Lukas 2:26 - Jaji ma Su-sungi

²⁶ Ma Ngagara 'Ofi-'Ofi gena-ge 'i siajele ra unanga pasala ḏua mangale na'o unanga 'o oḏi'i 'O Kristus nyangu, Unanga gena-ge ga'a Ma Jou'ongu Madutu 'o sijaji 'ua re 'au wali, unanga 'o sengene nyangu.

Lukas 2:26 Iomraidhean Croise

Matias 2:12

Tamanga nanele ma dara, Ma Jou'ongu Madutu 'o sipo-poma ra ananga, la 'aḏi ḏibo ma'u sanga rawara ra 'Olana Herodes. Dadi ngowa'a Majus gena-ge 'aḏi ḏibo malalo'o mete'e ngo'omo lelegu.

Lukas 2:29

“Ma Jou'ongu Madutu 'ani jaji enanga 'i sitotomo. Nange-ne ḏua, ngoi ga'a 'Ani budaka, na siḏo-ḏogumu 'ari co'ongu.

Lukas 9:27

Ni ngaku mode-mode'e 'Ari demo-demo nena-ne: Taninga sigolona 'age rema ngowa'a 'aḏi 'ahu-'ahu moju re 'aḏi oḏi'i Ma Jou'ongu Madutu mulaingi 'o parenta sa'olo 'Olana.”

Yohanes 1:41

Andreas 'o sisoi'i tala Yesus re 'o tagi ca-capati re 'o disa 'a Simon, ananga gia nongoḏu. Re unanga 'o kanau, “Ngomi remi ma'u sanga 'O Mesias” (gena-ge ma ngale: 'O Kristus).

Yohanes 20:31

Mada'a mo-moini gena-ge ri silefo toma boku nena-ne, la nyengara ngini ni ngaku mangale Yesus gena-ge 'O Kristus, Ma Jou'ongu Madutu 'ai Ngowa'a Nau'u re na'o ni ngaku Unanga, ngini sanga 'ahu kasingado-ngadolo i'a.

Yohanes 4:29

“Ino ngini ni oḏi'i ngowa'a matengo ga'a 'o siajele ra ngoi mangale 'oru ḇato ga'a ngoi ta si'a'a ḏua! Ḏa Unanga gena-ge 'O Kristus!”

Yohanes 8:51

Ni ngaku mode-mode'e 'Ari demo-demo nena-ne: 'A guna ḇato ga'a 'o mete'e 'Ari demo, unanga kama sengene ua mada'a 'o 'ahu kasingado-ngadolo i'a.”

Yesus 'ai so-soma'a 10:38

Ngini ni waro ḏua Ma Jou'ongu Madutu 'o 'utusu 'a Yesus, ngowa'a Nazaret, re 'U sipa'ala Ma Ngagara 'Ofi-'Ofi re 'Ai Kuasa ra Unanga. Unanga gena-ge 'o tagi le'a ḇato re 'o 'a'a 'ori i'a la-la tau-taunu. Unanga nyengara 'o si-la ngowa'a 'o roh ma jira ya'u dungosama, sababu Ma Jou'ongu Madutu 'o mamete'e ra Unanga tau-taunu.

Yesus 'ai so-soma'a 17:3

Paulus 'o sitarangi re 'o pula'a bukiti toma Boku 'Ofi-'Ofi mangale 'O Kristus balasu 'o basono sangisara re Unanga dadunu 'o 'ahu moju da'a toma ngowa'a senge-sengene manga sigolona. Re Paulus 'o kanau, “Ngoi to siajele ra ngini mangale Yesus, Unanga gena-ge 'O Kristus ga'a Ma Jou'ongu Madutu 'U sijaji pasala ḏua.”

Yesus 'ai so-soma'a 2:36

Petrus dadunu 'o kanau moju, “Sababu gena-ge, ngowa-ngowa'a Yahudi, ngini re ngowa'a Israel ma lelegu mo-moini balasu na waro mode-mode'e mangale Yesus ga'a ngini nu salib, Unanga gena-ge Ma Jou'ongu Madutu 'o sidadi nanga Jou re 'O Kristus.”

Yesus 'ai so-soma'a 9:20

Wakutu Saulus 'o tegoro toma limau Damsyik, unanga 'o osama toma wala-wala puji re 'o singadolo mangale Yesus gena-ge Ma Jou'ongu Madutu 'ai Ngowa'a Nau'u.

'Ibrani 11:5

Sababu Henok 'ai ngo-ngaku, unanga 'o sengene ua. Siḏibo ḏi'i Ma Jou'ongu Madutu 'u tede re 'u gasa ra Unanga masiretene. Matengo i'a mai ua sanga unanga sababu Ma Jou'ongu Madutu ro tede unanga toma soroga. Toma Boku 'Ofi-'Ofi 'i silefo so'o ne: Wakutu Ma Jou'ongu Madutu 'o tede Henok toma soroga nyangu, unanga ro sisanangi Ma Jou'ongu Madutu.