Lukas 2:51 - Jaji ma Su-sungi

⁵¹ Togumu i'a, Yesus 'o tagi mamete'e ra ananga 'aḏi maḏibo toma limau Nazaret, re 'o mete'e manga mau. 'Ori i'a mo-moini ga'a 'i dadi gena-ge, ngo Maria ma gogono tami 'akala re sinyingara ma dara.

Lukas 2:51 Iomraidhean Croise

Matias 12:46

Wakutu Yesus 'o ka-kanau moju toma ngowa'a repe, 'Ai ngina re 'Ai no-nongoḏu ananga 'aḏi sapolo. Ananga 'aḏi made-de'oso toma wala ma soana, disa ma donga di'a ma'u sanga re ma'u kanau ra Yesus.

Matias 3:15

Mada'a Yesus 'a sangoro, “Nange-ne sieanga ḇato so'o gena sababu wa si'a'a so'o nena-ne ngene wo 'a'a mete'e Ma Jou'ongu Madutu 'ai 'akala ma mau.” Dadi 'a Yohanes 'o baptis Yesus.

Markus 1:9

Toma 'orasa gena-ge, Yesus 'o sapolo da'u limau Nazaret tala toma daeraha Galilea. Unanga 'o sanga baptis ra Yohanes toma Ḇanyo Yordan.

Markus 6:3

Unanga gena-ge wala ma tukanga ḇato! 'Ai ngina ngo Maria re 'Ai no-nongoḏu 'a Yakobus, Yoses, Yudas re 'a Simon re 'Ai biḏa-biḏanga nongoḏu 'aḏi tegoro 'ane-ne ḏi'i.” Sababu gena-ge, ngowa'a Nazaret 'aḏi dawongo Unanga ua.

Lukas 18:37

Ananga 'aḏi sangoro, “Yesus ngowa'a Nazaret 'o tola'a ino.”

Lukas 2:19

Mada'a wakutu ngo Maria ma 'isene i'a so'o gena, munanga pa'i magogono tami 'akala re sinyingara ma dara ḇato.

Lukas 2:39

'A Yusuf re ngo Maria ya si'a'a ḏua 'ori i'a mo-moini mete'e Ma Jou'ongu Madutu 'ai Hukumu. Gena ḏua, ananga 'aḏi maḏibo toma limau Nazaret, toma daeraha Galilea.

Lukas 4:16

Yesus 'o tagi da'a toma limau Nazaret, ngi'i ga'a Unanga 'o ramasa. Toma Sabata ma wangere, Unanga 'o tagi toma wala puji, mete'e Unanga 'ai biasa. Unanga 'o te'oso toma ngowa'a manga biono di'a 'O baca Boku 'Ofi-'Ofi,

Lukas 4:23

Mada'a Yesus 'o kanau ra ananga, “Tantu ḏua ngini ḏuanga i'a ni kanau dolabololo ra Ngoi: ‘Hai, dotere na si-la 'ani diri masiretene. Ma maksudu: Ngomi mi 'isene ḏua Ngana no 'a'a ga'a hera-heranga toma limau Kapernaum, na si'a'a ḏi'i Tani gamu masiretene.’ ”

Efesus 5:21

Ni ma'u ta'aloko matengo re matengo, la ngini ni silamo'o Kristus:

1 Petrus 2:21

Ma Jou'ongu Madutu 'o 'aro'o ngini di'a ni matahana sangisara gena-ge. So'o gena 'a Kristus ḏi'i 'o sanga sangisara di'a ngini. Duhu so'o gena-ge, Unanga 'o sijumu ngo'omo, la ngini ni 'a'a ma tero sa'olo Unanga: