Lukas 18:32 - Jaji ma Su-sungi

³² Ngoi ḏuanga i'a sipula'a toma ngowa-ngowa'a Yahudi ua, ananga Ri nye-nyelo'o, Ri sije-jengere, re Ri obi'i 'Ari biono.

Lukas 18:32 Iomraidhean Croise

Matias 16:21

Mulaingi toma 'orasa gena-ge, Yesus 'o kanau sitarangi Tai me-mete'e, Unanga balasu 'o tagi toma limau Yerusalem, re 'O sanga sangisara ma repe toma Yahudi manga bi-biri'i, 'imam-'imam ma sae'e, re guru-guru 'agama. Ngowa'a ḏuanga i'a 'aḏi sisengene Unanga, mada'a toma wangere ma soi ro'ange Unanga dadunu 'o 'ahu moju.

Matias 20:19

Gena ḏua, Ngoi sipula'a ḏi'i toma ngowa-ngowa'a Yahudi ua. Ngoi, ananga Ri sije-jengere re Ri sipo, kara Ri sisalib. Mada'a toma wangere ma soi ro'ange, Ngoi dadunu to 'ahu moju.”

Matias 22:6

Re ngowa'a ma lelegu 'aḏi cako'o ma 'olana 'ai budaka, ya'u ca'olo singadolo ya'u sisengene.

Matias 26:67

Ḏua, ananga ya obi'i 'Ai biono re 'U tutu'u. Re 'age ḏi'i rema ngowa'a ma lelegu 'U sata,

Matias 27:2

Ananga 'aḏi piri'u Unanga 'ai giama, kara 'U sigasa re 'U sipula'a ra Pilatus, gubernur daeraha Yudea.

Markus 14:65

Ḏua, ananga nga muḏuo i'a ya obi'i Yesus re ya damunu 'ai la'o re 'U sata. Ḏua ananga 'aḏi kanau, “Na'o Nabi, i'a na siajele 'a guna ni sata Ngana?” Ngowa-ngowa'a jaga ḏi'i simete'e 'U sata.

Markus 15:1

Da-daini i'a moju, Mahkamah 'Agama mo-moini jau-jau 'aḏi masigaro'o re mafakati. Ananga 'aḏi soma'a piri'u Yesus re 'U gasa i'a ra gubernur Pilatus.

Lukas 18:33

Ananga 'aḏi sipo re 'aḏi sisengene Ngoi. Mada'a toma wangere ma soi ro'ange, Ngoi dadunu to 'ahu moju.”

Lukas 23:1

Ngowa'a mo-moini toma Mahkamah 'Agama gena-ge ananga 'aḏi made'oso, kara 'aḏi gasa 'a Yesus sitalaḏi ra gubernur Pilatus.

Lukas 23:11

Herodes re 'ai sordado 'aḏi je-jengere re siḇi-ḇisa re 'aḏi sipake pakeanga kabasarana ra Yesus, kara 'U siḏingoto Unanga dadunu 'o siḏibo ra Pilatus moju.

Lukas 23:35

Ngowa'a kawasa 'aḏi matai sapolo toma ngi'i gena-ge di'a uningi 'a Yesus. Yahudi manga bi-biri'i 'aḏi je-jengere Unanga, re 'aḏi kanau, “Na'o Unanga mode-mode'e 'O Kristus ga'a Ma Jou'ongu Madutu 'o cumutu ḏua, tai'i i'a nange-ne Unanga masiretene 'a sisalamata 'Ai diri ma tero sa'olo 'O sisalamata ngowa'a ma lelegu.”

Yohanes 18:22

Wakutu Yesus 'o kanau so'o gena, 'imam 'agung 'ai ngowa'a ja-jaga matengo 'U sata Yesus re 'o kanau, “No nau'u masala No kanau so'o gena-ge toma 'imam 'agung!”

Yohanes 18:28

Da-daini i'a moju ananga raḏi 'oro 'a Yesus ra Kayafas 'ai wala, kara 'U gasa Unanga ra gubernur Roma 'ai kadato. Ngowa-ngowa'a Yahudi manga bi-biri'i masiretene 'aḏi osama ua toma kadato ma dara, la awa manga diri 'i faja mete'e 'agama ma 'atoranga, sababu ananga mau 'aḏi mete'e oromo toma Paskah ma Wangere ma laya.

Yohanes 18:30

Ananga ya sangoro, “Na'o Unanga kai sala ua, ngomi mi gasa ua ra Tuanga!”

Yohanes 18:32

(Enanga 'i dadi so'o gena-ge, la sitotomo 'oru ga'a Yesus ro kanau ḏua, mangale Unanga 'ai se-sengene ma ngo'omo.)

Yohanes 18:35

Pilatus 'o sangoro, “Ngoi ngowa'a Yahudi ua! Ngowa'a Yahudi 'Ani bangsa masiretene, ananga re 'imam-'imam ma sae'e ḏi'i, ananga gena-ge 'aḏi gasa Ngana ra ngoi. 'Oru ga'a Ngana reno 'a'a?”

Yesus 'ai so-soma'a 2:23

Kalaha Ma Jou'ongu Madutu 'a waro ḏua 'oru ḏuanga i'a 'i dadi, Unanga 'o sipula'a Yesus ra ngini: Enanga gena-ge 'i mete'e Ma Jou'ongu Madutu 'ai 'akala ma mau. Wakutu gena-ge, ngini nu sisengene Unanga sababu ngini nu sipula'a Unanga toma ngowa-ngowa'a ga'a 'aḏi mete'e ua Ma Jou'ongu Madutu 'ai hukumu, kara ananga 'U salib Unanga.

Yesus 'ai so-soma'a 3:13

Na 'isene! Abraham, Ishak re 'a Yakub re ngene nanga ete re dotumu 'aḏi silamo'o re siḏubuso Ma Jou'ongu Madutu. Unanga gena-ge 'o silamo'o Yesus, Unanga 'Ai falalomu. Mada'a 'a Yesus ne, ngini nu sipula'a ra Pilatus. Re kalaha 'a Pilatus mau 'U sibebasa Unanga, ngini ni golo'o Pilatus 'o soma'a 'ai sordado-sordado 'aḏi sisalib Unanga!