Lukas 18:37 - Jaji ma Su-sungi

³⁷ Ananga 'aḏi sangoro, “Yesus ngowa'a Nazaret 'o tola'a ino.”

Lukas 18:37 Iomraidhean Croise

Matias 2:23

I'a da'a, Yusuf 'o tegoro toma limau ga'a ma lomanga Nazaret. Dadi 'oru ga'a nabi-nabi ya siajele pasala ḏua mangale ngowa 'olo gena-ge 'i sitotomo: “Unanga, ngowa'a 'U si'aro'o Ngowa'a Nazaret.”

Lukas 18:36

Wakutu unanga 'o 'isene ngowa'a repe manga nyiwere, unanga 'o sano, “Rema 'oru?”

Lukas 18:38

Dadi ngowa'a hafu gena-ge 'o 'aro'o siduga-duga, “Yesus, 'Olana Daud 'ai ju'uda! No sijumu 'Ani 'akala re sinyingara ma la-la ra ngoi!”

Lukas 2:51

Togumu i'a, Yesus 'o tagi mamete'e ra ananga 'aḏi maḏibo toma limau Nazaret, re 'o mete'e manga mau. 'Ori i'a mo-moini ga'a 'i dadi gena-ge, ngo Maria ma gogono tami 'akala re sinyingara ma dara.

Yohanes 1:45

Filipus 'o tagi 'o ma'u sanga ra Natanael re 'o kanau, “Ngomi remi ma'u sanga 'O Kristus ga'a silefo ḏua ra Musa 'ai hukumu, re nabi-nabi manga boku: Unanga gena-ge 'a Yesus toma limau Nazaret, 'a Yusuf 'ai ngowa'a nau'u!”

Yohanes 19:19

Tai sae'e ma re'u toma salib co-cori ma tubu, sordado 'aḏi sipaku i'a papanga 'i silefo Mahkamah 'Agama ga'a Pilatus 'o soma'a silefo ma betongo so'o ne: “Yesus ngowa'a Nazaret, ngowa'a Yahudi manga 'Olana.”

Yesus 'ai so-soma'a 2:22

Petrus dadunu 'o kanau moju, “Ioronongoḏu ngowa'a Israel! 'Oru ga'a ngoi ta siajele, balasu na 'isene. Ma Jou'ongu Madutu 'o sitantukanga Yesus, ngowa'a Nazaret, so'o ne: Unanga 'o pula'a kuasa ra Yesus, la 'o 'a'a ga'a hera-heranga, didina'o heranga re 'ori i'a hera-heranga, la ngini na waro ḏua Unanga gena-ge ra Ma Jou'ongu Madutu tala. Ngini mo-moini gena-ge ni waro masiretene 'i dadi mode-mode'e.

Yesus 'ai so-soma'a 4:10

Na'o so'o gena, Tuanga-Tuanga mo-moini re ngowa'a Israel mo-moini balasu na waro mangale ngowa'a nena-ne 'o te'oso masiretene sababu unanga ro la. Gena-ge 'i dadi sababu Yesus Kristus, ngowa'a Nazaret, 'Ai de-de'e re 'Ai kuasa. Tuanga-Tuanga ni sisalib ḏua Unanga gena-ge mada'a Ma Jou'ongu Madutu dadunu 'u si'ahu moju.

2 Korintus 6:2

Toma Boku 'Ofi-'Ofi ma dara Ma Jou'ongu Madutu 'o kanau so'o ne: “Toma 'orasa Ngoi to cumutu ngini, Ngoi to sijumu 'ari mura re dadalara re To dawongo ngini ninga nyiata, re salamata ma wangere, Ngoi tini riono ngini.” Ngoi, Paulus to siajele ra ngini: Totoho la-la ino! Nange-ne, enanga ma 'orasa Ma Jou'ongu Madutu ro cumutu di'a sijumu 'Ai mura re dadalara. Nange-ne, enanga ma 'orasa Unanga mau 'o sisalamata ngini.