Lukas 2:7 - Jaji ma Su-sungi

⁷ Munanga mo sibuoro ngowa'a nau'u matengo ngowa ma jomolo, 'u sao reo ḇa'a kara 'u sigare toma haiwani ma ngo-ngoromo ma ngi'i, sababu 'aḏi sanga ngi'i riwara di'a 'aḏi masiḏingoto.

Lukas 2:7 Iomraidhean Croise

Matias 1:25

Mada'a ngo Maria mo sibuoro 'ami ngowa nau'u gena-ge nyangu, 'a Yusuf so'o mi dongotu i'a ua. Re wakutu munanga mo sibuoro ngowa nau'u gena-ge, Yusuf 'o silomanga Unanga Yesus.

Matias 13:55

Unanga gena-ge 'Ai ḇaḇa pa'i 'o tukanga wala ḇato re 'Ai ngina ngo Maria, re 'Ai nongoḏu 'a Yakobus, 'a Yusuf, 'a Simon re 'a Yudas!

Matias 8:20

Yesus 'a sangoro ra unanga, “Serigala rema aḏu'u, re namo diwanga rema ngi'i, mada'a Ngoi, Manusia ma Ngowa'a Nau'u kari ngi'i ua di'a to masibatongo.”

Lukas 10:34

Dadi unanga 'o jau i'a ngowa'a ga'a sanga bodito nange-ge, kara 'u soso'o 'ai nyaboto reo 'anggur re 'u siajala reo goroho re 'a sisao reo ḇa'a. Gena ḏua, unanga 'u sibalene tai jarana, kara 'u gasa 'u situḏu toma panginapana re 'u dadanu.

Lukas 2:6

Wakutu ananga toma limau Betlehem moju ngo Maria mi 'orasa maḏe-ḏegoro i'a ri ngadolo.

Lukas 2:8

Toma utu gena-ge, 'age sowohi-sowohi 'aḏi dadanu manga doba toma daeraha rurubu.

Yohanes 1:14

'Idini gena-ge ri dadi manusia, re Unanga 'o tegoro tananga sigolona re wa oḏi'i ḏua 'Ai kabasarana. Kabasarana gena-ge ma 'asala ra Ma Jou'ongu Madutu sababu Unanga 'Ai Ngowa'a Nau'u pa'i matengo. Sababu Unanga, ngene wa basono tala Ma Jou'ongu Madutu 'ai mura re dadalara masala ra ngene, re Unanga 'o sijumu ma ba-banari mangale Ma Jou'ongu Madutu ra ngene.

2 Korintus 8:9

Ngoi to paralu ua di'a parenta ngini sababu ngini rena waro mode-mode'e nanga Jou Yesus Kristus 'o dadalara ngene. Unanga gena-ge ngowa'a rema-enanga toma soroga, 'O kama kuranga 'oru ua. Mada'a Unanga 'o sisoi'i tala gena-ge re 'O madadi ngowa'a ma dinga'unu ua toma dungia nena-ne di'a ngini ninga paralu. Dadi Yesus 'ai dinga'unu ua gena-ge sidadi ngini ngowa'a rema-enanga toma soroga.

Galatia 4:4

Mada'a wakutu ma 'orasa ri ngadolo, ga'a Ma Jou'ongu Madutu ro sitantukanga pasala ḏua, Unanga 'o siḏingoto 'ai Ngowa'a Nau'u sapolo toma dungia. Re we-were'a matengo mu sibuoro Unanga. Sababu gena-ge sa'olo ngowa'a Yahudi, Unanga balasu 'o ta'aloko ra Musa 'ai hukumu.