Lukas 2:9 - Jaji ma Su-sungi

⁹ Kage-kage, Ma Jou'ongu Madutu 'ai mala'ekata matengo 'i masibaiti ra ananga re cahaya ra Ma Jou'ongu Madutu ino 'i 'erese ananga singadolo ananga matai mojongo.

Lukas 2:9 Iomraidhean Croise

Matias 1:20

Wakutu 'a Yusuf 'o matakasiri hali gena-ge, unanga 'o nanele. Tai nanele ma dara, unanga 'o oḏi'i Ma Jou'ongu Madutu 'ai mala'ekata matengo ga'a 'o kanau ra unanga ma betongo so'o ne: “Yusuf, 'Olana Daud 'ai ju'uda, mojongo awa molo'ara ngo Maria, sababu 'ami la'ekata tami po'olo gena-ge ma dara 'i dadi mete'e Ma Ngagara 'Ofi-'Ofi ma kuasa.

Lukas 1:28

Mala'ekata matengo gena-ge 'o sapolo ra ngo Maria re 'o kanau, “Tabea ra ngana ga'a Ma Jou'ongu Madutu 'o sibarakati! Ma Jou'ongu Madutu marimoi ra ngana!”

Lukas 2:8

Toma utu gena-ge, 'age sowohi-sowohi 'aḏi dadanu manga doba toma daeraha rurubu.

Lukas 24:4

Ananga 'aḏi made-de'oso toma ngi'i gena-ge re ya waro manga gogare riwara, kage-kage ngowa'a nga muḏiḏi raḏi made-de'oso toma we-were'a manga gumuḏu re ananga manga pakeanga 'i ciḏo-ciḏoto.

Yohanes 12:41

Yesaya 'o kanau so'o gena-ge sababu unanga ro oḏi'i Yesus 'ai kuasa, dadi 'o kanau mangale Unanga.

Yesus 'ai so-soma'a 12:7

Kage-kage, Ma Jou'ongu Madutu 'ai mala'ekata matengo 'o made'oso ie sebanga i'a ra Petrus singadolo kamara gena-ge 'i romanga reo cahaya. Mala'ekata gena-ge 'u yowana singadolo 'a Petrus 'o kage re 'o kanau, “Hei, caiti no momi'i!” Toma 'orasa gena-ge ḏua, rate tai giama 'i palasara masiretene.

Yesus 'ai so-soma'a 27:23

'Au utu, Ma Jou'ongu Madutu ga'a ngoi to silamo'o re siḏubuso 'O soma'a 'Ai mala'ekata 'o sapolo ra ngoi.

Yesus 'ai so-soma'a 5:19

Mada'a ma lobi'i tala, Ma Jou'ongu Madutu 'ai mala'ekata matengo 'o welanga bui ma ngalana, re ya'u gasa sisupu ananga. Mala'ekata matengo gena-ge 'o kanau ra ananga,

2 Korintus 3:18

'Orasa nange-ne, enanga ma tero sa'olo Ma Jou ra woi'i jujuwurungu ra ngene mo-moini tananga fikirana. Dadi ngene wo basono Ma Jou 'ai mulia, gena-ge 'Ai kuasa. Sababu gena-ge, ngene nanga 'ahu 'i ngali 'i dadi ma tero sa'olo Unanga; lebe ti'ara lebe sijumu 'Ai kuasa tananga 'ahu. Kuasa gena-ge da'u ra Ma Jou tala, ga'a Ma Ngagara 'Ofi-'Ofi.

2 Korintus 4:6

Sababu Ma Jou'ongu Madutu ga'a 'o kanau, “Toma hafu-hafu, balasu 'i waiti tarangi,” Unanga gena-ge ro sigare 'Ai tarangi tananga 'akala re sinyingara ma dara. Ma Jou'ongu Madutu ro si'a'a so'o gena-ge, la ngene nyengara wa sahe Unanga 'ai mulia. Unanga 'ai mulia gena-ge 'i ma tero sa'olo ma tarangi ga'a wa oḏi'i ra Kristus 'ai biono. Dadi Unanga 'a siwaiti Ma Jou'ongu Madutu 'ai mulia ra ngene.

1 Timotius 3:16

Matengo i'a mai ua 'aḏi soloto mangale nanga 'agama ma do-doto'o 'i banari re 'i ti-tiai. 'Au wali, ma do-doto'o gena-ge mangale Kristus Yesus 'i sirahasia, sababu Ma Jou'ongu Madutu 'o masijumu nyangu. Mada'a nange-ne Unanga 'o masijumu ḏua ra ngene, dadi ngene wo ngaku nena-ne: Ma Jou'ongu Madutu 'ai Ngowa'a Nau'u matengo 'O matuhu sa'olo manusia, Ma Ngagara 'Ofi-'Ofi 'i siajele Unanga gena-ge Ma Jou'ongu Madutu 'ai Ngowa'a Nau'u, Unanga 'o masijumu toma mala'ekata, 'Ai lomanga sihabari toma bangsa mo-moini, Ngowa'a toma bangsa mo-moini toma dungia 'aḏi ngaku Unanga sibere re sijingi'i toma soroga.

'Ibrani 12:21

Ngowa'a Israel ga'a ya oḏi'i gena-ge 'aḏi terewete singadolo 'a Musa 'o kanau, “Ngoi to terewete sababu to mojongo masala.”

Tingoýi 18:1

Gena ḏua, ngoi to oḏi'i mala'ekata matengo 'o 'uci da'u soroga tala. Unanga 'ai kuasa 'i lamo'o re 'ai mulia 'i sitarangi toma dungia sitabi donga.

Tingoýi 20:11

Gena ḏua, ngoi to oḏi'i ḏe-ḏegoro lamo'o bu-buḏo rimoi re Ma Jou'ongu Madutu 'o maḏegoro toma ḏe-ḏegoro gena-ge ma re'u. Diwanga re dungia 'i iranga ra Unanga 'ai biono, singadolo kama oḏi'i riwara.