Lukas 19:44 - Jaji ma Su-sungi

⁴⁴ Ananga ḏuanga i'a 'aḏi siwejere limau Yerusalem re 'aḏi sisengene limau ma manusia mo-moini, re ya sieanga i'a ua maḏi rimoi i'a ya sifato toma enanga ma ngi'i. Enanga nena-ne 'i dadi, sababu ngini ni dawongo ua Ma Jou wakutu Unanga 'o sapolo di'a sisalamata ngini!”

Lukas 19:44 Iomraidhean Croise

Matias 24:2

Yesus 'o kanau ra ananga, “Ngini ni oḏi'i wala nena-ne mo-moini 'oru? Ni ngaku mode-mode'e 'Ari demo-demo nena-ne: Ḏuanga i'a 'aḏi rimoi i'a moi ua, 'age 'i ma'u fato re maḏi ma lelegu; mo-moini 'i perego.”

Markus 13:2

Yesus 'a sangoro, “Ngana no oḏi'i wala-wala lai rousu gena-ge 'i lamo'o masala. Ḏuanga i'a, maḏi rimoi i'a moi ua, 'age 'i ma'u fato re maḏi ma lelegu, mo-moini 'i perego.”

Lukas 1:68

“Ino ngene wo puji re silamo'o Ma Jou'ongu Madutu, ngowa'a Israel manga Jou. Sababu Unanga ro sapolo 'o riono 'ai ngowa-ngowa'a re 'o sibebasa ananga toma 'Iblisi ma pareta.

Lukas 1:78

sababu nanga Jou'ongu Madutu, Unanga 'ai 'akala re sinyingara ma la-la masala di'a ngene. Sababu gena-ge, Unanga 'ai Ngowa'a Nau'u ḏuanga i'a 'o sapolo da'u toma soroga tala di'a 'O sisalamata ngene, ma tero sa'olo wangere ma la'o 'i pilata,

Lukas 19:42

re 'o kanau, “Koḏu'u ngowa-ngowa'a toma limau Yerusalem. Na'o ngini na waro wangere nange-ne 'a guna 'o sapolo ra ngini di'a 'o gasa dame! Mada'a nange-ne ngini na sahe ua mangale dame gena-ge.

Lukas 21:6

“Maha toma 'orasa rimoi, mo-moini ga'a ngini na oḏi'i nena-ne ḏuanga i'a 'i ruba singadolo maḏi rimoi i'a moi ua, 'age 'i ma'u fato re maḏi ma lelegu.”

1 Petrus 2:12

Ngini ninga de'oso re ḏegoro balasu rousu re banari toma ngowa-ngowa'a ga'a 'aḏi nana'o Ma Jou nyangu. Kalaha ananga gena-ge 'aḏi kalaki ngini sa'olo ngowa'a ga'a madaga'a jira, ananga ya oḏi'i masiretene ngini ninga ga'a ma la-la. Dadi ḏuanga i'a enanga ma wangere 'i ngadolo Ma Jou dadunu 'o sapolo moju, ananga gena-ge 'aḏi puji re silamo'o Ma Jou'ongu Madutu.