Lukas 18:14 - Jaji ma Su-sungi

¹⁴ Yesus 'o kanau, “Ngoi to siajele ra ngini nena-ne: Wakutu ananga 'aḏi sisoi'i tala Ma Jou'ongu Madutu 'ai Wala, pa'i ngowa'a golo-golo'o balastengi ḇato Ma Jou'ongu Madutu 'o dawongo sa'olo ngowa'a loasa re banari. Sababu 'a guna ḇato 'o sihie 'ai diri, unanga Ma Jou'ongu Madutu ḏuanga i'a 'u siholo. Re 'a guna ḇato 'o maholo 'ai diri, unanga Ma Jou'ongu Madutu ḏuanga i'a 'u sihie.”

Lukas 18:14 Iomraidhean Croise

Matias 23:12

'A guna ḇato 'o sihie 'ai diri, unanga gena-ge ḏuanga i'a Ma Jou'ongu Madutu 'u siholo. Mada'a 'a guna ḇato 'o maholo 'ai diri, unanga gena-ge Ma Jou'ongu Madutu ḏuanga i'a 'u sihie.”

Matias 5:3

“Bara'utungu ngowa'a ga'a 'aḏi basono tala ananga ngowa'a ya'u sipake-pake ua ra Ma Jou'ongu Madutu 'ai momina, mada'a ananga manga ngo-nganono pa'i ra Ma Jou'ongu Madutu ḇato; sababu ananga gena-ge 'aḏi osama nyo-nyoimi toma Soroga ma Pareta.

Lukas 1:52

Unanga 'o siguci 'olana-'olana tamanga ḏe-ḏegoro mada'a ngowa-ngowa'a ga'a 'aḏi maholo Unanga ya'u sikau'u.

Lukas 10:29

Mada'a guru 'agama gena-ge 'o oḏu'u awa-awa ngowa'a 'aḏi aje unanga 'o haga, dadi unanga 'o sano ra Yesus, “Ngoi 'ari ioronongoḏu gena-ge 'a guna ga'a ngoi balasu to dadalara ma tero sa'olo to dadalara 'ari diri masiretene?”

Lukas 14:11

Sababu 'a guna ḇato 'o sihie 'ai diri, unanga gena-ge ḏuanga i'a Ma Jou'ongu Madutu 'u siholo. Mada'a 'a guna ḇato 'o maholo 'ai diri, unanga gena-ge ḏuanga i'a Ma Jou'ongu Madutu 'u sihie.”

Lukas 16:15

Mada'a Yesus 'o kanau ra ananga, “Ngini nena-ne ni matuhu ngowa'a loasa re banari toma mandan. Mada'a Ma Jou'ongu Madutu 'a waro ninga 'akala re sinyingara. Sababu 'ori i'a ga'a manusia 'aḏi nyafusu, Ma Jou'ongu Madutu 'a emono.

Roma 3:20

Sababu gena-ge, matengo i'a mai ua nga'unu 'o dadi loasa re banari ra Ma Jou'ongu Madutu 'ai momina sababu unanga ra mete'e Musa 'ai hukumu. Siḏibo ḏi'i, Musa 'ai hukumu pa'i sijumu ḇato ra ngene mangale ngene ngowa'a baraḏosa.

Roma 4:5

Mada'a ngene wo sanga salamata so'o gena-ge ua. Siḏibo ḏi'i, na'o ngowa'a matengo i'a 'o masinganono tai ga'a ua di'a sanga salamata mada'a 'o ngaku Ma Jou'ongu Madutu ga'a pa'i nyengara 'O kanau ḇato ngowa'a baraḏosa dadi ngowa'a loasa re banari, ḏua Ma Jou'ongu Madutu 'o dawongo ngowa'a matengo i'a gena-ge sa'olo ngowa'a loasa re banari sababu pa'i 'ai ngo-ngaku ḇato.

Roma 5:1

Sababu gena-ge, nange-ne ngene wo 'ahu dame ra Ma Jou'ongu Madutu sababu 'oru ga'a nanga Jou Yesus Kristus ra 'a'a di'a ngene. Gena-ge 'i dadi sababu ngene nanga ngo-ngaku ra Yesus Kristus, dadi ngene rewo dadi ngowa'a kamanga sala ua Tai momina.

Roma 8:33

'A guna nga'unu 'o da'awa ngene ga'a Ma Jou'ongu Madutu ro cumutu?! Tantu ḏua, matengo i'a mai ua! Sababu Unanga 'o sidadi ngene ngowa'a kamanga sala ua Tai momina!

Galatia 2:16

Kalaha so'o gena, ngomi remi waro mangale na'o ngowa'a 'aḏi mete'e Musa 'ai hukumu ḇato, sanga ua 'aḏi dadi ngowa'a kamanga sala ua ra Ma Jou'ongu Madutu 'ai momina. Siḏibo ḏi'i ngowa'a 'aḏi dadi ngowa'a kamanga sala ua ra Ma Jou'ongu Madutu 'ai momina sababu pa'i 'aḏi ngaku Yesus Kristus ḇato. Ngomi masiretene remi ngaku Yesus Kristus, la ngomi mi dadi ngowa'a kamanga sala ua ra Ma Jou'ongu Madutu 'ai momina. Ngomi mi mete'e ua Musa 'ai hukumu, sababu matengo i'a mai ua nyengara 'o dadi ngowa'a kamanga sala ua ra Ma Jou'ongu Madutu 'ai momina, na'o 'aḏi mete'e Musa 'ai hukumu.

Yakobus 4:10

Ngini balasu ni masiholo tala ninga diri ra Ma Jou'ongu Madutu 'ai biono, kara Ma Jou'ongu Madutu ḏuanga i'a 'o sihie ninga diri.

Yakobus 4:6

Kalaha so'o gena, Ma Jou'ongu Madutu 'ai mura re dadalara lebe te'e reo ngene nanga nyawa ma nyafusu. Sababu gena-ge toma Boku 'Ofi-'Ofi ma dara 'i silefo, “Ma Jou'ongu Madutu 'o dola'aku ngowa'a momole, mada'a ngowa'a ga'a siholo manga 'akala re sinyingara, Ma Jou'ongu Madutu 'o pula'a 'ai mura re dadalara.”