Lukas 2:39 - Jaji ma Su-sungi

³⁹ 'A Yusuf re ngo Maria ya si'a'a ḏua 'ori i'a mo-moini mete'e Ma Jou'ongu Madutu 'ai Hukumu. Gena ḏua, ananga 'aḏi maḏibo toma limau Nazaret, toma daeraha Galilea.

Lukas 2:39 Iomraidhean Croise

Matias 3:15

Mada'a Yesus 'a sangoro, “Nange-ne sieanga ḇato so'o gena sababu wa si'a'a so'o nena-ne ngene wo 'a'a mete'e Ma Jou'ongu Madutu 'ai 'akala ma mau.” Dadi 'a Yohanes 'o baptis Yesus.

Lukas 1:26

Wakutu ngo Elisabet rami lese ma di'ara ngara rarama, Ma Jou'ongu Madutu 'o soma'a mala'ekata Gabriel tagi toma limau Nazaret toma daeraha Galilea.

Lukas 1:6

Ananga were'a nau'u manga 'ahu, re manga de'oso re ḏegoro 'i sisanangi Ma Jou'ongu Madutu 'ai 'akala re sinyingara sababu ananga nga muḏiḏi ngowa'a loasa re banari ga'a mode-mode'e 'aḏi mete'e Ma Jou'ongu Madutu 'Ai 'atoranga re 'Ai Hukumu.

Lukas 2:4

'A Yusuf 'o sisoi'i tala limau Nazaret toma daeraha Galilea re ngo Maria unanga 'ai ga-ganau mo mete'e, toma 'orasa gena-ge munanga rami lese ḏua. Ananga 'aḏi tagi toma daeraha Yudea toma limau Betlehem, 'Olana Daud 'ai dola'a ututu ma ngi'i. Yusuf balasu 'a silefo 'ai lomanga toma limau Betlehem sababu unanga 'ai 'asala ra 'Olana Daud ino.

Lukas 2:51

Togumu i'a, Yesus 'o tagi mamete'e ra ananga 'aḏi maḏibo toma limau Nazaret, re 'o mete'e manga mau. 'Ori i'a mo-moini ga'a 'i dadi gena-ge, ngo Maria ma gogono tami 'akala re sinyingara ma dara.

Lukas 4:16

Yesus 'o tagi da'a toma limau Nazaret, ngi'i ga'a Unanga 'o ramasa. Toma Sabata ma wangere, Unanga 'o tagi toma wala puji, mete'e Unanga 'ai biasa. Unanga 'o te'oso toma ngowa'a manga biono di'a 'O baca Boku 'Ofi-'Ofi,

Lukas 4:23

Mada'a Yesus 'o kanau ra ananga, “Tantu ḏua ngini ḏuanga i'a ni kanau dolabololo ra Ngoi: ‘Hai, dotere na si-la 'ani diri masiretene. Ma maksudu: Ngomi mi 'isene ḏua Ngana no 'a'a ga'a hera-heranga toma limau Kapernaum, na si'a'a ḏi'i Tani gamu masiretene.’ ”