Lukas 2:49 - Jaji ma Su-sungi

⁴⁹ Yesus 'a sangoro, “I'a sa'olo baba re meme ni disa Ngoi toma ngi'i lelegu? Baba re meme ni waro ua mangale Ngoi balasu to tegoro Tari Ḇaḇa 'ai wala?”

Lukas 2:49 Iomraidhean Croise

Matias 21:12

Gena ḏua, Yesus 'o osama ra Ma Jou'ongu Madutu 'ai Wala ma soana re 'O dusu'u ngowa'a ga'a 'aḏi mawu'unu re matibo toma ngi'i gena-ge. Unanga 'a sipagara ngowa-ngowa'a singali-ngali pipisi manga meja re 'a siruba ngowa-ngowa'a mawu'unu namo dara manga bako-bako.

Lukas 2:48

'A Yusuf re ngo Maria masiretene 'aḏi heranga wakutu 'aḏi sanga Unanga toma ngi'i gena-ge. 'Ai ngina mo kanau i'a ra Unanga, “I'a sa'olo no 'a'a ngomi so'o gena-ge? 'Ani ḇaḇa re 'Ani ngina, ngomi minga 'akala kangela masala mi disa Ngana!”

Yohanes 4:34

Yesus 'o kanau ra ananga, “Mete'e Ma Jou'ongu Madutu ga'a Ro 'utusu Ngoi, Unanga 'ai mau re siḏuanga munara ga'a Unanga ro pula'a ra Ngoi, gena-ge Ngoi 'ari ngo-ngoromo!

Yohanes 5:17

Yesus 'o kanau i'a ra ananga, “ 'Ari Ḇaḇa 'o munara tau-taunu singadolo 'orasa nange-ne, re Ngoi to munara ḏi'i.”

Yohanes 5:36

Mada'a 'age sakisi ga'a lebe lamo'o i'a rea Yohanes. Gena-ge 'Ari munara ga'a Ngoi ta si'a'a nange-ne re 'Ari Ḇaḇa ro sipula'a munara gena-ge ra Ngoi di'a Ta siḏuanga. Munara gena-ge masiretene 'i pula'a sakisi mangale 'Ari Ḇaḇa Ro 'utusu Ngoi.

Yohanes 6:38

Sababu Ngoi reto 'uci da'u soroga tala mete'e Ngoi 'ari mau masiretene ua, mada'a mete'e Unanga ga'a Ro 'utusu Ngoi, Unanga gena-ge 'ai mau.

Yohanes 8:29

Re Unanga ga'a Ro 'utusu Ngoi mamete'e ra Ngoi. Sanga ua, Unanga sieanga i'a Ngoi to matengo, sababu Ngoi ta si'a'a tau-taunu 'oru ga'a sisanangi Unanga 'ai 'akala re sinyingara.”

Yohanes 9:4

Wakutu rema wangere moju, ngene balasu wa si'a'a Unanga 'ai munara ga'a Ro 'utusu Ngoi. Sababu 'orasa lobi'i 'i ngadolo ḏua, matengo i'a mai ua nga'unu munara.