Lukas 18:17 - Jaji ma Su-sungi

¹⁷ Ni ngaku mode-mode'e 'Ari demo-demo nena-ne: 'A guna ḇato 'o sapolo ra Ma Jou'ongu Madutu ma tero ua sa'olo ngowa kiau nena-ne, unanga 'o osama nyo-nyoimi yoḏu'u ra Ma Jou'ongu Madutu 'ai Pareta.”

Lukas 18:17 Iomraidhean Croise

Matias 18:3

Ḏua Unanga 'o kanau, “Ni ngaku mode-mode'e 'Ari demo-demo nena-ne: Na'o ngini ni dadi ua ma tero sa'olo ngowa 'olo nena-ne, ngini ni osama nyo-nyoimi yoḏu'u toma Soroga ma Pareta.

Matias 19:14

Ḏua Yesus 'o kanau Tai me-mete'e, “Sieanga i'a ḇato ngowa 'olo nena-ne 'aḏi sapolo ra Ngoi. Awa ni dola'aku ananga, sababu ngowa'a ga'a 'aḏi dadi ma tero sa'olo ngowa 'olo-ngowa 'olo nena-ne pa'i ananga gena-ge nyengara 'aḏi osama nyo-nyoimi toma Soroga ma Pareta.”

Markus 10:15

Ni ngaku mode-mode'e 'Ari demo-demo nena-ne: 'A guna ḇato 'o sapolo ra Ma Jou'ongu Madutu ma tero ua sa'olo ngowa 'olo nena-ne, unanga 'o osama nyo-nyoimi yoḏu'u ra Ma Jou'ongu Madutu 'ai Pareta.”

Lukas 18:16

Mada'a Yesus ya'u 'aro'o ngowa-ngowa'a ga'a 'aḏi gasa manga ngowa kiau gena-ge ino ra Unanga re 'o kanau Tai me-mete'e, “Sieanga i'a ḇato, ngowa-ngowa kiau nena-ne 'aḏi sigasa ino ra Ngoi. Awa ni dola'aku ananga, sababu ngowa'a ga'a 'aḏi dadi ma tero sa'olo ngowa-ngowa kiau nena-ne pa'i ananga gena-ge nyengara 'aḏi osama nyo-nyoimi ra Ma Jou'ongu Madutu 'ai Pareta.

1 Korintus 14:20

Ioronongoḏu ngo-ngaku rimoi, mangale kajahatana, ngini balasu ni ma tero sa'olo ngowa 'olo. Siḏibo ḏi'i mangale Ma Ngagara 'Ofi-'Ofi ma demo, awa ngini mafikiri ma tero sa'olo ngowa 'olo mada'a ngini balasu ni mafikiri ma tero sa'olo bi-biri'i.

1 Petrus 1:14

Sa'olo Ma Jou'ongu Madutu 'ai ngowa-ngowa'a, ngini ninga 'ahu balasu mete'e Unanga 'ai mau. Wakutu ngini nana'o nyangu Ma Jou'ongu Madutu, ninga nyafusu ma jira lai repe, mada'a nange-ne ngini ni sieanga ḏua. Awa nyafusu-nyafusu ma jira gena-ge 'i parenta ninga 'ahu moju.

1 Petrus 2:2

Mada'a ngini balasu ma tero sa'olo ngowa kiau aro sibuoro tala ga'a nyanyaḏi ḇowisi susu tau-taunu ra ma ngina. So'o gena ḏi'i, ngini balasu nyafusu masala di'a 'isene tau-taunu Ma Jou'ongu Madutu 'ai demo ga'a banari. Na'o ngini ni 'a'a so'o gena, ngini ninga ngo-ngaku ganapu te'e, singadolo enanga gena-ge 'i dadi ti-tiai.