Lukas 2:13 - Jaji ma Su-sungi

¹³ Kage-kage mala'ekata matengo 'o mamete'e reo mala'ekata lelegu ma repe, ananga 'aḏi puji re silamo'o Ma Jou'ongu Madutu, 'aḏi kanau,

Lukas 2:13 Iomraidhean Croise

Lukas 15:10

Ngoi to siajele ra ngini nena-ne: So'o gena ḏi'i, Ma Jou'ongu Madutu re 'Ai mala'ekata 'aḏi monere na'o ngowa'a baraḏosa matengo ro maḏibo toma ngo'omo boloto.”

Lukas 2:12

Ma didina'o nena-ne mangale ma demo 'i banari: Ngini ḏuanga i'a ni tagi re sanga i'a ngowa kiau matengo 'u sao reo ḇa'a re 'u sigare toma haiwani ma ngo-ngoromo ma ngi'i.”

Lukas 2:14

“Puji re silamo'o Ma Jou'ongu Madutu toma soroga, re dame toma dungia toma manusia ga'a Ma Jou'ongu Madutu ya'u sanangi.”

Efesus 3:10

Toma 'orasa nange-ne, Ma Jou'ongu Madutu 'ai maksudu gena-ge di'a 'A sijumu ma duhu lai repe mangale 'ai 'akala ma soro'unu toma roh-roh ma jira, ga'a 'i kuasa toma ngawa-ngawa. Dadi enanga gena-ge nyengara 'i oḏi'i 'oru ga'a Ma Jou'ongu Madutu ra si'a'a tai jama'ata.

1 Timotius 3:16

Matengo i'a mai ua 'aḏi soloto mangale nanga 'agama ma do-doto'o 'i banari re 'i ti-tiai. 'Au wali, ma do-doto'o gena-ge mangale Kristus Yesus 'i sirahasia, sababu Ma Jou'ongu Madutu 'o masijumu nyangu. Mada'a nange-ne Unanga 'o masijumu ḏua ra ngene, dadi ngene wo ngaku nena-ne: Ma Jou'ongu Madutu 'ai Ngowa'a Nau'u matengo 'O matuhu sa'olo manusia, Ma Ngagara 'Ofi-'Ofi 'i siajele Unanga gena-ge Ma Jou'ongu Madutu 'ai Ngowa'a Nau'u, Unanga 'o masijumu toma mala'ekata, 'Ai lomanga sihabari toma bangsa mo-moini, Ngowa'a toma bangsa mo-moini toma dungia 'aḏi ngaku Unanga sibere re sijingi'i toma soroga.

'Ibrani 1:14

Na'o so'o gena-ge, mala'ekata-mala'ekata gena-ge 'o 'oru?! Ananga gena-ge roh-roh ga'a 'i de-de'oso Ma Jou'ongu Madutu re 'i riono ngowa-ngowa'a ga'a ḏuanga i'a 'aḏi dawongo salamata.

1 Petrus 1:12

Ma Jou'ongu Madutu ro sijumu toma nabi-nabi mangale salamata ra Kristus gena-ge di'a ananga toma 'orasa gena-ge ua, mada'a di'a ngini 'orasa nange-ne. Sababu gena-ge Ma Jou'ongu Madutu 'o siḏingoto Ma Ngagara 'Ofi-'Ofi da'u soroga tala di'a sinyanyasele ngowa-ngowa'a ga'a singadolo Habari Roanga ra ngini mangale salamata ra Kristus, la ngini ni sanga salamata. Mala'ekata-mala'ekata mai ya nyafusu ḏi'i mau ya sahe mangale salamata ra Kristus gena-ge.

Tingoýi 5:11

Gena ḏua, ngoi to oḏi'i re to 'isene mala'ekata manga repe masala manga iḏingi ga'a ngoi to waro ma repe ua, ananga 'aḏi sigoloḏi Ma 'Olana 'ai ḏe-ḏegoro, makhluk rata re bi-biri'i—bi-biri'i.