Lukas 19:13 - Jaji ma Su-sungi

¹³ Unanga 'o tagi nyangu, 'o 'aro'o 'ai budaka nga nyagi moi re 'o pula'a matengo re matengo pipisi guraci ngai moi. Unanga 'o kanau, ‘Ngoi to cua 'ane, ngini matengo re matengo na sikololo pipisi nena-ne.’

Lukas 19:13 Iomraidhean Croise

Matias 25:16

Budaka ga'a 'o sanga pipisi guraci ma ngai cala romotoa, jau-jau unanga 'o tagi re 'a sikololo singadolo unanga 'o sanga ma 'utungu pipisi guraci ma ngai cala romotoa ḏi'i.

Matias 25:20

Budaka ga'a ro dawongo pipisi guraci ma ngai cala romotoa 'o sapolo re 'o pula'a pipisi ma ngai cala nyagi moi tai tuanga. Unanga 'o kanau, ‘Tuanga no siparatada pipisi guraci ma ngai cala romotoa ra ngoi, oḏi'i ngoi ta sikololo re ta sanga ma 'utungu pipisi guraci ma ngai cala romotoa ḏi'i.’

Matias 25:22

Ḏua budaka ga'a ro dawongo pipisi guraci ma ngai cala ḏiḏi 'o sapolo re 'o kanau, ‘Tuanga, no siparatada pipisi guraci ma ngai cala ḏiḏi ra ngoi, oḏi'i ngoi ta sikololo re ta sanga ma 'utungu pipisi guraci ma ngai cala ḏiḏi ḏi'i.’

Matias 25:24

Ḏua, budaka ga'a ro dawongo pipisi guraci ma ngai cala moi 'o sapolo, re 'o kanau, ‘Tuanga, ngoi to waro 'ani 'akala re sinyingara lai te'e. Ngana ma tero sa'olo ngowa'a 'aḏi maso'ana ua, mada'a no 'oro enanga ma hasili, re no lomu sowo'o toma guḏa ga'a tuanga na siare gisisi ua.

Lukas 19:12

Sababu gena-ge, Yesus 'o kanau, “ 'Age rema ngowa'a matengo unanga gena-ge 'o 'olana 'ai ngowa'a re danongo. Unanga 'ai 'ulungu 'o tagi toma daeraha toma giḏanga di'a ananga 'u sitede dadi 'olana. Pasala i'a unanga 'o maḏibo.

Lukas 19:14

Mada'a daeraha gena-ge ma manusia 'aḏi emono 'olana 'ai ngowa re danongo gena-ge. Palisi'i i'a, unanga ro tagi re 'a sisoi'i tala daeraha gena-ge, la 'o dadi 'olana. Ananga gena-ge 'aḏi 'utusu so-soma'a tagi di'a 'aḏi kanau, ‘Ngomi mi oḏu'u unanga gena-ge 'o dadi minga 'olana.’

Yohanes 12:26

'A guna ḇato mau dadi 'Ari falalomu, ngowa'a gena-ge balasu 'o mete'e Ngoi, la 'Ari falalomu gena-ge 'o mamete'e ra Ngoi toma ngi'i le'a ḇato Ngoi to tagi. Re 'Ari Ḇaḇa 'o silamo'o falalomu gena-ge.”

Galatia 1:10

Wakutu ngoi to kanau so'o gena, ngoi to disa lomanga ua, la ngowa'a ri sitoro. Re ḏi'i ngoi 'ari maksudu ua di'a ngoi to sisanangi manusia manga 'akala re sinyingara! Siḏibo ḏi'i, ngoi to mau Ma Jou'ongu Madutu 'o sitoro ngoi. Na'o ngoi to mau sisanangi manusia manga 'akala re sinyingara moju, ngoi to munara yoḏu'u di'a Kristus ma tero sa'olo 'Ai budaka.

Yakobus 1:1

'Ari ioronongoḏu ngo-ngaku rimoi, suku Israel nga nyagi moi re nga muḏiḏi ga'a 'aḏi matai are toma dungia sitabi donga; Yakobus ga'a ta Ma Jou'ongu Madutu ma tero sa'olo 'Ai budaka re so'o gena ḏi'i ga'a ta Ma Jou Yesus Kristus ma tero sa'olo 'Ai budaka, ngoi to siḏingoto 'ari tabea ra ngini.

2 Petrus 1:1

Ngoi, Simon Petrus, Yesus Kristus 'ai so-soma'a re ngoi ta Unanga ma tero sa'olo 'Ai budaka. Ngoi to lefo surata nena-ne ra ngini ga'a ninga ngo-ngaku ra Yesus Kristus ma tero sa'olo ngomi minga ngo-ngaku. Yesus Kristus, Unanga Ma Jou'ongu Madutu re ḏi'i nanga Salamata ma Cimi. Unanga gena-ge 'O si'a'a ngene mo-moini wo ngaku Unanga re gena-ge 'i dadi sababu Unanga 'o 'adili.