, Yesus 'o kanau Tai me-mete'e, “Ngini ni ma'istiari ino toma ngowa'a Farisi manga ragi. 'Ari maksudu awa ni mete'e ngowa'a Farisi manga de'oso re ḏegoro sababu ananga gena-ge ngowa'a munafiki.

Lukas 20:46

“Ma'istiari ino taninga guru-guru 'agama. Ananga 'aḏi nyanyaḏi tagi-tagi mapake juba kiḏanga, re 'aḏi nyanyaḏi ḏi'i ngowa'a ya'u silamo'o toma pasara. Ananga 'aḏi nyanyaḏi tegoro toma biono na'o toma wala puji re toma laya-laya.

Lukas 21:1

Ra Ma Jou'ongu Madutu 'ai Wala, Yesus 'o oḏi'i ngowa'a rema-enanga 'aḏi singosama manga jou-jou toma jou-jou ma burua.

1 Tesalonika 2:5

Ngini masiretene na waro, ngomi mi pake ua demo-demo ma mami. Re ngomi mi sapolo magogono ua 'akala re sinyingara ga'a da-danata, Ma Jou'ongu Madutu 'a waro gena-ge 'i banari.

Titus 1:16

Ananga gena-ge 'aḏi kanau 'aḏi nana'o Ma Jou'ongu Madutu. Momongolo ua, tamanga de'oso re ḏegoro 'aḏi masoloto Unanga: Ananga 'aḏi 'a'a 'ori i'a ga'a Ma Jou'ongu Madutu 'a emono, 'aḏi mete'e ua Ma Jou'ongu Madutu 'ai 'akala ma mau re ya nga'unu ua 'aḏi 'a'a 'ori i'a la-la.

Yakobus 3:1

'Ari ioronongoḏu ngo-ngaku rimoi! Awa ngini repe ni mau dadi guru, sababu Ma Jou'ongu Madutu ḏuanga i'a 'o sijuruhakimi ngene guru-guru lebe tubuso re ngowa'a ma lelegu.