Lukas 19:17 - Jaji ma Su-sungi

¹⁷ 'Ai tuanga 'o kanau, ‘Rousu masala, ngana budaka ma la-la. Sababu ngana reno dadi ngowa'a cufala rema 'ori i'a i'a pa'i ceka'a ua, ngoi to pula'a watasa ra ngana no parenta limau nyagi moi.’

Lukas 19:17 Iomraidhean Croise

Matias 25:21

'Ai tuanga 'o kanau, ‘Rousu, ngana budaka ma la-la re no setia! Ngana reno dadi ngowa'a cufala rema 'ori i'a i'a pa'i ceka'a ua. Dadi Ngoi ḏuanga i'a tini siparatada 'ori i'a i'a lebe lamo'o ma repe moju. Ino osama re no tegoro marimoi ra ngoi, re no basono 'ari sa-sanangi!’

Lukas 16:10

Ngowa'a ga'a 'aḏi jaga 'ori i'a ma je-jeka'a ngowa'a ya'u ngaku, ḏuanga i'a ngowa'a ya'u ngaku ḏi'i ya sijaga 'ori i'a ma la-lamo'o. Mada'a na'o ngowa'a ga'a 'aḏi jaga 'ori i'a ma je-jeka'a ngowa'a ya'u ngaku ua, ḏuanga i'a ngowa'a 'aḏi ngaku ua ḏi'i ya sijaga 'ori i'a ma la-lamo'o.

Lukas 19:16

Budaka ma nyo-nyoimi rimoi, unanga 'o kanau, ‘Tuanga, pipisi guraci ga'a no pula'a, ngoi ta sikololo ta sanga ma 'utungu guḏi moi.’

Lukas 19:18

Budaka ma nyo-nyoimi romoḏiḏi 'o sapolo re 'o kanau, ‘Tuanga, pipisi guraci ga'a no pula'a ra ngoi, ta sikololo ta sanga ma 'utungu ngai romotoa.’

Lukas 22:30

Dadi ngini ḏuanga i'a na basono roanga re monere re ni ka'e re ni oromo mamete'e ra Ngoi tari pareta ma dara. Ngini matengo re matengo ḏuanga i'a ni tegoro toma ḏe-ḏegoro nyagi moi re romoḏiḏi di'a ni parenta ngowa'a Israel suku nyagi moi re romoḏiḏi.”

Roma 2:29

Siḏibo ḏi'i, pa'i ngowa'a matengo 'o dadi ngowa'a Yahudi mode-mode'e ḇato ra Ma Jou'ongu Madutu 'ai momina sababu 'ori i'a ga'a ngowa'a 'aḏi oḏi'i yoḏu'u: 'Ai 'akala re sinyingara 'i su-sungi re sanga suna sababu Ma Ngagara 'Ofi-'Ofi ma kuasa. Gena-ge 'i dadi ua sababu ngowa'a matengo 'o mete'e hukumu-hukumu ga'a ri silefo. Re kalaha manusia 'aḏi puji re silamo'o unanga ua ga'a sanga suna so'o gena, Ma Jou'ongu Madutu 'u puji re silamo'o!

1 Korintus 4:5

Sababu gena-ge ma wakutu ngadolo nyangu, awa ngini cautu i'a ni sijuruhakimi matengo i'a unanga rai sala bolo ua, mada'a totoma ḇato singadolo Ma Jou dadunu 'O sapolo moju. Unanga gena-ge ḏuanga i'a 'a welanga rahasia mo-moini ga'a nange-ne 'i go-gogono toma hafu-hafu ma dara moju. Unanga ḏi'i 'a sisupu manusia manga 'ulungu tamanga 'akala ma dara. Toma 'orasa gena-ge ḏi'i, Ma Jou'ongu Madutu ḏuanga i'a 'o sitoro ngowa'a mo-moini 'i mete'e manga munara ra Unanga.

2 Timotius 2:10

Sababu gena-ge, ngoi ta doiti sangisara mo-moini gena-ge di'a ngowa-ngowa'a ga'a Ma Jou'ongu Madutu 'o cumutu ḏua, la ananga ḏi'i 'aḏi sanga salamata re 'aḏi sanga mulia kasingado-ngadolo i'a toma soroga sababu 'aḏi marimoi ra Kristus Yesus.

1 Petrus 1:7

Ngini ni sanga dola'aku re bo-baja so'o gena, di'a disa waro ninga ngo-ngaku 'i mode-mode'e, bolo ua. Ngini ninga ngo-ngaku ma ijana lebe hali reo guraci, sababu toma wakutu rimoi 'o guraci enanga ḏuanga i'a 'i wejere. Na'o ngini ni disa waro guraci 'i mode-mode'e bolo ua, balasu ni pake u'u. So'o gena ḏi'i, na'o ngini ni disa waro ngini ninga ngo-ngaku 'i mode-mode'e bolo ua, balasu ni sanga dola'aku re bo-baja. Na'o ninga ngo-ngaku 'i mode-mode'e, Ma Jou'ongu Madutu ḏuanga i'a 'o sitoro, simulia re silamo'o ngini wakutu Yesus Kristus dadunu 'o sapolo moju re 'O masijumu toma ngowa'a mo-moini.

1 Petrus 5:4

Wakutu ḏuanga i'a Sowohi ma Sae'e Unanga 'o sapolo, Unanga 'o pula'a lastari ra ngini. Lastari gena-ge 'i jama-jamanga kama iranga ua, nange-ne re si'a.