Lukas 2:4 - Jaji ma Su-sungi

^4-5 'A Yusuf 'o sisoi'i tala limau Nazaret toma daeraha Galilea re ngo Maria unanga 'ai ga-ganau mo mete'e, toma 'orasa gena-ge munanga rami lese ḏua. Ananga 'aḏi tagi toma daeraha Yudea toma limau Betlehem, 'Olana Daud 'ai dola'a ututu ma ngi'i. Yusuf balasu 'a silefo 'ai lomanga toma limau Betlehem sababu unanga 'ai 'asala ra 'Olana Daud ino.

Lukas 2:4 Iomraidhean Croise

Matias 1:20

Wakutu 'a Yusuf 'o matakasiri hali gena-ge, unanga 'o nanele. Tai nanele ma dara, unanga 'o oḏi'i Ma Jou'ongu Madutu 'ai mala'ekata matengo ga'a 'o kanau ra unanga ma betongo so'o ne: “Yusuf, 'Olana Daud 'ai ju'uda, mojongo awa molo'ara ngo Maria, sababu 'ami la'ekata tami po'olo gena-ge ma dara 'i dadi mete'e Ma Ngagara 'Ofi-'Ofi ma kuasa.

Matias 2:23

I'a da'a, Yusuf 'o tegoro toma limau ga'a ma lomanga Nazaret. Dadi 'oru ga'a nabi-nabi ya siajele pasala ḏua mangale ngowa 'olo gena-ge 'i sitotomo: “Unanga, ngowa'a 'U si'aro'o Ngowa'a Nazaret.”

Lukas 2:3

Toma 'orasa gena-ge, ngowa'a mo-moini matai ḏibo tamanga limau masiretene di'a silefo manga lomanga.

Lukas 4:16

Yesus 'o tagi da'a toma limau Nazaret, ngi'i ga'a Unanga 'o ramasa. Toma Sabata ma wangere, Unanga 'o tagi toma wala puji, mete'e Unanga 'ai biasa. Unanga 'o te'oso toma ngowa'a manga biono di'a 'O baca Boku 'Ofi-'Ofi,

Yohanes 1:46

Mada'a Natanael 'a sangoro, “Nyengara 'o 'ori i'a ma la-la 'i sapolo toma Nazaret?!” Filipus 'a sangoro, “Ino, no oḏi'i masiretene.”

Yohanes 7:42

Toma Boku 'Ofi-'Ofi ma dara 'i silefo mangale 'O Kristus ra 'Olana Daud 'ai ju'uda, re 'O sapolo toma gamu Betlehem, 'Olana Daud 'ai ji'o re gamu.”