Lukas 20:13 - Jaji ma Su-sungi

¹³ Ma ḏo-ḏogumu tala guḏa ma dutu 'o kanau, ‘Ngoi balasu to 'a'a 'oru moju? Ngoi ḏuanga i'a to siḏingoto 'ari ngowa'a nau'u ga'a ta dadalara. Tantu ḏua, ananga 'aḏi silamo'o unanga!’

Lukas 20:13 Iomraidhean Croise

Matias 17:5

Wakutu 'a Petrus 'o ka-kanau moju, kakamo lai tarangi ya'u sao ananga re toma kakamo gena-ge ma dara 'aḏi 'isene iḏingi ma betongo so'o ne: “Unanga nena-ne 'Ari Ngowa'a Nau'u ga'a Tu dadalara, Ngoi 'ari 'akala re sinyingara ma sanangi Ta sipa'ala ra Unanga. Ni 'isene Unanga!”

Matias 3:17

Gena ḏua, ananga 'aḏi 'isene Ma Jou'ongu Madutu 'ai iḏingi ma betongo so'o ne: “Unanga nena-ne, 'Ari Ngowa'a Nau'u Ta dadalara, Ngoi 'ari 'akala re sinyingara ma sanangi Ta sipa'ala ra Unanga.”

Lukas 18:2

Yesus 'o kanau, “Toma limau rimoi juruhakimi matengo ga'a 'o mojongo ua Ma Jou'ongu Madutu re 'o faduli ua 'a guna ḇato.

Lukas 18:4

Ma di'ara ino, juruhakimi gena-ge 'o riono ua balo gena-ge. Mada'a ma ḏo-ḏogumu tala juruhakimi gena-ge 'o mafikiri, ‘Kalaha ngoi to mojongo ua Ma Jou'ongu Madutu re to faduli ua 'a guna ḇato,

Lukas 20:12

Togumu i'a, guḏa ma dutu 'o siḏingoto 'ai budaka ma soi ro'ange matengo 'o tagi toma ngowa-ngowa'a munara toma guḏa. Mada'a ananga gena-ge 'u ca'olo singadolo nyabo-nyaboto kara 'aḏi siwale unanga toma guḏa ma di'anga.

Lukas 20:14

Mada'a wakutu ngowa-ngowa'a munara toma guḏa 'aḏi oḏi'i guḏa ma dutu 'ai ngowa'a nau'u 'o sapolo, ananga 'aḏi ma'u kanau matengo re matengo, ‘Unanga nena-ne 'o warisi ma gu-gu'u. Ino ngene wu sisengene unanga, la ngene wa sanga 'ai warisi.’

Lukas 9:35

Gena ḏua, ananga 'aḏi 'isene toma kakamo gena-ge ma dara iḏingi ma betongo, “Nena-ne 'Ari Ngowa'a ga'a Ngoi to cumutu ḏua. Ni 'isene Unanga!”

Yohanes 1:34

Dadi ngoi reto oḏi'i masiretene re to pula'a sakisi mangale Yesus gena-ge Ma Jou'ongu Madutu 'ai Ngowa'a Nau'u.”

Roma 8:3

Musa 'ai hukumu 'i sibebasa ngene yoḏu'u toma ḏosa ma kuasa; sababu manusia wo lamahana woḏi di'a mete'e ti-tiai hukumu gena-ge. Mada'a Ma Jou'ongu Madutu nyengara 'o sibebasa ngene toma ḏosa ma kuasa gena-ge: Unanga 'o 'utusu 'Ai Ngowa'a Nau'u di'a dadi jou-jou rimoi, la 'O tuusu ngene tananga ḏosa. Unanga gena-ge 'o sapolo toma dungia nena-ne ma tero sa'olo manusia, mada'a Unanga 'o 'a'a ḏosa ua.

Galatia 4:4

Mada'a wakutu ma 'orasa ri ngadolo, ga'a Ma Jou'ongu Madutu ro sitantukanga pasala ḏua, Unanga 'o siḏingoto 'ai Ngowa'a Nau'u sapolo toma dungia. Re we-were'a matengo mu sibuoro Unanga. Sababu gena-ge sa'olo ngowa'a Yahudi, Unanga balasu 'o ta'aloko ra Musa 'ai hukumu.