Lukas 2:14 - Jaji ma Su-sungi

¹⁴ “Puji re silamo'o Ma Jou'ongu Madutu toma soroga, re dame toma dungia toma manusia ga'a Ma Jou'ongu Madutu ya'u sanangi.”

Lukas 2:14 Iomraidhean Croise

Matias 21:9

Ngowa'a kawasa ga'a 'aḏi tagi siḏa-siḏa re ḏi'i ngowa'a kawasa ga'a 'aḏi tu-tuu'u ra Yesus, ananga mo-moini 'aḏi poa'a so'o ne: “Puji re silamo'o 'Olana Daud 'ai ju'uda!” “Sibarakati Unanga ga'a 'o sapolo ra Ma Jou'ongu Madutu 'ai lomanga!” “Puji re silamo'o Ma Jou'ongu Madutu toma Gau'u!”

Lukas 1:79

la Unanga 'o pula'a tarangi toma ngowa'a mo-moini ga'a 'aḏi 'ahu toma hafu-hafu re 'aḏi mojongo sengene. Unanga 'o sinyanyasele ngene toma ngo'omo, la ngene sanga dame ra Unanga masiretene ino.”

Lukas 19:38

Ananga 'aḏi kanau, “Sibarakati 'Olana ga'a sapolo rea Ma Jou'ongu Madutu 'ai lomanga! Dame toma soroga re simulia Ma Jou'ongu Madutu toma Gau'u!”

Lukas 2:13

Kage-kage mala'ekata matengo 'o mamete'e reo mala'ekata lelegu ma repe, ananga 'aḏi puji re silamo'o Ma Jou'ongu Madutu, 'aḏi kanau,

Lukas 2:15

Togumu i'a mala'ekata-mala'ekata gena-ge ya sisoi'i tala re 'aḏi maḏibo toma soroga, kara sowohi-sowohi 'aḏi makanau matengo re matengo, “Ino, ngene wo si'a toma Betlehem, la wo oḏi'i 'oru ga'a 'i dadi ḏua ma tero sa'olo Ma Jou'ongu Madutu 'o siajele ḏua ra ngene.”

Lukas 3:22

kara Ma Ngagara 'Ofi-'Ofi 'i matuhu sa'olo namo dara, 'i 'uci ra Unanga. Ḏua Unanga 'o 'isene Ma Jou'ongu Madutu 'ai iḏingi ma betongo so'o ne, “Ngana nena-ne 'Ari ngowa'a Ta dadalara, Ngoi 'ari 'akala re sinyingara ma sanangi Ta sipa'ala ra Ngana.”

Yohanes 14:27

Ḏuanga i'a Ngoi 'Ari dame Ta sisoi'i tala ra ngini. Dame gena-ge ga'a Ngoi to pula'a ra ngini 'i ma tero ua reo ngowa-ngowa'a ga'a toma dungia nena-ne 'aḏi pula'a ra ngini. Awa ni mojongo re awa ninga 'akala re sinyingara 'i kangela.

Yohanes 17:4

Baba, Ngoi tini simulia ḏua toma dungia nena-ne, sababu Ngoi ta siḏuanga 'Ani munara ga'a Baba no siwatasa ra Ngoi.

Yohanes 3:16

Ma Jou'ongu Madutu 'o dadalara manusia toma dungia ma tero so'o ne: Unanga ro 'utusu 'Ai Ngowa'a Nau'u pa'i matengo, la 'a guna ḇato 'o ngaku 'Ai Ngowa'a Nau'u gena-ge, 'o iranga ua kasingado-ngadolo i'a, mada'a 'o sanga 'ahu kasingado-ngadolo i'a.

Yesus 'ai so-soma'a 10:36

Ioronongoḏu ngowa'a Yahudi, ngini ni waro ḏua mangale Ma Jou'ongu Madutu 'ai habari 'i singadolo toma bangsa Israel. Habari Roanga gena-ge mangale ma duhu sa'olo ngowa-ngowa'a nyengara sanga dame ra Ma Jou'ongu Madutu tala sababu Yesus Kristus ga'a 'Ai kuasa toma ngowa'a mo-moini: bae ngowa'a Yahudi bae ngowa'a Yahudi ua.

Roma 5:1

Sababu gena-ge, nange-ne ngene wo 'ahu dame ra Ma Jou'ongu Madutu sababu 'oru ga'a nanga Jou Yesus Kristus ra 'a'a di'a ngene. Gena-ge 'i dadi sababu ngene nanga ngo-ngaku ra Yesus Kristus, dadi ngene rewo dadi ngowa'a kamanga sala ua Tai momina.

Efesus 1:6

Sababu gena-ge, ngene wo puji re silamo'o Ma Jou'ongu Madutu sababu Unanga 'ai mura re dadalara lai lamo'o ra ngene. Unanga ro sijumu mode-mode'e 'ai mura re dadalara sababu ngene rewo marimoi ra Yesus. Unanga gena-ge ga'a Ma Jou'ongu Madutu 'U dadalara.

Efesus 1:9

Toma 'ua re 'au wali moju manusia ya waro ua Ma Jou'ongu Madutu 'ai rahasia Tai 'ulungu ma dara. Mada'a nange-ne, sababu Ma Jou'ongu Madutu 'o mau, Unanga 'a sijumu 'Ai maksudu ga'a 'A siḏagi sababu 'a Kristus 'ai se-sengene.

Efesus 2:4

Mada'a sababu Ma Jou'ongu Madutu 'o dadalara ngene lai lamo'o, Unanga 'a sijumu 'Ai 'akala re sinyingara ma la-la lai lamo'o ra ngene.

Efesus 2:7

Ma Jou'ongu Madutu 'o 'a'a so'o gena, la ḏuanga i'a manusia mo-moini ya oḏi'i mangale Ma Jou'ongu Madutu 'ai mura re dadalara lai lamo'o ra ngene. 'Ai mura re dadalara gena-ge 'a sidodai ra ngene sababu ngene wo marimoi ra Kristus Yesus.

Filipi 2:11

Ananga mo-moini ḏuanga i'a 'aḏi mangaku mangale Yesus Kristus, Unanga gena-ge “Ma Jou.” Sababu gena-ge, Ma Jou'ongu Madutu 'o sanga mulia.

Filipi 2:13

Sababu Ma Jou'ongu Madutu masiretene 'o munara tau-taunu ra ngini ninga diri, la ngini mau ni mete'e Unanga 'ai mau, re ḏi'i Unanga 'o riono ngini di'a ni si'a'a so'o gena-ge.

Kolose 1:20

'Ua re 'au wali moju, Ma Jou'ongu Madutu 'o sitantukanga ḏua 'O sirimoi moju 'ori i'a mo-moini: bae toma soroga, bae toma dungia, ra Unanga masiretene. Unanga ro 'a'a so'o gena-ge sababu 'a Kristus 'ai ngaunu ri pa'ala di'a ngene wakutu 'O sengene toma salib.

2 Tesalonika 2:16

Ma Jou'ongu Madutu nanga Ḇaḇa 'o dadalara ngene re mete'e 'Ai mura re dadalara, Unanga na si'a'a ngene nanga 'akala namo-namoto re dadi site'e nanga ngo-nganono. Sababu gena-ge, ngoi to golo'o Ma Jou'ongu Madutu nanga Ḇaḇa re nanga Jou Yesus Kristus masiretene 'o babata ngini re site'e ninga 'akala re sinyingara, la ngini nga'unu ni si'a'a re ni sihabari 'ori i'a la-la.

Tingoýi 5:13

Ḏua ngoi to 'isene makhluk mo-moini ma iḏingi: bae toma diwanga, bae toma dungia, bae toma tana'a ma dara, toma ngoloto — ḇoko'o ḇato: Makhluk mo-moini toma dungia sitabi donga — mo-moini 'i manyanyi so'o ne: “Ma Jou'ongu Madutu ga'a tegoro ra Ma 'Olana 'ai ḏe-ḏegoro, re Doba ma Ngowa. Ananga gena-ge ngene wa'u silamo'o madutu re wa'u puji re silamo'o re wa'u simulia, re pa'i Ananga ḇato remanga kuasa kasingado-ngadolo i'a!”