Lukas 2:47 - Jaji ma Su-sungi

⁴⁷ Ngowa'a mo-moini 'aḏi matai heranga ga'a 'aḏi 'isene Unanga 'o kanau. Sababu Unanga ngowa 'olo moju, mada'a 'Ai 'akala lai soro'unu singadolo 'Ai sa-sangoro kama rapu ua.

Lukas 2:47 Iomraidhean Croise

Matias 13:54

Yesus 'o maḏibo toma limau Nazaret, Tai ji'o re gamu. I'a da'a, Unanga 'o doto'o toma wala puji, singadolo ngowa'a matai heranga! Ananga 'aḏi kanau, “Unanga 'o sanga le'a ino 'ai 'akala soro'unu gena-ge? Re 'O sanga 'Ai kuasa le'a ino singadolo Unanga nga'unu 'o 'a'a ga'a hera-heranga?

Matias 22:33

Wakutu ngowa'a kawasa ya 'isene Yesus 'o kanau so'o gena, ananga 'aḏi dadi heranga madutu sababu Unanga 'ai do-doto'o.

Matias 7:28

Wakutu Yesus 'o doto'o togumu i'a, ngowa-ngowa'a toma ngi'i gena-ge ga'a 'aḏi isene 'Ai do-doto'o, ananga gena-ge 'aḏi dadi heranga madutu.

Markus 1:22

Ngowa-ngowa'a gena-ge 'aḏi 'isene 'ai do-doto'o re 'aḏi heranga masala sababu Unanga 'o doto'o rai kuasa ma tero ua sa'olo guru-guru 'agama!

Markus 11:18

Wakutu 'imam-'imam ma sae'e re guru-guru 'agama ya 'isene Yesus 'o kanau so'o gena, ananga mulaingi 'aḏi disa ngo'omo mau sisengene Unanga. Ananga manga 'akala re sinyingara 'i go-goḏi, sababu ngowa'a mo-moini 'aḏi nyanyaḏi masala ya 'isene 'Ai do-doto'o.

Markus 6:2

Sabata ma wangere, Unanga 'o mulaingi 'O doto'o toma wala puji re toma ngi'i gena-ge ngowa'a manga repe. Wakutu ananga gena-ge ya 'isene Unanga 'ai do-doto'o, 'aḏi matai heranga. Re 'aḏi kanau je-jengere, “Unanga ne le'a ino singadolo 'O doto'o so'o gena-ge mai nyengara?! Unanga 'Ai 'akala soro'unu gena-ge sanga le'a ino?! Re Unanga 'Ai kuasa sanga le'a ino singadolo nga'unu 'O 'a'a ga'a hera-heranga?!

Lukas 2:18

singadolo ngowa'a mo-moini matai heranga ya 'isene sowohi-sowohi manga jarita.

Lukas 2:46

Ananga 'aḏi disa ma di'ara wange ro'ange, kara 'aḏi sanga Unanga ra Ma Jou'ongu Madutu 'ai Wala ma soana. Unanga 'o tegoro 'O sigi-gisene re 'O sano toma guru-guru 'agama.

Lukas 4:22

Unanga 'ai demo re ganau 'i rousu madutu singadolo ananga 'aḏi heranga, re 'aḏi kanau, “Unanga nena-ne pa'i 'a Yusuf 'ai ngowa'a nau'u ḇato!”

Lukas 4:32

Ananga ga'a 'aḏi isene Unanga 'Ai doto'o 'aḏi matai heranga sababu Unanga 'o kanau rai kuasa.

Yohanes 7:15

Dadi Yahudi manga bi-biri'i 'aḏi heranga masala re 'aḏi kanau, “Unanga ne kama sokola ua, mada'a 'Ai wo-waro ma repe mangale Boku 'Ofi-'Ofi!”

Yohanes 7:46

Ananga gena-ge 'aḏi sangoro, “Ngomi mi sanga nyangu ngowa'a matengo ga'a 'o kanau sa'olo Unanga.”