Lukas 18:13 - Jaji ma Su-sungi

¹³ Mada'a ngowa'a golo-golo'o balastengi gena-ge 'o te'oso toma giḏanga re 'ai biono talaḏi ie diwanga ua, 'a sata-sata katere re 'o kanau, ‘Ya Ma Jou'ongu Madutu no sijumu 'Ani 'akala re sinyingara ma la-la ra ngoi, ngowa'a baraḏosa!’ ”

Lukas 18:13 Iomraidhean Croise

Matias 10:3

Ḏua 'a Filipus re 'a Bartolomeus; 'a Tomas re 'a Matius golo-golo'o balastengi; 'a Yakobus Alfeus 'ai ngowa'a nau'u, re 'a Tadeus.

Matias 6:5

Re wakutu ngini ni manyiata, awa ni dadi sa'olo ngowa'a munafiki! Wakutu ananga gena-ge 'aḏi manyiata 'aḏi nyanyaḏi made-de'oso toma wala-wala puji re toma ngo'omo ma sola, la ngowa'a ya'u oḏi'i kara ya'u puji re silamo'o ananga. Ni ngaku mode-mode'e 'Ari demo-demo nena-ne: Ananga gena-ge manga ngogele rema enanga ḏua! Tantu ḏua Ma Jou'ongu Madutu nu puji re silamo'o ua!

Matias 9:13

So'o gena ḏi'i, Ngoi to sapolo ua di'a 'aro'o ngowa'a loasa re banari mada'a to sapolo di'a 'aro'o ngowa'a baraḏosa. Dadi ngini ni disa waro toma Boku 'Ofi-'Ofi ma dara bu-bula'a nena-ne ma ngale: ‘Ngoi to mau ngowa'a 'aḏi sijumu manga 'akala re sinyingara ma la-la toma ngowa'a lelegu, awa pa'i 'aḏi pula'a jou-jou haiwani ra Ngoi!’ ”

Markus 11:25

Re na'o ngini ni manyiata, mada'a ninga 'akala re sinyingara 'i sanangi ua ra matengo i'a, siḏa-siḏa na si'apongo ngowa'a matengo gena-ge, la ninga Ḇaḇa da'u toma soroga 'A singi-ngiranga ḏi'i ninga ḏosa-ḏosa. [

Lukas 17:12

Wakutu Unanga 'o osama toma gamu rimoi, 'age rema ngowa'a si-siḏi 'eno'o nga nyagi moi 'aḏi made-de'oso toma giḏanga mau ma'u sanga ra Yesus.

Lukas 22:41

Gena ḏua, Yesus 'o masai'i i'a ra ananga ma giḏanga ḏa poini reo maḏi soi moi, kara Unanga 'o maḏipolono re 'o manyiata

Lukas 23:48

Wakutu ngowa'a repe ga'a 'aḏi sapolo uningi toma ngi'i gena-ge, 'aḏi oḏi'i mo-moini ga'a 'i dadi ḏua, ananga mo-moini 'aḏi maḏibo ya sata manga katere, sababu manga 'akala re sinyingara ma tuduba lai siḏi.

Lukas 5:8

Wakutu Simon 'a oḏi'i so'o gena, unanga 'o mapagara 'ai biono tala ra Yesus re 'o kanau, “Ma Jou, sisoi'i tala ḇato ngoi; sababu ngoi ngowa'a baraḏosa!”

Yesus 'ai so-soma'a 2:37

Wakutu ananga ya 'isene so'o gena, ananga manga 'akala re sinyingara 'i kangela masala. Ḏua ananga 'aḏi sano ra Petrus re 'a Yesus 'ai so-soma'a ma lelegu ḏi'i, “Ioronongoḏu, ngomi balasu mi 'a'a 'oru?”

Roma 5:8

Mada'a Ma Jou'ongu Madutu masiretene 'a sijumu 'Ai dadalara madutu ra ngene so'o ne: Wakutu ngene wo 'ahu toma ḏosa moju, Kristus 'o sengene di'a ngene!

2 Korintus 7:11

Ni tailako la-la ino. Ngini ninga 'akala re sinyingara kangela ga'a 'i mete'e Ma Jou'ongu Madutu 'ai 'akala ma mau, enanga ma sowo'o 'oru ra ngini?! Ma sowo'o so'o ne: Ngini ni makutale mode-mode'e ni mete'e de'oso re ḏegoro ga'a 'i boloto. Ngini ni nyafusu mode-mode'e ni sikalaere 'oru ga'a somu'u. Ngini reni emono ḏosa ga'a ngowa'a baraḏosa ya si'a'a. Ngini mojongo mangale ḏosa gena-ge 'i sigasa hukumu. Ngini ni nyanyaḏi mode-mode'e ma'u sanga ra ngoi moju. Ngini ni riono ngoi mode-mode'e reninga 'akala re sinyingara sa-sanangi. Ngini ni nau'u di'a sihukumu ngowa'a baraḏosa gena-ge. Dadi toma 'ori i'a mo-moini gena-ge, ngini reni sijumu mangale ngini kaninga sala ua.

1 Timotius 1:15

'Age demo ma betongo so'o ne: “Kristus Yesus 'o sapolo toma dungia di'a 'O sisalamata ngowa-ngowa'a baraḏosa.” Demo gena-ge 'i tero re balasu wa dawongo re wa ngaku mode-mode'e. Ngoi masiretene 'ari ḏosa lai lamo'o toma ngowa'a baraḏosa mo-moini.

'Ibrani 4:16

Sababu gena-ge, ino ngene renanga mojongo awa wo talaḏi Ma Jou'ongu Madutu ga'a 'O parenta re sijumu 'Ai mura re dadalara ra ngene. Unanga gena-ge 'a sijumu 'Ai 'akala re sinyingara ma la-la re pula'a 'Ai mura re dadalara ra ngene, la ngene wo sanga ri-riono pasi-pasi enanga ma 'orasa.

'Ibrani 8:12

Ananga manga sala, Ngoi ḏuanga i'a ta singi-ngiranga re manga ḏosa-ḏosa, Ngoi ḏuanga ta 'elingi riwara.”