Lukas 20:17 - Jaji ma Su-sungi

¹⁷ Yesus 'o tatamo i'a ngowa'a gena-ge re 'o kanau, “Na'o so'o gena, bu-bula'a ga'a 'i silefo toma Boku 'Ofi-'Ofi ma dara mangale 'oru? ‘Maḏi ga'a wala ma tukanga-tukanga ya upa'a, ma nyonyata maḏi gena-ge ri dadi maḏi ma re'u i'a di'a wala ma bangini.’

Lukas 20:17 Iomraidhean Croise

Matias 21:42

Ḏua Yesus 'o kanau ra ananga, “Tantu ḏua ngini rena baca 'oru ga'a 'i silefo toma Boku 'Ofi-'Ofi so'o ne: ‘Maḏi ga'a wala ma tukanga ya upa'a ḏua, ma nyonyata maḏi gena-ge ri dadi maḏi ma re'u i'a di'a wala ma bangini. Gena-ge Ma Jou'ongu Madutu 'ai munara, re tananga momina 'i rousu masala!’ ”

Markus 10:23

Ḏua Yesus 'o kanau Tai me-mete'e, “Kangela masala ngowa'a rema-enanga 'aḏi osama nyo-nyoimi ra Ma Jou'ongu Madutu 'ai Pareta!”

Markus 12:10

Ngini mo-moini ni baca ḏua toma Boku 'Ofi-'Ofi ma dara so'o ne: ‘Maḏi gena-ge tukanga-tukanga 'a'a wala ya upa'a ḏua, ma nyonyata maḏi gena-ge ri dadi maḏi ma re'u i'a di'a wala ma bangini.

Markus 3:5

Yesus 'o magelelo kuwiḏa re kuḇali, biono re ḏuḏunu re 'O porata re 'Ai 'akala re sinyingara 'i kangela masala sababu ananga manga 'akala re sinyingara lai te'e. Ḏua Unanga 'o kanau i'a toma ngowa'a gena-ge, “Na toa'a ino 'ani giama.” Ngowa'a gena-ge 'a toa'a i'a 'ai giama re ro la.

Lukas 19:41

Wakutu Yesus 'o co-cori limau Yerusalem re oḏi'i limau gena-ge, Unanga 'a gaḏi

Lukas 22:37

Sababu Ngoi to siajele ra ngini nena-ne: 'Oru ga'a 'i silefo ḏua toma Boku 'Ofi-'Ofi enanga balasu 'i dadi ra Ngoi. Bu-bula'a toma Boku 'Ofi-'Ofi enanga ma betongo so'o ne: ‘Ngowa'a 'aḏi 'a'a Unanga ma tero sa'olo ngowa'a ma jira.’ Nena-ne sa'i dadi toma 'orasa nange-ne.”

Lukas 22:61

Ma Jou 'o magelelo re 'o lakodoto 'a Petrus. Ḏua 'a Petrus 'a si'elingi ie mangale Ma Jou 'o kanau pasala ḏua ra unanga, “Toma wangere nga'ene namo solene nyangu, ngana no soloto Ngoi soi ro'ange ḏua.”

Lukas 24:44

Togumu i'a, Unanga 'o kanau ra ananga, “Wakutu Ngoi to marimoi ra ngini moju, Ngoi ta siajele ḏua ra ngini: Mo-moini mangale Ngoi ga'a 'i silefo ḏua ra Musa re toma nabi-nabi manga boku re toma Mazmur ma dara; gena-ge balasu 'i dadi.”

Yohanes 15:25

Mada'a enanga gena-ge ri dadi, la demo ga'a 'i silefo ra Musa 'ai hukumu 'i sitotomo: ‘Ananga 'aḏi emono Ngoi kama 'alasana ua.’

Yesus 'ai so-soma'a 4:11

Yesus nena-ne 'i silefo toma Boku 'Ofi-'Ofi ma dara ma betongo so'o ne: ‘Maḏi ga'a ngini, wala ma tukanga-tukanga, na upa'a ḏua, ma nyonyata maḏi gena-ge ri dadi maḏi ma re'u i'a di'a wala ma bangini.’

Efesus 2:20

Ngini ḏi'i ma tero sa'olo maḏi ga'a ngowa'a ya sifato toma wala ma bangini ma re'u. Bangini gena-ge ma tero sa'olo Yesus 'ai so-soma'a re nabi-nabi re bangini ma maḏi ma re'u i'a gena-ge Kristus Yesus.

1 Petrus 2:6

Sababu 'i silefo pasala ḏua toma Boku 'Ofi-'Ofi mangale Ma Jou Yesus ma tero sa'olo maḏi di'a wala ma bangini. Ma Jou'ongu Madutu 'o kanau so'o ne: “Ngoi ta siwola i'a ḏua maḏi rimoi gena-ge lai hali ta sijingi'i toma Sion sa'olo maḏi ma re'u i'a di'a wala ma bangini re ngowa-ngowa'a ga'a 'aḏi ngaku Unanga, maḏi gena-ge ananga manga ngo-ngaku 'i parasaja ua.”