Lukas 20:14 - Jaji ma Su-sungi

¹⁴ Mada'a wakutu ngowa-ngowa'a munara toma guḏa 'aḏi oḏi'i guḏa ma dutu 'ai ngowa'a nau'u 'o sapolo, ananga 'aḏi ma'u kanau matengo re matengo, ‘Unanga nena-ne 'o warisi ma gu-gu'u. Ino ngene wu sisengene unanga, la ngene wa sanga 'ai warisi.’

Lukas 20:14 Iomraidhean Croise

Matias 16:7

Wakutu ananga gena-ge 'aḏi 'isene Yesus 'o kanau so'o gena, 'Ai me-mete'e 'aḏi makanau matengo re matengo, “Unanga 'o kanau so'o gena, sababu ngene wo gasa roti ua.”

Matias 21:25

'A Yohanes tukanga baptis, unanga gena-ge 'o sanga 'ai kuasa ra guna ino? Ra Ma Jou'ongu Madutu bolo toma manusia ino?” Ḏua 'imam-'imam ma sae'e re Yahudi manga bi-biri'i 'aḏi ma'u kanau tamanga sigolona, “Na'o ngene wo sangoro ‘ 'A Yohanes gena-ge 'o sanga kuasa ra Ma Jou'ongu Madutu ino,’ ḏua Unanga 'o sano, ‘Na'o so'o gena-ge, i'a sa'olo ngini ni ngaku Unanga ua?’

Matias 21:34

Wakutu ma 'orasa 'utu'u 'anggur enanga 'i ngadolo, guḏa ma dutu 'o siḏingoto 'ai budaka-budaka 'aḏi tagi tai ngowa-ngowa'a munara toma guḏa di'a ya 'oro 'ai balangu.

Lukas 19:47

Wange moi-wange moi Yesus 'o doto'o ngowa'a ra Ma Jou'ongu Madutu 'ai Wala. Mada'a 'imam-'imam ma sae'e, guru-guru 'agama, re Yahudi manga bi-biri'i, ananga 'aḏi mau sisengene Unanga.

Lukas 20:13

Ma ḏo-ḏogumu tala guḏa ma dutu 'o kanau, ‘Ngoi balasu to 'a'a 'oru moju? Ngoi ḏuanga i'a to siḏingoto 'ari ngowa'a nau'u ga'a ta dadalara. Tantu ḏua, ananga 'aḏi silamo'o unanga!’

Lukas 20:15

Ananga 'aḏi taba-taba'a unanga toma guḏa ma di'anga, kara 'u sisengene.” Ḏua Yesus 'o sano, “Wakutu guḏa ma dutu gena-ge 'o sapolo toma guḏa unanga 'o 'a'a 'oru tai ngowa-ngowa'a munara toma guḏa gena-ge?!

Lukas 20:19

Guru-guru 'agama re 'imam-'imam ma sae'e ya waro 'ade-'ade gena-ge Yesus 'o kanau mangale ananga. Sababu gena-ge, ananga 'aḏi disa ngo'omo, la cako'o 'a Yesus toma 'orasa gena-ge ḏua, mada'a 'aḏi mojongo ngowa'a kawasa.

Lukas 20:5

Ḏua ananga mulaingi 'aḏi ma'u kanau, “Na'o ngene wo sangoro, ‘ 'A Yohanes gena-ge 'o sanga kuasa ra Ma Jou'ongu Madutu ino,’ ḏua Unanga 'o sano, ‘Na'o so'o gena-ge, i'a sa'olo ngini ni ngaku Unanga ua?’

Lukas 22:2

'imam-'imam ma sae'e re guru-guru 'agama ananga ya disa ngo'omo di'a sisengene Yesus ya sigo-gogoro, sababu ananga 'aḏi mojongo re 'aḏi dodato ngowa'a repe 'aḏi 'a'a kaco.

Yesus 'ai so-soma'a 2:23

Kalaha Ma Jou'ongu Madutu 'a waro ḏua 'oru ḏuanga i'a 'i dadi, Unanga 'o sipula'a Yesus ra ngini: Enanga gena-ge 'i mete'e Ma Jou'ongu Madutu 'ai 'akala ma mau. Wakutu gena-ge, ngini nu sisengene Unanga sababu ngini nu sipula'a Unanga toma ngowa-ngowa'a ga'a 'aḏi mete'e ua Ma Jou'ongu Madutu 'ai hukumu, kara ananga 'U salib Unanga.

Yesus 'ai so-soma'a 3:15

Ngini ni sisengene Unanga ga'a 'o 'ahu ma cimi. Unanga ro sengene, mada'a Ma Jou'ongu Madutu dadunu 'U si'ahu moju. Ngomi nena-ne mi dadi sakisi sababu maoḏi'i masiretene Yesus dadunu 'o 'ahu moju.

Roma 8:17

Re sababu ngene Unanga 'ai ngowa-ngowa'a, tantu ḏua ḏuanga i'a ngene wo sanga warisi ga'a Unanga 'o sidodahe di'a 'Ai ngowa-ngowa'a. Re ngene ḏuanga i'a sanga warisi gena-ge mamete'e ra Kristus. Sababu toma dungia nena-ne ngene wo sanga sikisa ma tero sa'olo Kristus, dadi ḏuanga i'a ngene wo sanga 'Ai mulia ma balangu ḏi'i.

'Ibrani 1:2

Mada'a toma 'orasa nange-ne, Ma Jou'ongu Madutu 'o pake 'Ai Ngowa'a Nau'u, la 'O kanau ra ngene. 'Ua re 'au wali, Unanga ro pake 'Ai ngowa'a Nau'u di'a sidadi diwanga re dungia rema dara mo-moini. Re ḏi'i, Ma Jou'ongu Madutu ra sitantukanga mangale ḏuanga i'a 'Ai Ngowa'a Nau'u gena-ge 'o parenta 'oru ḇato.