Lukas 19:29 - Jaji ma Su-sungi

²⁹ Wakutu co-cori toma limau Betfage re limau Betania, toma Polono Zaitun, Unanga 'o soma'a 'Ai me-mete'e nga muḏiḏi 'aḏi tagi siḏa.

Lukas 19:29 Iomraidhean Croise

Matias 21:17

Gena ḏua, Yesus 'o supu sisoi'i tala ananga toma limau Yerusalem re 'O tagi toma gamu Betania re 'O otu toma gamu gena-ge.

Lukas 19:30

Yesus 'o kanau ra ananga gena-ge, “Ngini ni tagi siḏa toma gamu da'a taninga biono. Wakutu ni osama toma gamu gena-ge, i'a da'a ngini ni oḏi'i keledai ma ngowa rimoi ngowa'a ya sipiri'u i'a. Keledai gena-ge, soi moi i'a mai nyangu ngowa'a ya palene, na pasala ma gumi re na gasa ino 'ane.

Lukas 19:37

Wakutu Yesus sa'i 'uci-'uci ngo'omo toma Polono Zaitun, co-cori toma limau Yerusalem, 'Ai me-mete'e mo-moini 'aḏi poa'a remanga roanga re 'aḏi puji re silamo'o Ma Jou'ongu Madutu re 'aḏi pula'a manga murasa ma la ra Ma Jou'ongu Madutu, sababu ga'a hera-heranga mo-moini ga'a ananga masiretene ya oḏi'i ḏua.

Lukas 21:37

Wange moi-wange moi, Yesus 'o doto'o ra Ma Jou'ongu Madutu 'ai Wala, re lobi'i Unanga 'o tagi re 'o otu toma Polono Zaitun.

Lukas 22:39

Yesus 'a sisoi'i tala limau Yerusalem re 'o tagi ma tero sa'olo biasa toma Polono Zaitun, 'Ai me-mete'e mai 'aḏi tagi ḏi'i 'aḏi mete'e Unanga.

Lukas 24:50

Togumu i'a, Yesus 'o gasa ananga tagi toma limau ma ḏuḏunu ngadolo toma gamu Betania. Toma ngi'i gena-ge Unanga 'a tede 'Ai giama re 'O sibarakati ananga.

Yesus 'ai so-soma'a 1:12

Gena ḏua, Yesus 'ai so-soma'a 'aḏi 'uci da'u Polono Zaitun tala, 'aḏi maḏibo toma limau Yerusalem. Sau gena-ge ma giḏanga ḏa kilo moi si'a limau Yerusalem.